¹ Apatanjao reo hanenky reo mpanapaky sy reo manam-pahefa, hanenky andreo, ho pare amy asa soa iaby. ² Ampatiarovo reo tsy haneso ndra ia ndra ia, hiala amy fialian-kevitsy, ho ambelany gny hafa hanaraky gny liany, sady hanoro fanetren-tena amy olo iaby. ³ Fa taloha teo gny tenantsika tsy nagnan-tsay sady tsy nanenky. Voatariky tamy lian-diso tsika sady nandevozy gny fila sy gny fahafinareta samihafa. Niay tamy gny faharatia sy fialogna tsika. Tsy nitiavy zahay sady tsy nifankatea tsika. ⁴ Fa laha nihita gny hasoam-pagnahin-Dragnahary mpagnavotsy antsika sy gny fitiavany gny olombelo, ⁵ tsy tamy asa gny fahamarina nataontsika zay, fa tamy famindra-pony ro nagnavotany antsika. I, nagnavotsy antsika tamy fandiova gny fahateraham-bao sy gny fanavaoza tamy Fagnahy Masy. ⁶ Ndragnahary nandrotsaky maro tamintsika gny Fagnahy Masy tamin'ny alalan'i Jesosy Kristy Mpagnavotsy antsika. ⁷ Nataony zay mba, ho voamary tamy fahasoava, ho lasa mpandova tsika amy alalan'ny fahatokisa gny fiaina mandrakizay. ⁸ Zay hafatsy zay laha mendri-pahatokisa. Teako hivola mahakasiky an'izay raha zay am-patokisa nareo, mba reo zay matoky an-Dragnahary te hanao reo asa soa zay fa napetraky talohandreo reo. Zay raha zay sady soa no mahasoa ho an'olo iaby ⁹ Fa ialao gny aly hevitsy adala sy gny tantaram-piraza ndraiky gny fifandira sy gny aly mahakasiky gny lily. Reo raha reo, raha fahatany sy tsy mahasoa. ¹⁰ Magnohitsy zay olo iaby mampisy fizarazara amy nareo eo, afara gny fampitandrema indraiky na indroa, ¹¹ sady fantaro fa gny olo magnahaky an'izay, niala tamy lala mary sady manota sy nagnameloky gny vatany. ¹² Laha naniraky an'i Artema na Tykiko amy nareo aho, malaky ka miavia any amiko Nikopolia, nanapahako hevitsy andania gny ririny. ¹³ Malaky ka alefao Zena, azy mpahay lily, sy Apolosy, mba tsy hisy raha ijalia reo. ¹⁴ Gny olontsika, tsy maintsy manao asa soa zay tadiavy malaky tsy hahavy andreo tsy hamokatsy. ¹⁵ Reo miaraky amiko iaby, manao veloma anareo. Manaova veloma andreo zay tea antsika amy finoa. Ho amy nareo iaby le gny fahasoava.