¹ Matokia an'ity zaka ity: Raha misy olo raiky magniry gne mpiandrakitry, da magniry asa tsara izy. ² Noho izany da gne mpiandraikitry da tsy maitsy tsy mana-tsigny. Tsy maitsy manam-bady viavy toka izy. Izy da tokotry ahay hanjalanja,hendry, tia filamina, tia mandray olo. Tsy maitsy mahay mampianatry izy. ³ Tsy tokotry za-dratsy ame divay izy, tsy te ady, fa tokony ho malemy fagna, feno fiadanam-po. Izy da tsy tokotry ho tia vola. ⁴ Tokony hitanta gne tokatragnony tsara izy, sady gne zanany da tokony hagneky anazy am-pagnaja tateraky. ⁵ Fa raha tsy mahay mitanta gne tokantragnony izy, akongaia gne hikarakarany gne fiangonan'Andriamanitry? ⁶ Tsy tokotry ho olo vô niova fo izy, mba tsy hireharehany ka ho lavo ame fagnameloha akô gne devoly. ⁷ Izy avakoa da tsy maitsy tsara laza am'gn'olo ivelany, mba tsy ho lavo agnaty fafam-baraka sy gne fandriky gne evoly. ⁸ Gne Diakona, da akô izany avakoa da tokony ho mendriky. Indreo da tsy tokotry hisotro divay be lotry na tsy mafatatry gne antognony ame hany. ⁹ Tokony hitazo gne fahamarinan'e finoa nambara miaraky ame feon'e fieritrereta madio. ¹⁰ Indreo avakoa da tokony ho sedray mialoa, avy eo da tokony hanompo satria tsy mana-tsigny indreo. ¹¹ Gne viavy koa da tokony ho mendriky akô izany. Tsy tokony ho mpagnendrikendriky indreo. Tokony hahay handanjalanja sady matoky ame raha aby. ¹² Indreo Diakona da tokony hanam-bady viavy toka. Tsy maitsy mitanta gne zanany tsara sy gne tokantragnony indreo. ¹³ Fa izay nanompo tsara da handray gne laza tsara sy fatokisa zakabe ame finoa hoan'e tegnandreo izay ao am'i Jesosy Kristy. ¹⁴ Manoratry ity raha ity aminao iaho, sady magnenta gne ho avy agny aminao aho. ¹⁵ Fa raha tara iaho da manoratry am'izay lalanareo gne fitondra gne tegna ame tragnon'Andriamanitry, izay eglizin'Andriamanitry velo, ilay vato fehizoro sy fiorenan'e fahamarina. ¹⁶ Tsy azo tsika andana gne fahamarina izay nambara araky an'Andriamanitry da zakabe: ''Izy da niboda tame aigny, nohamariny tame Fagna, hitan'gn'anjely, nambara tame firene rehetra ka ninoan'izao tontolo izao, sady nasandratry tamim-boninahitry.''