¹ Nangaiky gne mpianatriny roy amby folo lahy i Jesosy ary nagnome endreo gn’hery sy gne fahefaha ame demony ary hitsabo gn’arety aby. ² Nalefany indreo history gne fanjakan’Andriamanitry sy hitsabo gne marary. ³ Hoy Izy tamindreo se:’ka minday n’ino n’ino ame dianareo – tsy misy angira, tsy misy tragnom-batsy, tsy misy mofo, tsy misy vola, tsy misy akanjo fagnampiny. ⁴ Gne tragno idiranareo, da mijano ao mandra-pelanareo. ⁵ Ndre aia ndre aia tsy handresan’olo enareo, laha mandalo enzà tanà zà enareo da ahitsagno iala gne boho ame tombokareo mba ho fijoroa ho vavolombelone fanohera andreo». ⁶ Avy teo da lasa indreo ary namakivaky gne tanà, nitory gne filazan-tsara sy nitsabo gne narary. ⁷ Ary ren’i Heroda mpanjaka aby gne raha niboda, ary da lany hevitry izy, satria vazakane sasany fa i Jaona mpagnano batisa da nitsanga tame maty, ⁸ ary vazaka fa noboda i Elia, gne sasany mizaka fa gne raiky tame mpaminany taloa gne nitsanga tame maty. ⁹ Hoy i heroda se: «ià gne nanapaky gne lohan’i Jaona, mba ia koa sawa gnaresako gne raha akoizà?» ary niezaky gne ahita Anazy izy. ¹⁰ Laha nipody gn’apostoly da nikora taminazy gne raha aby vitandreo. Avy teo da nindesiny niray taminazy indreo, ary nandeha nitoka ho ame tanà atao hoe Betsaida. ¹¹ Laha nahare en’izà gne vahôky da nagnaraky Enazy. Da noresiny indreo ary nambarany andreo gne mikasiky gne fanjakan’Andriamanitry, ary nitsabo en’izay mila fitsaboa Izy. ¹² Ary laha ho ariva gn’andro da nagnato enazy è zalah roy amby folo lahy ary nizaka hoe: «alefaso mandeha gne vahôky mba ahafahandreo mandeha ame tanà magnodidy sy ambanivolo mba ahitandreo fatoria miaro sakafo, satria aty ame tany tsisy raha itsika». ¹³ Fa hoy izy tamindreo se: « Omeo raha hoany indreo». Ary nizaka indreo hoe: «tsy mana afa tsy mofo dimy sy laoky andrano roy iahay – laha tsy hoe mandeha iahay ary mividy sakafo ho an’io olo maro io». ¹⁴ (tokony ho dimy arivo teo ho eo gne lelah teo). Ary nizaka tame mpianatriny Izy hoe: «atokotokano dimapolo dimapolo indreo». ¹⁵ ka da nanindreo iza, ary napidoboky gne vahôky. ¹⁶ Noresiny gne mofo dimy sy gne laoky andrano roy, da nihandra tame lagnitry izy, nisaotry endreo ary nozarzarainy izà, ka nomeny gne mpianatriny iza mba hatolotry gne vahôky. ¹⁷ Nihina indreo aby da afa-po, ary nalagno gne sisa tsy lany – da nisy potipotiny roy amby folo haro. ¹⁸ Ary laha nivavaky manoka i Jesosy da niray taminazy gne mpianatriny da nagnontany endreo izy hoe: «anine vahôky ia me ià io?» ¹⁹ Namaly indreo hoe: «i Jaona mpagnano batisa. Fag ne sasany nizaka hoe i Elia ary gne sasany nizaka hoe nitsanga tame maty gne raiky tame mpaminany taloa». ²⁰ Ary nizaka tamindreo izy hoe: «fa haninao ia me ià?» Namaly i Petera hoe: «ilay Kristin’Andriamanitry». ²¹ Fa