¹ Tsy ndaty maro ro toko'e ho lasa mpampianatse, ry rahalaheko. Fantantika fa handrae fitsaragne mafe ka tika. ² Fa tika iaby le voatsikambagne ami'ty fomba maro. Naho misy tsy voatsikambagne am'o rehake'o, le lahilahy matotse vata'e reke, afake mifehe ndra tsy ty vata'e iaby aza. ³ Le naho asiantika lamboridy am-bava'o soaval'io mba hankatoava'e antika, le afake minday ty vata'e iaby avao ka tikagne. ⁴ Henteo ka fa ty sambo, ndra te ie jabajaba vata'e aza reke naho indese ty tioke mafe, le voa'ota'ty fagnotahagne kede vata'e ami'ze iteava i mpanday aze'y. ⁵ Manahak'izay ka ty lela, fizaragne raike ami'ty vatagne, fe ie manday raha maro. Henteo ka ty hakedekede ty afo magnoro ala bey. ⁶ Afo avao ka ty lela, tontolo'ty hakeo napetrake tami'ty fizara'ty vatantika. Magnisy handra ami'ty vatagne iaby zay naho magnoro ty lalam-piaignagne. ⁷ Fa ty karazam-biby agn'ala iabike, vorogne, biby milaly, naho ty zava-boaharin-dranomaisgne le folake naho finola'ty olombelogne. ⁸ Fa ty ami'ty ty lela, tsy misy ndaty mahavita mamolak'aze. Raty tsy hay fehezegne io, feno poizigne mahafate. ⁹ Ami'io ty hideraentika i Andriatompo naho ty Ra'e, naho ami'io ty hagnozognantikagne ndaty, ty natao nitovy ama'Nagnahare. ¹⁰ Avy ami'ze vava zay ro hiboaha ty fitahiagne naho fagnozognagne. Nareo rahalaheko, tsy toko'e hiboake o raha iabikeo. ¹¹ Mamoake rano mamy naho mafaitse boak'ami'ty fiboaha'e vao ty loharano? ¹² Ty hazo'ty aviavy vao, nareo rahalaheko, mamoa oliva? Na ty voaloboke, mamoa aviavy? Ty rano masira ka le tsy afake hagnomey rano mamy. ¹³ Ia ty hendre naho mahilala agnivo'areo eo? Engao ze ndaty zay hampiboake fiaignagne soa ami'ty asa'e ami'ty fiambanea'ty fahendreagne. ¹⁴ Fa naho managne fialognagne mafaitse nareo naho fagnirian-daza ty am-po'areo ao, le ko miroharoha na mavande manohitse ty marigne. ¹⁵ Tsy fahendreagne nizotso boak'ambone agne zay. Fe ie ka, boak'ami'ty tane, ty tsy ara-pagnahe, ty andrebolisy zay. ¹⁶ Fa ami'ze misy fialognagne naho fagnirian-daza, ty misy fifamonoagne naho fanaovagne ty raty iabike. ¹⁷ Fa ty fahendreagne boak'ambone agne le tena malio vata'e, boakeo ka feno fiadanagne, maleme fagnahy, mihevetse ty hafa, feno ferenaigne naho vokatse soa, tsy maleme, le tsy magnahy. ¹⁸ Ty voka ty fahamarignagne le voafafe am-piadanagne agn'ivo'iareo mampilongo.