¹ Ity nanomboagna filazantsaran`i Jesosy Kristy zanaka ndRagnahary. <sup>2</sup> kara zegny voasaoratra agnatin`i Isaia Mpaminany hoe. Iniany zah magniraka iraka naka ndeha aloha Anao, izy zaraiky fo agnaboatra lalagna nao. ³ Misy fiô regny mikaiky maré ambadiky agny hoe: "Ataova vognono lalagnan`ny Tompo; ataova mahitsy ka lalagna andalôvany." <sup>4</sup> Navy Jaona, nagnano batisa tambadiky tagny ndraiky nagnambara batisan`ny fibaboagna andeha amin`ny famitsaoragna heloko navy baka amin`ny andalagna narô. ⁵ Irô tagny jodia jiaby ndraiky irô vahoaka jiaby tao Jerosalema navy nagnatogno izy. Nataony batisa tagnatiny tegnan-drano ny jordana irô, izy ka fa nagneky adalagna nazy. ⁶ Jaona nisikiny lamba volovolon`Dramèva aviô nagnano sentiry tamin`ny valàgna nazy, bakàkô Valala ndraiky Antely hoezigny nahaniny. ⁷ Avio nambarany ka: "misy araiky avy magnaraka za tegnany mahery mandilatra za, ndre za tsy tôkony agnadoso tadinin`ny kiraro Nazy. <sup>8</sup> Za nagnano batisa anarô tamin`nyrano, Izy ndaiky hagnano batisa anarô amin`ny fanahy masigny." <sup>9</sup> Tamin`ndrô andra aby niboahan`i Jesosy baka tagny Nazareta tao Jodia nitrangany izeny, baka tiô, nagnanovan`i Jaona batisa Izy tagnatin`ny tegnan-dranon`ny jordana. ¹⁰ Izy ka fa niboaka tagnatiny rano tao Jesosy, hitany nibiagna langitry, baka tiô nijotso taminany tiô kara vôromahilala fanahy masigny. ¹¹ baka tiô ka nisy fiô baka andangitry tagny nagnano kara ty: "Anao Zanako tegnany tiako,Anao ndrô ankasitrahako". ¹² Avio ka nitahôminy fagnahy andeha ankodahoda tagny Jesosy. ¹³ Èfapolo andra nangalany setoany fagnahy Izy tankodahoda tagny. Nipaitraka niaraka tamin-drô bibidy Izy, aviô nitompoiny Anjely Izy. ¹⁴ baka iô ka fa nisamborigny Jaona, navy tao Galilia Jesosy nagnambara filazantsaran-dRagnahary, ¹⁵ nagnano kara ty: "Èfa navy fotoagna, èfa marikitry ka fanjakan-dRagnahary. Mibaboa, minoa filazantsara". ¹⁶ Izy ka fa nandeha tamin`ny sisin-dranomasigny Galilia Izy, hitany Simona ndraiky Andrea ralahin`i simona nagnarato, fotony mpagnarato irô. ¹⁷ Nambarany Jesosy kara ty: "avia magnarah za, fa ataoko mpagnarato olo arô." ¹⁸ tiô ny tiô nambèlan-drô arato nagnaraka izy irô. ¹⁹ y ka fa nandeha lavitry Jesosy, nahita Jakoba zanaka Zebedio ndraiky Jaona ralahiny, tagnatiny lakana nagnamboatra arato. ²⁰ Nikainy irô niala tagnatiny lakana igny,directy Zebedio babany, niaraka tamin`drô mpiasa nazy igny, nagnaraka izy ka irô. <sup>21</sup> iô navy tao Kaperinaona irô, tamin`ny andra sabata, nidriky tao amin`ny synagoga Jesosy nampianatra. <sup>22</sup> Gaga tamin`ny fampianaragna nazy irô, fôtony nampianatra Izy irô kara olo managna fahifagna Izy fa tsy mitovy amin-drô Mpanora-dalàgna. ²³ Aviô nisy lelah araiky tamin`ny Synagogan-drô tao nanagna fagnahy