nandrara mafy izy tsy izaka anza na amn’iza na amn’iza, ²² nagnano hoe: «gne zanak’Olo da tsy maintsy hijaly ame raha maro ary ho raràhane loholona sy gne lohandohane mpisorogny ary gne mpanoratry lalàgna, ho vony izy ary hitsanga ame gnandro fahatelo». ²³ Ary hoy izy tamindreo aby se: «Laha misy ta-hagnaraky enah da tsy maintsy mandà gnainy izy ary mitondra gn’hazo fijaliany isan’andro, ary da magnaraky enah. ²⁴ N’iza n’iza ta hagnavotry gnainy da hagnary en’izà, fa n’iza n’iza magnary gnainy noho ne fitiavany enah da hagnavotry izà. ²⁵ Ino gne tsara azon’olo ame fanagna an’izao tontolo izao, kanefa magnary na magnapotiky gnainy? ²⁶ fa n’iza n’iza megnatry noho ne gnamnà sy gne zakako, da ho megnatry enazy koa gne zanak’Olo aby avy ame voninahitriny, sy gne voninahitry gne Ray sy gn’anjely masina izy. ²⁷ Fa koragniko marigny aminareo, fa gne sasany aminareo etoa io da tsy hahita fahafatesa meloha gnaitany gne fanjakan’Andriamanitry». ²⁸ Ary valo andro teo ho eo tafarane nikoragnan’i Jesosy en’izà, da nindesiny nindray taminazy i Petera, i Jaona ary i Jakoba, ka niranga gne vohotry hivavaky. ²⁹ Laha nivavaky igny izy da niova gne laharany, ary nivadiky fotsy mamirapiratry gnakanjony. ³⁰ Igny nisy roy lahy nagnato sady nikora taminazy, da i Mosesy sy Elisa izà, ³¹ izay niboda tame vohotry mamirapiratry. Nikora mikasiky gne fialany Izy, izay indesiny ho tanterahany agny Jerosalema. ³² Ary i Petera sy gne niray taminazy da navesatre torimaso, fa laha natsiaro indreo, da nahita gne voninahitriny sy gne lelah roy nindray nitsanga taminazy. ³³ Ary laha niala lavidavitry en’i Jesosy indreo, da hoy i Petera taminazy se: «Tompo o! tsara amitsika gne mijano etoa. Apetray iahay agnano felofa telo, gne raiky Anao, gne raiky an’i Mosesy, gne raiky an’i Elia». ( tsy fatatriny izay nozakainy). ³⁴ Tame fotoa nizakany en’iza da nisy mika nandrakotry endreo, ka lasa natahatry indreo laha tafiditry tam’zà mika zà. ³⁵ Nisy feo nivoky avy tam’zà mika zà, nagnano hoe: «ity gne zanako lelah, gne raiky izay voafidy; tenomo izy». ³⁶ Laha nizaka izà feo zà da i Jesosy raiky gne hita teo. Nitazo gne fahanginandreo indreo ary tsy nizaka tam’iza n’iza tam’zà andro zà gne mikasiky gne raha itandreo aby. ³⁷ Ary ako gn’omarain’igny, laha nidigny avy tame tendrombohotry indreo, da vahôky maro gne nifankahazo taminazy. ³⁸ nisy lelah raiky niboda avy tame vahôky nikoiky mafy, nagnano hoe: «Eh ro mpampianatry e! mibebaky aminao ià mba hagnety gne zanako lah ty, fa zaza toka izy io. ³⁹ Itanao misy fagna mibeko enazy zay da mitoreo tapoky izy; mapifanitosito enazy iza ka mampisy ranivy gne vavany. Tsy miala anazy izà ary da tena mahasosotry enazy. ⁴⁰ Nibebaky tam’gne mpianatrao ià mba hagnala anzà fa tsy afakindreo». ⁴¹ Namaly i