¹ Avy teo Izy nandray fagnoara tamindreo gname mikasiky gne tokony hivavandreo tsy tapaky, ary tsy ho kivy, ² nizaka hoe: “tame tanà raiky da nisy mpitsara izay tsy natahatry gn’Andriamanitry ary tsy nagnaza olo. ³ Ary nisy mpivatotry raiky tamin’io tanà io, ary izy nandeha taminazy tagny matetiky, nizaka hoe: “apio ià mba ahazoako gne rariny magnoloa gne fahavaloko”. ⁴ Fa efa elabe gne tsy nahavonogny anazy hagnampy enazy, fa tafara kidikidin’izà da nizaka tame tegnany izy hoe: “ndre tsy matahatry gn’Andriamanitry ià na tsy magnaza olo, ⁵ fa satria manahira anah ity mpivatotry ty, da hagnapy enazy ià mba ahazoany gne rariny, mba tsy ahavalaky enah am’gne fivezivezeny lava aty koa””. ⁶ Avy eo nizaka gne Tompo hoe: “tenomo gne rohonine mpitsara tsy marigny. ⁷ Ary tsy hahita rariny ho ane vasafidiny izay mangaiky Enazy mafy isaky gn’ihetsiky mesa gn’Andriamanitry? Hagnataky andro lava amindreo mesa izy? ⁸ Rohoniko aminareo fa hinday gne rariny malaky amindreo izy. Akoiza koa, laha avy gne zanak’Olo, hahita finoa ambony tany ety koa mesa izy?” ⁹ Avy teo Izy da nangala fagnohara tame sasany natoky tegna tamindreo fa hoe marigny sy izay olon-kafa: ¹⁰ “nisy lelah roy lahy nandeha hivavaky tame tempoly _ gne raiky da Fariseo ary gne raiky hafa da mpandagno hetra. ¹¹ Gne Fariseo da nitsanga ary nivavaky gne raha mahakasiky gnainy hoe: “Andriamanitry ô, misaotry Enao ià fa tsy mitovy am’gn’olon-kafa_ mpangalatry, olo tsy marigny, mpijangajanga_ na ako ity mpanagno hetra ty. ¹² Mifady hany indroy isak’erignandro ià. Magnome gnapahafolone gnazoko aby ià”. ¹³ Fa gne mpandagno hetra da nitsanga lavi-davitry tegny tsy nety nohandra tame lagnitry, fa nandogny tratra nizaka: “Andriamanitry ô, mamindrà fo aminah, mpanota”. ¹⁴ Mizaka aminareo Ià, io lelah io da nipody tandragnony narandray be tsakoigne raiky, satria izay manandra-tegna aby da hahetry, fa izay manetry tegna aby da hasandratry’. ¹⁵ Gn’olo koa da ninday gne zanany kidy taminazy teo, mba hikasihany endreo, fa laha nahita anzà gne mpianatry da nizaka mafy endreo. ¹⁶ Fa i Jesosy da nangaiky endreo mba hagnato Enazy, nizaka hoe: “apetray gne zaza hagnato enah, ary ka rarà indreo. Fa an’gnakoindreo gne fanjakan’Andriamanitry. ¹⁷ Rohoniko marigny aminareo, ndre ia ndre ia tsy handray gne fanjakan’Andriamanitry akoigne zaza, da tsy ho tafiditry amzà mihitsy. ¹⁸ Ary nisy mpanapaky raiky nagnontany Enazy hoe: “mpampianatry tsara ô, ino gne tsy maintsy hamboariko mba handovagno gne fiaigna mandrakizay?” ¹⁹ I Jesosy nizaka taminazy hoe: “ino gnagnanoanao enah hoe tsara? Tsy misy olo tsara afa tsy gn’Andriamanitry raiky evao. ²⁰ Fantatrinao gne didy_ ka mijangajanga, ka mamono olo, ka mangalatry, ka mijoro vavolombelo mavandy, magnaza iabanao am’iendrinao”. ²¹ Nizaka