ratsy niafatra maré, nagnano kara ty: <sup>24</sup> "Ino ma rah ifandraisanay aminao, Jesosy baka Nazareta eeh? Navy agnapotiky zahay va anao? hainay azôvy anié Anao ai. Anao masin-dRagnahary!" <sup>25</sup> nagnadariany Jesosy sétoany io nagnano kara ty: "mantsitsigny,miboaha aminany". <sup>26</sup> Tiô fagnahy ratsy io nandavo izy salakady niboaka taminany kay nikaiky taminy fiô mahery. <sup>27</sup> Gaga olo jiaby ndraiky nifagnotany irô hoe: "Ino ity?Fampianaragna misy fahifagna ity?Ndré irô fagnahy ratsy aby io, nikomandìny ndraiky nagneky Izy irô!" <sup>28</sup> Ny vaovao mahakasiky Izy, niparitaka nagnairagna Galilia jiaby lazany. <sup>29</sup> Ka fa niboaka Synagoga, navy tao antragnon'i Simona ndraiky Andrea irô, niaraka tamin'i Jakoba ndraky Jaona. <sup>30</sup> Nèfa rafozagna Simona nandry nararin`ny tazo, nambaran-drô Jesosy mahakasiky Izy. ³¹ Nantôgniny Izy, nisamboriny tamin'ny tagnany izy, ndraiky nareminy; nafaka tazo nazy kay nanompo Izy irô. ³² Taminy harivan'izo fo, alohany hilentiky masoandra, nandesin-drô taminazy tio, irô narariny sétoany jiaby. ³³ Tafivory tambaravaragna tao an`tanagna irô jiaby. <sup>34</sup> Nagnajanga aretigny maro par karazany Izy, ndraiky nandroaka sétoany maro ka, fa tsy nambèlany hikapokapoko irô sétoany aby io, fôtony mahay Izy irô. <sup>35</sup> Nifaoha marandraigny be Izy, mbala mahizikizigny andra; niala tiô Izy nandeha tagny amin`ny toairagna mitaokana tiô Izy nivavaka. ³⁶ Nitady Izy Simona ndraiky irô niaraka taminany. ³⁷ Hitan-drô Izy nivolagnin-drô taminany hoe: "Mitady Anao olo jiaby." ³⁸ Nambarany: "Alô atsika andeh amin`ny toeragna hafa, ivailany amin-drô tanagna magnodidigny regny. Mba ho afaka mitory teny agny ka Za. Fa zegny antony niboahako aty". <sup>39</sup> kay nitety Galilia jiaby Izy, nitory teny tagnatin'ny synagôgan-drô ,salakady nandroaka setoany maro. <sup>40</sup> Nisy boka araiky nagnatogno Izy tiô, nitaraigny taminany izy; Nandohaliky tankilany tio nagnano kara ty: "ka mba mety aminao, janga zah, <sup>41</sup> "nahinakinaka Jesosy, ndraiky namètraka tagnàny Jesosy sady nitsapa izy, nagnano kara ty; "magneky Za, minjànga anao." <sup>42</sup> directy niàla habokagna nazy, salakady janga izy. <sup>43</sup> Nampitandraimany Jesosy maré izy bakô nalaifany. <sup>44</sup> Nivolagniny taminany: "Tandraima tsy hivolagna na amin`jôvy na amin`jôvy anao, fa aloha mandeha, haboà mpisorona vatagnanao ,baka iô magnanaova rakitry nohon`ny fagnadiovagna anao araka nicomandin`i Mosesy, mba hitsangana temoignase amin-drô." ⁴⁵ Bakako niboaka izy, nandeh nagnambara olo nagnèragna tanana jiaby igny, ndraiky farany Jesosy ts nahazo nidriky tagny eky. Ndraiky nipetraka manaokana tambadiky tagny fekny Izy, avio nagnaraka izy fo ndraiky ka irô olo jiaby tagny.