¹ Ary tafaran’io raha io, da nifidy fitopolo lah (Fagnamaria: maro tame fandika taloha tsara indrindra gne mivadiky hoe: «Fittopolo», kanefa gne sasany da mivadiky hoe: «roa ambi-fitopolo».) hafa gne Tompo, ary nandefa andreo tsiroiroy taloan’Izy nandeha tame toera izy handihanany. ² Hoy Izy tamindreo se: «Be gne vokatry, fa vitsy gne mpiasa. Noho iza, hangatay gne tompone vokatry mba handefa mpiasa hoegny ame vokatry. ³ Mandihana ame lalanareo. Hiteo, alefako akoigne zanak’ondry eo ategnategnane gn’ambodia enareo. ⁴ Ka minday fagnapetra vola, na fagnapetra enta, na kapa, ary ka magnotsafy ndre ia ndre ia laha andala egny. ⁵ Ame tragno hidiranareo, da zakay meloha hoe: «Fiadagna anie ho an’ity tragno ty! » ⁶ Laha misy olone fiadagna gnao, da hipetraky aminazy gne fiadagna zakainareo, kanefa laha tsy misy, da hipody aminareo izà. ⁷ Mipetra aminio tragno io evao, mihinàna ary mindranoma enizay omendreo, fa gne mpiasa da mendriky handray è karamany. Ka mifindrafindra tragno. ⁸ Fa ame tanà idiranareo, ka mandray enareo, hano izay aroso eo agnoloanareo, ⁹ ary tsaboy gne maharary ao. Zakay amindreo hoe: «Efa nagnakeky enareo gen fanjakan’Andriamanitry». ¹⁰ Ndre ovia ndre ovia enareo gne miditry Tanà ka tsy mandray enareo indreo, da mijotsoà egny andala ary zakay hoe: ¹¹ «fa ndre da vovoky gne tagnanareo gne mirekitry ame tombokay da ho fafanay hanohitr’enareo! Fantaro anefa izao: efa magnakeky gne fanjakan’Andriamanitry». ¹² Koragniko aminareo fa ame gnandro fitsara da ho azo lefery koa gnan’i Sodoma nohon’izà Tanà zà. ¹³ Loza ho anao sa Korazina ! Loza ho anao sa Betsaida ! Fa laha gn’asa namboary taminao gne namboary tagny Tyro sy Sidona, da efa ela indreo gne nibebaky, nipetraky tame lamba fisaora sy laveno. ¹⁴ Fa ho azo lefery kokoa gnan’i Tyro sy Sidona amigne fitsara nohone gnanareo. ¹⁵ Enao sa Kapernaomy, mba mieritreritry evao me enao fa hahasambatry agny andagnitry? Tsia, hoety midy agny ame Handesy enao. ¹⁶ Izay miteno enareo da miteno Enah, ary izay mandà anareo da mandà Anah, ary izay mandà Enah da mandà gne nagniraky Enah». ¹⁷ Nivery am-pifalia gne fitopolo lah, ka nizaka hoe: «Tompo, ndre gne Demonia da nagneky enay tame gnagnaranao». ¹⁸ I Jesosy nizaka tamindreo hoe: «nagnety en’i Satana nilatsaky lahatagny andagnitry akoign’elatry Iah». ¹⁹ Hiteo f’efa nomeko enareo gne fahefa hagnitsaky gne menarà, gne maingoka, ary ambonine gn’hery aby n’gne fahavalo, ary n’ino n’ino da tsy hisy aparatry enareo ame fomba aby. ²⁰ Ndre da eo iza, da ka mifaly amiza, nagneky enareo gne fagna, fa mifalia evakoa hoe voasoratry agny andagnitry gn’agnaranareo». ²¹ Tamiza fotoa za koa da nifaly datò tame fagna masina izy, ary nizaka hoe: «midera anao iah, Ray, Tompone lagnitry sy gne tany, f’efa nafininao iza raha za tame gn’hendry sy gne manà say, ary nambara tame manam-pahalala, akoigne zaza madiniky, Eka, Raiko, f’iza gn’ankasitraha tsara amasonao». ²² Gne raha aby da