¹ Ho ame fahafaha no nagnafahan'i Kristy. Mipetraka tsara, noho izany, aza magneky ho ao ambanin'ē zoga fagnandevoza koa. ² Indro, izaho, Paoly, mizaka aminareo fa raha mamela gne tagnanareo ho forà anareo, da tsy hahatsara anareo ame fomba rehetra Kristy. ³ Mijoro vavolombelo ame olo tsiraikiraiky izay mamela gne tegnany ho voafora koa iao fa voatery agnaraky gne lalàna rehetra izy. ⁴ Tafasaraka tamin'i Kristy anareo, izay tia ho hamarigny ame lalàna; ary tsy miaigny fahasoava koa anareo. ⁵ Fa ame alalan'ē fagnahy, ame finoa, no handignasantsika fatratry gne fagnategna gne fahamarigna. ⁶ Ao amin'i Kristy Jesosy da tsy midika na ino na ino na voafora, fa gne finoa miasa ame fitiava koa. ⁷ Fa nihazakazaka tsara anareo. Ia gne nanakagny anareo ame fakatoava gne marigny? ⁸ Izany fandresen-dahatry izany da tsy avy ame nangia anareo. ⁹ Lalivay kidy no mampitombo gne koba rehetra. ¹⁰ Fa matoky gne Tompo aho fa tsy hangala fomba fijery hafa anareo. Fa gne raiky izay tsy mampilamigny anareo no hagnefa gne sazy, na ia izy na ia. ¹¹ Ra, rahalahy, raha magnambara gne ame famorà aho, nagnino iao no mbola hejē? Amin'izany da ho afaka aby gne fahatafitoin'ē hazo fizalia. ¹² Fa ho andreo mpagnakorata anareo, egnagny mba hanapaka gne tegnany indreo! ¹³ Fa nangia ho ame fahafa anareo, ra rahalahy. Nefa aza ampiasay ho iriky ame filan'ē nofo gne fahafanareo; fa koa, ame alalan'ē fitiava da mifanopoa. ¹⁴ Fa gne lalàna rehetra da tateraky ao anie didy raiky; ao aminy hoe : '' tsy maintsy mitia gne namanao tahaka gne tegnanao anao.'' ¹⁵ Fa raha mifagnifatry sy mifampihina anareo, da mitandrema sao hifandrigny. ¹⁶ Fa hoy iao, mandehana araky gne fagnahy da tsy hahantateraky izay filan'ē nofo anareo. ¹⁷ Fa manohitry gne fagnahy gne filan'ē nofo, ary manohitry gne filan'ē nofo gne fagnirian'ē fagnahy. Fa mifanohitry indreo, mba tsy hahafanareo magnano izany raha tianareo. ¹⁸ Fa raha tarihin'ē fagna anareo da tsy ho ambanin'ē lalàna. ¹⁹ Amizao da miharihary gne asan'ē filan'ē nofo : fijangajanga, fahalotoa, fiteratera, ²⁰ fanompoan-tsampy, famosavia, fankahalana, fifamalia, fahasarotam-piaro, fipoan'ē fahavignira, fifandrafia, fisaraham-baza, fizarazara, ²¹ fialogna, fahamamoa, fandrebirebe, ary gne raha mitovy amin'izany. Mampitandrina anareo iao, mitovy tame efa nampitandremiko anareo taloha, fa tsy handova gne fanjakan'Andriamanitry indreo izay mampiatry ireo raha ireo. ²² Fa gne vokatry gne fagnahy da fitiava, fifalia, fiadagne, fahareta, hatsaram-pagnahy, fagnamboara ē tsara, finoa, ²³ fahalemem-pagnaha, ary fahafehezan-tegna; tsy misy lalàna manohitry gne raha mitovy amizany. ²⁴ Ireo izay an'i Kristy Jesosy, da efa nagnamaro gne toetra feno fahota niaraka tame fahafinaretany sy gne filany. ²⁵ Raha miaigny ame fagnahy itsika, azanogno handeha ame fagnaha evakoa. ²⁶ Ampetray itsika ho lasa mpieboebo, mifandrangotry, ary mifampialogny.