Jesosy hoe: «enareo tsy mpino sady taranaky ratsy fitondran-tena, hatram’gnovia gne tsy maintsy iarahako aminareo sy heretako indray aminareo? Indeso aty gne zanakao lah». ⁴² Laha nagnato ity zaza lah, da nahifike demonia tame tany izy ary napimia anazy. Fa i Jesosy da nizaka mafy gne fagna ratsy ary nitsabo en’izà zaza lelah zà, ary namerigny enazy tam’iabany. ⁴³ Ary avy teo da gaga aby gne be sy ny maro nahita gn’ahabene Zagnahary. Laha gaga tame raha maro namboariny indreo, da hoy izy tame mpianatriny se: ⁴⁴ « anio agnatine sofinareo itoa zaka toa: gne zanak’Olo da efa hatolotry ho atagnan’olo». ⁴⁵ Fa tsy azondreo izà fagnambara zà. Izà da nafiny endreo, noho izà da tsy azondreo gne dikan’izà, ary ambola matahatry indreo gne hagnontany gne mikasiky enzà fagnambara zà. ⁴⁶ Avy teo da nanomboky nisy tsy fifankazaoan-kevitry tamindreo gnam’hoe ho zakabe sady ho to-teny amindreo. ⁴⁷ Fa i Jesosy d’efa nahafatatry gn’hevitry tagnaty trokindreo, ka zaza madiniky raiky Izy ka napidobohiny tagnilany teo ⁴⁸ ary nizaka tamindreo izy hoe:’fa n’iza n’iza mandray an’ity zaza ty am’gnagnarako da mandray enah; ary n’iza n’iza mandray enah, da mandray gne Ray izay nagniraky enah. Fa izay kidy indrindra aminareo aby gne zakabe». ⁴⁹ I Jaona da namaly hoe: «Tompo o! nahita olo raiky iahay nangala demonia tam’gnagnaranao da noraranay izy, satria izy tsy mindray dia aminay». ⁵⁰ «ka rarà izy», hoy Jesosy, «satria izay tsy manohitry enareo da magnaraky enareo». ⁵¹ Laha efa nariny gn’andro apekara anazy, da nitodiky ho agny Jerosalema izy. ⁵² Nandefa hiraky taloa izy, ary nandeha indreo ka niditry tame tanà-ne Samaritana mba hagnoma gne raha aby ho anazy. ⁵³ Fa gne vahôky tao tsy nandray enazy, satria nitodiky ho agny Jerosalema izy. ⁵⁴ Laha nahita en’izà i Jakoba sy i Jaona mpianatry, da hoy indreo se: «Tompo o!, tianao iahay laha mandefa afo milatsaky avy an-dagnitry mba hagnapotia andreo?» ⁵⁵ Fa nitodiky izy ary nizaka mafy tamindreo, ⁵⁶ lasa tagny ame tanà hafa indreo. ⁵⁷ Ary laha tame làla indreo da nisy olo raiky nagnano taminazy hoe: «hagnaraky enao ià n’aiza n’aiza ombanao». ⁵⁸ I Jesosy nizaka taminazy hoe: «gnamboahidy manan-davaky ary gne voro mandrembo da mana gne tragnony, fag ne zanak’Olo tsy mana-toera asia gne loany». ⁵⁹ Ary hoy izy tame sasany se: «magnarà anah». Fa hoy izy se: «apetray eky ià handevy en’iabako». ⁶⁰ Fa hoy Izy taminazy se: «apetray gne maty handevy gne maty aminazy. Fa ho anao mandiana ka mitoria agny lavitry agny ary apitombohy gne fanjakan’Andriamanitry». ⁶¹ Ary nisy olon-kafa nagnano hoe: «hagnaraky enao ià Tompo, fa apetray eky ià hagnano veloma gn’olo andragnoko». ⁶² I Jesosy namaly enazy hoe: «Tsy misy olo mità angady ary mitodiky ka mendriky ho ame fanjakan’Andriamanitry».