¹ Voloany da nandrisiky iaho fa gne fangataha, gne vavaky, gne fifona, ary gne fisaora da nany hoan'gn'olo aby, ² ho andreo mpanjaka sy hoan'gn'olo ame fahefa, mba afahatsika miaigny am-piadana sy miaigny milamy ame toe-pagna araky an'Andriamanitry sy gne fahendre aby. ³ Izany da tsara tsy azo eke akatrefan'e Zagnahary mpagnavotry atsika. ⁴ Gne fagnirianay, mba hovonje aby gn'olo aby sady mba ho tonga say ame fahalala gne mariny. ⁵ Fa raiky avao gne Andriamanitry, sady raiky avao gne an'Andriamanitry sy gn'olo, da i Jesosy Kristy. ⁶ Izy gne nagnome gn'ainy ho vidim-pagnavota hoangn'olo aby, akô gne fijoroa vavolombelo ame fotoa tokony ho izy. ⁷ Fa am'izany tanjo izany da gne tegnako mitsy gne nany mpitory sy apostoly. Mizaka gne mariny iaho. Tsy ,mivandy iaho. Mpampianatry gne Jentilisa ame finoa sy fahamarina iaho. ⁸ Noho izany, tiako gne lelahy na aia na aia mba hivavaky sy hampitsanga gne tagna ame fahamasina tsy misy havignira na ame ady. ⁹ Akô izany koa, tiako gne viavy mba hisiky am-pamendrea gne tegnany maontina tsara sady mavofe tegna. Tsy tokony hirongo, na hagnano volamena, na voangy, na akazo lafo vidy. ¹⁰ Tiako indreo mba hisiky am'izay mety ame viavy izay magnaboky toe-pagna araky an'Andriamanitry am'gn'alalan'e asa tsara. ¹¹ Gne viavy da tokony hianatry am-pangina sady magneky tateraky. ¹² Tsy avelako hampianatry gne viavy na hampiatra fahefa ame lelah, fa hijano agnaty fahangina avao. ¹³ Fa i Adama gne noforony taloa, avy eo da i Eva. ¹⁴ Adama da tsy vôfitaky fa gne viavy gne vôfitaky tateraky tame tsy fagnara-dalàna. ¹⁵ Na izany aza da hovonje izy am'gn'alalan'e fiteraha zaza, raha mitohy ame finoa sy fitiava ary fahamasina miaraky ame fampionogna tegna.