gne mpanapaky hoe: “izà raha zà aby da efa nekeko nanomboky tame naha tanora anah”. ²² Laha nahare enzà i Jesosy, da nizaka taminazy hoe: “raha raiky gne tsy ampy aminao. Tsy maintsy mivarotry gne raha anagnanao anao ary mizaraha anzà ame sahira, hanan-karia agny andagnitry enao_ ary avia magnaraha anah”. ²³ Fa laha nahare enzà raha zà gne mpanapaky da nanjary nalahelo be, fa nanan-karia be izy. ²⁴ Ary i Jesosy da nahita anazy nalahelo be ( fagnamaria: gne manam-paheza da tsy mitovy hevitry am’gnapidira gne hoe ( Izy ) da lasa nalahelo mafy. Apitoviso gne And 23) ary nizaka hoe: “akoignaia gne fahasarotane fidirane mpanakaria ame fanjakan’Andriamanitry! ²⁵ Fa moramora kokoa ho ane rameva gne hiditry ame vodim-panjaitry nohone hidirane gn’olo mpanakaria raiky ao ame fanjakan’Andriamanitry”. ²⁶ Gne nahare enzà aby da nizaka hoe: “ia gn’afaky vonjè?” ²⁷ I Jesosy namaly hoe: “gne raha tsy hain’olombelo da hain’Andriamanitry”. ²⁸ I Petera nizaka hoe: “eka, nelanay aby gne fanagnanay ary nagnaraky Enao”. ²⁹ Ary i Jesosy nizaka tamindreo hoe: “rohoniko marigny aminareo, fa tsy misy olo izay nahafoy tragno, na vady, na rahalahy, na ray aman-dreny, na anaky, nohone fanjakan’Andriamanitry, ³⁰ izay tsy ahazo misimisy amzao fotoa zao, ary am’gn’andro ho avy, da gne fiaigna mandrakizay”. ³¹ Laha avy nandagno gne roy amby folo lahy taminazy teo izy, da hoy izy tamindreo se: “eh, da miroso mandeha e Jerosalema itsika, ka gne raha aby izay voasoratre mpaminany mikasiky gne zanak’Olo da ho tanteraky. ³² Fa home gne jentilisa izy, ka hieza, sy halà baraka ary handrorah. ³³ Afaran’gnifiha anazy, da ho vonoy izy ary am’gnandro fahatelo da hitanga koa izy”. ³⁴ Tsy nahatakatry n’ino n’ino tamin’izà raha zà indreo ary nafiny tamindreo izà zaka zà, ary tsy azondreo gne raha vazaka. ³⁵ Ary raha nagneky an’i Jeriko i Jesosy, da nisy lelah jamba raiky nidoboky tame sisin-dàla sady nagnataky, ³⁶ ary laha nahare gne vahôky nandalo, da nagnontany gne raha nitragna izy. ³⁷ Nizaka taminazy indreo hoe nandalo teo i Jesosy avy tagny Nazareta. ³⁸ Da nangaiky mafy gne lelah jamba, nagnano hoe: “Jesosy, zanak’i Davida, mamindrà fo aminah”. ³⁹ Fa gne nandeha taloha da nizaka mafy gne lelah jamba, ka niroho taminazy mba hisy. Fa izy voamaiky nangaiky mafy hoe: “ô zanak’i Davida, mamindrà fo aminah”. ⁴⁰ I Jesosy nijano sady nibeko mba hinday enzà lelah zà eo aminazy. Ary rehefa tekeky enazy izà lelah jamba zà, da nagnontany enazy I Jesosy: ⁴¹ “ino gne tianao haniko aminao?” nizaka izy hoe: “Tompo, ta-ahita ià”. ⁴² I Jesosy nizaka taminazy hoe: “mahita. Gne finoanao gne nahatsara anao”. ⁴³ Teo noho eo da nahita izy ary nagnaraky enazy, nagnome voninahatry gn’Andriamanitry. Gn’olo aby, laha nahita anzà, da nagnome fidera gn’Andriamanitry.