¹ Nanomboko nampianarin'ny Jesosy tamin'ny fagnoharagna zegny irô. Nivolgna Izy: "Nisy lelahy araiky nitsabo rézain nataony vala nagnodidigny tiô, sady nangady làvaka hàmiagna izy. Nagnatsangana tilikambo izy aviô nampamondreny olo mpitsabo rézain zegny i tany fitsaboany zigny. Kai niala lavitry tiô amizaigny izy. ² Koa fa lera zegny, nagniraka mpiasa nany tao izy andaiha angala anjara vokatranany tamin'ny tany araiky nafôdrony. ³ Koa fa navy tagny, nisamborindrô zegny izy, nipopondrô sady niroasindrô izy kai tsisy raha namiandrô izy foeky. ⁴ Nagniraka mpiasa hafa draiky koa izy, fa izikoa fa navy tagny, nivakindrô lohanany sady nalaindrô baraka koa. ⁵ Nandefa hafa koa zegny izy, kai nivonehindrô foeky. Kara zegny fo zegny ny raha nataondrô irô jiaby, nipopohindrô sady nivonehindrô koa ny sasany. ⁶ Mbala nisy olo hafa niragna fo koa izy tafara, fa zanany tegna tiany.Izy zegny ny farany nalefany tagny tamin-drô tagny. Kai nivolgna izy hoe: "Asa mba hajaihindrô edy zanako lahy igny." ⁷ Kanefa koragnandrô mpitsabo io draiky zegny hoe: " Ity araiky mpandova igny. Alô andeha vonentsika izy, kai alaintsika amizay loava nany." ⁸ Nivonendrô zegny izy, aviô natsipin-drô tam-belan'ny valan'ny rézain igny. ⁹ Kay ino zegny ra tokony ataony tompiny tany io? Mbala hoavy zegny izy andeha hagnadoso irô mitsabo amin'ny taninany ao igny sady hagnamia tany io olo hafa koa. ¹⁰ Anarô ma tsy namaky sôratramasigny ty? 'Ny vato nilavin'ny mpagnôrigny tragno, no atao hoe vato fehizoro. ¹¹ Baka amin'ny Tompo zegny sady mahagaga atsika.'" ¹² Tsaiky hanambotro Jesosy zegny irô, kanefa irô navozo vahoaka, fôtony haindrô fa mifanohitry amin'ny raha nivolangnidrô zegny koragna ny Jesosy aby igny. Kai nambelandrô zegny izy nial tiô. ¹³ Koa fa zegny ny raha nisy, nagniraka Fariseo draiky Herodiana sasany andaiha Aminany agny hamandriky izy amin'ny volagnanany. ¹⁴ Koa fa navy zegny irô nivolagna taminany hoe: "Mpampianatrô, hainay fa tegna tsy mila hevitrin'olo Anao, sady tsisy fagnavakavagna amin'olo koa Anao. Mampianatra lalangna-dRagnahary marigny. Kai ara-dalagna mba izikoa magnefa hetra amin'ny Kaisara? Tôkony agnefa Hetra ma zahay sa tsy tôkony? ¹⁵ Fa hain'ny Jesosy zegny irô mihatsara velatsihy kai nivolagniny tamin-drô: Nagnino nagnino ma anarô mi-testy Za? Angnandesa denaria araiky Za zahako izy." ¹⁶ Nagnandesandrô vola araiky zegny Jesosy. Nivolagna tamin-drô zegny Izy fa: "Azovy tômpin'ny sary draiky soratra ty?" Navalindrô: "Ny Kaisara." ¹⁷ Nivolagna koa Jesosy fa: "Ameza Kaisara agny ny raha tokony ny Kaisara, aviô amaiza Zagnahary koa ny raha tokony ny Zagnahary." Gaga zegny naharegny zigny. ¹⁸ Aviô irô Sadoseo aby nvolagna fa tsisy fitsagnanagna amin'ny maty, zegny navy taminanay tiô koa. Nagnontany Izy irô nivolagna fa: ¹⁹ "Mpampianatrô, karaty baka ny raha nisoratin'ny Mosesy taminay: 'Koa maty rahalahy ny lelahy araiky, kai vadiny io bala io, sady tsisy zanaka, tokony manambady vadin'ny rahalahiny io zegny izy. amizegny managna taranaka irô.' ²⁰ Kai nis fito mirahalahy irô, nanambady zegny araiky voalohany naty, nefa tsy nagnambela taranaka. ²¹ Nalain-drahalahiny vady koa zegny vihavy igny, mbala naty fo koa izy, sady tsisy zanaka fo koa, kara zegny fo koa nataon'ny araiky fahatelo. ²² Tsisy nagnambela taranaka zegny irô jiaby fito igny. Hafarany zegny naty foeky koa i magnangy igny. ²³ Kai amin'ny fitsanganagna amin'ny maty agny, azovy amin-drô