¹ Koa fa nimpody ta Kapernaomy izy tagnatiny andra vitsivitsy, koa fa tantragno izy. ² Maro koa olo ny vorivory tio nefa tsitsy toeragna eky, na tambaravaragna, nagnabara volagna tamin-drô Jesosy. ³ Bakako nisy lela maromaro ny tondra olo malemy araiky nagnatogno izy; ny lanjain'olo efa-dahy izy io. ⁴ Koa fa tsy nafaka nagnatogno izy nariny irô bakatamin'ny amaron'olo, nadoso drô tafon-tragno tagnabony Jesosy,koa fa voa biagna drô, nadotso drô fandriagna nandriany lelahy marary io. ⁵ Koa fa hita finoagna drô, nambarany Jesosy tamin'ny lelahy malemy io: "zanako, afaka masantoko nao." ⁶ Abako nisy taman-drô panaoratra lalagna nipetraka tio, nihomognomogno tagnatiny fô drô tao: ⁷ "ino nahafany lelahy io ny volagna kara zegny?Mivolagna raha ratsy izy!Tsy Zagnahary zaraiky fo mba afaka mamin-dra fô?" ⁸ Direct hainy Jesosy Tamin'ny fagnahiny raha jiaby nieritreretin-drô.Ny volagniny tamin-drô:"Nagnino anarô miheritreritry raha kara zegny agnatiny fônarô? ⁹ Ino tegna maoramaora volagniny amin'ny lelahy malemy io: 'Afaka heloko nao' sa: 'mitsangàna,hinjona fandriagna nao, bakô mandihiana'? ¹⁰ Mba hahaizanarô fa managna fahefagna amin-dra fô eto an-tany Zanak'olo," Ny volagniny tamin'ny malemy io: ¹¹ "Ambarako anao,mitsangàna, hinjona fandriagna nao,mandihana atragno nao,". ¹² Nitsangana izy nibata fandriagnany direct, draiky ny boaka tantragno manoloagna olo jiaby, Gaga irô jiaby kay nagnamia voninahitry Zagnahary, irô ny volagna:" Mbala tsary nahita raha kara ty zahay." ¹³ Bakô niboaka tamoron-dranomasigny koa izy, bakô nagnatogno Izy koa vahoaka, nampianarigny irô. ¹⁴ Koa fa nandalo Izy, nahita i Levi zanaka i Alfeo nipaitraka tamin'ny toeragna fagnanaovagna hetra kay ho izy taminany:"Magnaraha Zaho."Nitsangana izy nagnaraka Izy. ¹⁵ Nihina tan_trangnon'i Levy i Jesosy, avio irô mpianatranany, mpangala hetra, mpahay lalàgna draiky Fariseo bakô olo mpanonta maro niaraka nihina taminany , fa maro irô tao sady nagneky nagnaraka Izy. ¹⁶ Koa fa nahita i Jesosy niaraka nihina tamin-drô olo mpanota draiky irô mpamory hetra, nagnotany mpianatranany nagnano kara ty:"Nagnino izy miaraka mihina amin-drô mpamory hetra draiky irô mpanota aby io?" ¹⁷ Koa fa naregny zegny Jesosy volagniny tamin-drô:" Tsy irô salama mila mpitsabo; fa irô marary fo mila zegny. Tsy avy hikaiky olo marigny zaho, fa mpanota" ¹⁸ Ny fady anigny irô mpianatra Jesosy draiky irô Fariseo. Lelahy maro nagnatogno nivolagna kara ty: " Nagnino mpianatra Jaona draiky mpianatra-drô Fariseo mifady anigny, fa mpianatranao draiky tsy mifady?" ¹⁹ Volagniny Jesosy tamin-drô:" Afaka mifady anigniny mba olo mpagnatriky fampakaragna koa mbala iô mpampakatra? Izy koa mbala miaraka amin-drô io mpampakatra, tsy afaka mifady anigny irô. ²⁰ Mbala avy andra hagnadosoagna mpampakatra amin-drô, amin'andra zegny, hifady anigny irô. ²¹ tsisy manakotro lamba kay matriaka amin'ny lamba vaovao, koa tsy zegny hiala aminy tapaka lamba vaovao lamba taloha, bakô vomaika ho ratsy fahatsiarany. ²² Tsisy olo angnisy divay vaovao agnatiny signy hoditry kay fa ratsy, koa tsy zegny hitriariny divay hoditry kay samy ho very divay draiky signy hoditry. Tegna izy draiky, divay vaovao atao agnatiny signy hoditra vaovao. ²³ Tamin'ny andra sabata Jesosy nandeha tagny amin'ny tanimbary maromaro, sady nanomboko nitsôgo vary. ²⁴ Volagnidrô Fariseo io taminany: " Zahava, nagnino irô magnano raha tsy fagnaraka amin'ny lalàgn'ny andra Sabata?" ²⁵ Kara ty ny volagniny tamin-drô: " Mbala tsendriky ny vakinarô ma raha nataon'i Davida koa fa tagnatiny fasahiragna draiky mosary izy _ ²⁶ draiky lelahy ny araka taminany_ akory fomba nataony nidriky tagnatin'ny tragnon- dRagnahary tamin'ny andran'i Abitiara mpisoranabe, nihinagna mofon'ny fagnatraihagnana, nefa tsy ara-dalàgna na amin-jôvy na azôvy koa tsy mpisorana fo, bakô mbala namiany maromaro irô niaraka taminany?" ²⁷ Jesosy ny volagna kara ty:" Sabata natao ho an'ny zanak'olombelogno, fa tsy zanak'olombelogno ho an'ny sabata. ²⁸ Kay dikany zegny, Zanak'Olo Tompo, na amin'ny Sabata."