nankignine Ray tamina, ary tsy misy mahafantatry hoe ià gne Zanaka afa-tsy gne Ray, ary tsy misy mahafantatry hoe ià gne Ray afa-tsy gne Zanaka sy gne nosafidine Zanaka hagnabodagna anazy». ²³ Avy teo da niodigny tame mpianatry Izy ka nizaka mangingy hoe: « Sambatry gne mahita gne raha hitanareo. ²⁴ Rohoniko aminareo, mpaminany sy mpanjaka maro gne nagniry ahita eniza raha hitanareo za, fa tsy hitandreo iza, ary aharè gne raha rènareo, fa tsy rèndreo iza». ²⁵ Da nisy mpampianatry gne lalàne Jiosy raiky nitsanga mba hitsapa anazy, ka nizaka hoe: «Mpampianatry o, ino gne tsy mentsy haniko mba handova gne fiaina mandrakizay? ». ²⁶ I Jesosy nizaka taminazy hoe: «ino gne voasoratry ao ame lalàna? akoingaia gne famakianao eniza ?» ²⁷ Nagnome valinteny izy da nizaka hoe: «Tiavo gne Tompo Andriamanitrao ame fonao aby, ame fagnahanao aby, ame gn’herinao aby, ary ame fisaignanao aby, ary gne namanao mitovy aminao». ²⁸ I Jesosy nizaka taminazy hoe: «marigny gne valiteninao. Amboaro iza da ho velo enao». ²⁹ Fa gne mpampianatry, nagniry hagnamarigny gne zakany, da nizaka tam’i Jesosy hoe: «ià gne namako? » ³⁰ Namaly enazy i Jesosy ka nizaka hoe: «nisy lelah raiky nidy avy lahatagny Jerosalema hoagny Jeriko. Izy da azone mpandroba, izay nangala gne fanagnany aby taminazy, sy namango enazy, sy namela anazy efa ho faty. ³¹ Ary nisy kisendrasendra mpisorogny nandalo tamiza lalana za, ary laha nahita anazy izy, da nandeha tagnilany tegny. ³² Akoiza koa gne Levita raiky, laha nandalo tame toera ka nihita anazy, da nandeha tagnilany tegny. ³³ Fa nisy Samaritana raiky, laha nandeha tame nandihanany izy, da avy teo ame nisy enazy. Laha nahita anazy izy, da nitsetra anazy. ³⁴ Da nagnato enazy izy ka nifehy gne ratriny, ary nandraraky menaky sy divay tamin’izà. Nampifampitihine bibiny izy, ka nizaka tagny ame tragnombahiny, ary nokarikarainy. ³⁵ Gnomarain’ío da nangala denaria roy izy, ary nanolotry iza tame tompotragno, ary gnanao hoe: «karikaray izy, ary na otrino na otrino laninao amboniny, rehefa miverigny ià, da ho efaiko». ³⁶ Da ia amindreo telo io, araky gn’eritreritrao, gne naman’igne azone mpandroba? » ³⁷ Namaly iza mpampianatry za hoe: Gne raiky izay nagnaboda gne fiantra taminazy». I Jesosy nizaka taminazy hoe: « mandihana ary magnamboara akoiza koa». ³⁸ Ary raha niray nandeha indreo, da niditry tao ame Tanà raiky Izy, ary nisy viavy raiky atao hoe Marta nampandroso Enazy tandragnony. ³⁹ Nana rahavavy atao hoe Maria izy, izay nidoboky teo ame tombon’ny Tompo ary naharè gne zakany. ⁴⁰ Fa i Marta sahira be tam’gne fikarikara gne sakafo ho aroso. Nagnato en’i Jesosy izy, da nagnano hoe: «Tompo, tsy mampagnino Enao ve gne namelane rahavaviko ena hanompo raiky? Ba zakay izy hagnampy enah». ⁴¹ Fa namaly gne Tompo ka nagnano taminazy hoe: «Marta, Marta, magna ame raha marobe enao, ⁴² kanefa raha raiky evao gne tena ilay. I Maria da efa nifidy gne tsara indrindra, izy tso-alà aminazy».