mpirahalahy aby igny ho lôso vadin'ny magnangy igny. Fôtony Satria samy nanambady izy aby baka irô fito igny. ²⁴ Nivolagna Jesosy tamin-drô: "Tsy zegny draiky ny magnary anarô io, fôtony anarô tsy mahay soratra Masigny na herin-dagnahary? ²⁵ Fôtony, agny fa tsisy fanambadiagna eky na koa vady atolotro zegny fa karaha anjely aby agny an-dagnitry fo zegny irô jiaby igny. ²⁶ Tsy nivakinarô ma bokin'ny Mosesy araiky mikasiky fitsanganagna amin'ny maty igny, araiky nikoragnin'ny Zanahary taminany, amin'ny andalagna mikasiky voaroy mivolagna fa: "Zanahary Ny Abrahama draiky Isaiah aviô ny Jakôba'? ²⁷ Izy tsy Agnahary ny maty fa ny velogno. salary diso hevitry zegny anarô." ²⁸ Nisy araiky tamin-dro mpahay lalàgna io naharegny koragnandrô; kai Jesosy itany namaly tsara tamin'ny koragnandrô. Kai nagnontaniany zegny Jesosy: "Ino zgny didy tegna maventy aminy didy jiaby? ²⁹ Nivolagnin'ny Jesosy taminany hoe: "Ny tegna maventy zegny: 'Mitandregny, Tompo Zagnaharintsika, Israhely aby io Tompo araiky fo. ³⁰ Tsy maintsy hitiavinao amin'ny fô nao madio zegny Tompon-dRagnahary itiavinao amin'ny fagnahinao jiaby, amin'ny saigninao jiaby, dariky amin'ny amgôvonao jiaby.' ³¹ Ity koa ny didy faharoe: "Tsy maintsy tiavinao namanao kara nitiavanao haigninao. Fa tsisy didy mihoatra irô io eky." ³² Namaly mpahay lalagna araiky fa hoe: "Tsara zegny ry Mpampanatra! Vohavolagna Araiky marigny Zagnahary, aviô tsisy afa izikoa tsy Izy fo. ³³ Kai mitia Izy amin'ny fô, saigny, angôvo jiaby draiky mitia namandrô kara haignidrô, zegny tsaa lavitry mihoatra ny fagnatitry hiroagna. ³⁴ Izikoa faitan'i Jesosy fa namaly am-pahendregna zegny izy, naivolagna Jesosy fa: " Tsy lavitry fanjakahan-Jagnahary anao." Ary nanomboko tiô, tsisy olo nasaky nagnapetraka fagnontaniagna tamin'i Jesosy eky. ³⁵ Karaty raha navalin'i Jesosy izikoa fa nampianatra tamin'ny tempoly tio: "Ino ma agnanaovanarô mpahay lalagna fa i Kristy zanak'i Davida? ³⁶ Nefa tamin'ny fanahy Kasigny mihitsy i Davida nivolagna fa: 'Ny Tompo zegny nivolagna tamin'ny Tompoko fa: mipitra amin'ny tagnany gauche, mandram-panaovany fahavalonao ho fagnambilagna vitinao. ³⁷ Davida mintsy nikaiky Izy: 'Tompo,' kay mbala ino koa ivolagnanarô fa zanakin'i Davida i Kristy?" nitandrignaisandrô vahoaka maro be rô Izy. ³⁸ Nivolagna Jesosy tamin'ny fampinaragnanany: "Anarô mitandraima amindrô mpahay lalàgna, irô magnano ankanjo lava tia mandaihandaiha rô ndraiky araiky tiany arabaigna koa fa amin'ny tsena igny ³⁹ aviô irô mila mahazo sezy ndraiky toeragna voalohany koa fa amin'ny Synagoga agny. ⁴⁰ Irô tihohita magnano vavaka lava regny ndraiky irô mandrava fanagnandrô viavy maty vady regny. Irô lelahy jiaby zegny hahazo sazy tegna maventy . ⁴¹ Nipetraka fanandrify ra fatao rakitry tamin'ny faritry tempolo tiô zegny Jesosy; nizahavany irô olo jiaby nandatsaka vola. Maro zegny irô mpanambola nandatsaka vola be tao. ⁴² Kay nisy viavy araiky mahantra ndraiky zegn nandatsaka farantsakely aroe, hely variroaventy koa hoarigny amin'ny iraimbilanja. ⁴³ Nikahiany zegny irô mpianatranany kay nivolagniny tamindrô: "Ambarako anarô tegna marigny, ity viavy mahantra ity tegna nandatsaka vola be mihoatran'olo jiaby zaigny nandatsaka vola tagnatiny ra faganaovagna rakitry. ⁴⁴ Fôtony ankamaroan'olo aby igny, nandatsaka tamin'y fanagnandrô vola ne fo. Fa izy ndraiky zegny, ndraiky tsy fanaganany, nandatsaka vola jiaby tokony ivilomany."