¹ Roa andro taloha gny niavian'ny Paska sy gny fankalaza gny fihinana gny mofo tsy misy masirasira tamin'izay. Nila fomba hisambora an'i Jesosy mangingina gnazy lohan'ny mpisoro sy mpanoradalana mba hamonoan-dreo azy bakeo. ² Kanefa nivola reo hoe: "Aleo tsy amy gny andro fety toy, mba tsy hampitabataba olo." ³ Laha tà Betania tantragnon'i Simona boka Jesosy, laha nipetsaky tandatabatsy teo, laha nisy ampela raiky namonjy azy ninday siny alabastara misy menaky lafo vily, narda tsy misy fangarony. Nivinakiny siny iny bakeo nararakiny tamy gny lohany. ⁴ Nampasiaky gn'olo sasany nefa zay. Nifampiresaky reo ka nivola hoe: "Ino gn'antony fandania fahatany zao?" ⁵ I menaky magnitsy io raha afaky navily mihoatsy gny denaria telonjato, ka namea gny nahantra." Nasiaky amy gny ampela igny I bakeo. ⁶ Kanefa Jesosy nivola hoe: "Engao I. Magnino nareo manao raha mampalahelo azy? Raha soa raha nataony tamiko. ⁷ Gny mahantra tsy raha hiala aminareo sady afaky hanao asa soa ho an-dreo avao nareo amy gny fotoa iaby iaby; fa zaho tsy afaky hipetraky aminareo eo isanandro. ⁸ Nataony iaby ze azony natao: nanosotsy gnaiko ho amy gny fandevena izy. ⁹ Ambarako aminareo soa, ndre aia ndre aia hitoria gny filazantsara manera zao tontolo zao, hambara andreo gny raha natao gny ampela io, mba hahatiarova azy. ¹⁰ Bakeo Jodasy Iskariota, raiky tamin-drozy roa ambign'ny folo lahy, nandeha namonjy gnazy lohan'ny mpisoro reo I soa ahafahany hanolotsy azy amindreo. ¹¹ Lafa nahare an'izay lohan'ny mpisoro reo laha faly ka nampanantena hanome vola azy. Laha nanomboky nitady hevitry hanolora azy andreo I. ¹² Tamy gny andro voalohany fihinana mofo tsy misy masirasira, lafa nanao soro gn'osy gny Paska, nivola taminy mpianatrin'ireo hoe: "Aia gny tany tianao handehananay hikarakara gny hany, mba hihinananao gny sakafon'ny Paska?" ¹³ Nagniraky roa tamy gny mpianany I ka nivola hoe: "Mandehana antana agny, fa hisy Johary minday siny feno rano hifankatojo aminareo. Horiho nareo I. ¹⁴ Ze tragno hilirany, horio I bakeo ambarao gny tompontragno hoe: 'Hoy gny mpampianatsy: "Aia gny efitsy fandrambesa vahiny hahafahako miaraky mihina gny Paska miaraky amin'ny mpianatriko reo?"' ¹⁵ Hanoro efitry bevata agnabo etage sady fa maro enta fa vonona soa I. Ataovo iaby gny fanomana iaby ho antsika." ¹⁶ Roso amin'izay mpianatry ka nihazo gny tana. Hitandreo araky gny efa nambarany andreo gny raha iaby, bakeo nagnome gny hanin'ny Paska reo. ¹⁷ Lafa hariva gnandro, niavy niaraky tamy gny roa ambign'ny folo lahy I. ¹⁸ Lafa nipetraky tan-databatry sy nihina reo, nivola Jesosy hoe: "Volagniko marina aminareo iaby miaraky mihina amiko etoa fa raiky aminareo hamadiky ahy." ¹⁹ Nalahelo aby reo iaby, ka nivola taminy tsiraikidraiky hoe: "Tsy zaho mihintsy zay?" ²⁰ Namaly Jesosy ka nivola andreo hoe: "Raiky aminareo iaby reo, raiky miaraky nagnatsoboky mofo amiko, anaty finga henaniky zao." ²¹ Gny gnanakolo handeha amy gny lala fa nivolagnin'ny Soratry Masina momba azy. Fe loza ho an'izay lelahy namadiky. Soa ho azy laha tsy teraky I." ²² Laha mbo tampihinana teo reo, nangalaky gny mofo Jesosy, nisaotry bakeo nizara. Nameany andreo sady nivola i hoe: "Rambeso, fa vatako ty." ²³ Nandramby gny kapoaky I, nisaotry bakeo nanolotry anizay andreo, ka nino reo iaby. ²⁴ Nivola tamindreo I hoe: "Toy gny lio gny fagnekempihavanako, lio alatsaky ho agn'ny maro. ²⁵ Volagniko marina aminareo, tsy hino sasy gny vokatry gny voaloboky ty aho mandrapahavy gny andro hinomako azy ndraiky agny amy gny Fanjaka-Ndragnahary." ²⁶ Lafa baka nihira fidera reo, nandeha antendrombohitr'Oliva. ²⁷ Jesosy nivola tamindreo hoe: "Hanenga ahy nareo iaby reo satria fa voasoratsy hoe: 'Hagnafay gny mpiandry osy aho ka hiparataky gny ondry. ²⁸ Fa lafa baka nitsanga amy gny maty aho, ka hialoha lalà anareo a Galilia." ²⁹ Namaly Petera hoe: "Ndre hanenga iaby gny raha iaby, zaho tsy mba handao." ³⁰ Namaly azy Jesosy hoe: "Ambarako soa aminareo, fa androany haliky, ndre mbo tsy magneno indroa gny akoho, fa handà ahy intelo anao." ³¹ Nivola koa Petera hoe: "Ndre tsy maintsy hiaraky maty aminao aza zaho, tsy mba handa anao." Samby nampanantena manahaky an zay iaby reo. ³² Niavy tamy gny toera atao hoe Getsemane reo, ka nivola tamy gny mpianatry Jesosy hoe: "Mipetraha etoa laha mbo mivavaky aho." ³³ Nandramby an'i Petera sy Jakoba ary Jaona niaraky taminy I, bakeo nanomboky nalahelo sady nijaly tanteraky. ³⁴ Ka hoy I tamindreo hoe: "Mijaly loatry gny fanahiko, laha io fa ho maty. Mipetraha eto ka miembegna." ³⁵ Gnanalavitry kelikely Jesosy, niankohoky tamy gny tany, nivavaky laha hoatry ka mba azo atao, ka hiala aminy zao lera zao. ³⁶ Mbo hoy koa I hoe: "Aba, baba oh, gny raha iaby hainao atao. Alao amiko ty kapoaky ty. Fe aoka tsy ho gny sitrapoko ro hatao, fa gnanao" ³⁷ Nimpoly i ka nahita an dreo niroro, ka nivola tamin'i Petera I hoe: "Simona, ,miroro va iha? Tsy nivitanao va niamby lera raiky? ³⁸ Miambegna la mivavaha mba tsy hiliranareo amy gny fakam-panahy. Gny fagnahy mety mazoto tokoa, fa gny nofo ro malemy." ³⁹ Roso ndraiky I nisintaky bakeo nivavaky, sady nagnampoly gny resaky nataony taloha teo. ⁴⁰ Nimpoly ndraiky I ka nahita andreo niroro, fe fa navesatsy gny torimaso dreo ka tsy hitandreo ze ho volagny taminy. ⁴¹ Namonjy fagnintelony I ka nisafa tamindreo hoe: "Nareo ty mbo miroro sy mangala morimoritsy avao? Mba fa ampy zay. Gny fotoa fa avy. Henteo! Gnnaky gny olo nivaliha bakeo hatolotsy antagna gny mpanota. ⁴² Mihonjona, handeha tsika. Henteo fa marikitsy eto avao gnazy hamaliky ahy. ⁴³ I mbo tampivolagna teo, niavy Jodasy, raiky amy gnazy roa ambignifolo lahy, niaraky tamy gny vahoaky maro ninday sabatsy sy langilangy baka amy gny loha gny mpisoro, mpanora-dalàgna sy gny loholo. ⁴⁴ Gnazy mpamadiky igny nagnome famantara andreo, ka nivola hoe: "Ze orofako eo, zay ro I. Samboro, bakeo embeno soa." ⁴⁵ Lafa niavy Jodasy, namonjy agn'i Jesosy sady nivola hoe; "Raby" sady nagnoroky azy I. ⁴⁶ Bakeo nisinambotsy ndreo Jesosy. ⁴⁷ Nisy raiky tamindreo nitsanga namoaky gny sabatsiny sady namango agny mpanompo gny mpisorom-be ka nanapaky gny sofiny. ⁴⁸ Ka hoy Jesosy tamindreo; "Niavy hisambotsy ahy, toy gny hisambotsy dahalo, miaraky sabatsy sy langilangy va nareo? ⁴⁹ Tamy gny zaho mbo taminareo teo, isanandro, nampianatsy tan-tempoly tao, tsy nisinambotsy nareo. Fa natao zao raha zao mba hahatanteraky gny soratry Masina." ⁵⁰ Nanenga azy iaby ndre gnazy niaraky tamign'i Jesosy ka nivony. ⁵¹ Nisy tovo lahy raiky, tsy nisiky afa tsy siky hariva nagnaraky agn'i Jesosy. Lafa nisinambotsy gnolo I. ⁵² Nengany teo gny sikiny ka roso nilay tsy amin-tsiky I. ⁵³ Nandesindreo tamy gny mpisorom-be Jesosy. Niaraky niango tamigny teo iaby gny mpisoro iaby, gny loholo sy gny mpanora-dalàgna ⁵⁴ Petera nagnaraky azy baka alavitsy egny, la avy amy gny tokontan gny mpisorom-be. Nipetsaky takaiky gny mpiamby reo I, namindro takaiky gny motro teo. ⁵⁵ Ka lohan'ny mpisoro reo sy gny Synedriona Jiosy, nila vavolombelo manohitsy agn'i Jesosy soa hahafahan-dreo hamono azy. Fe tsy nahita reo. ⁵⁶ Maro gny nanendrikendriky azy ho vandy, nefa gny hendrikendriky ndreo tsy raha marina iaby. ⁵⁷ Mbo nisy olo hafa koa nitsanga, nivola azy ho mpavandy, ka hoy reo hoe: ⁵⁸ "Nirenay I nivola hoe: 'Ho ravako agny tempoly natao tamy gny tagna ty, ka anatin'ny telo andro, hananga raiky hafa tsy natao tamy gny tagna."' ⁵⁹ Fe mbo tsy nifagnaraky avao gny hendrikendriky dreo. ⁶⁰ Gny mpisorom-be nitsanga tamindreo teo, ka nanontany an'i Jesoa hoe: "Tsy mana raha havaly va iha? Ino raha hanendrikendreha gny olo reto anao zao?" ⁶¹ Nangina I sady tsy nivola ndra ino ndra ino. Mbo nagnontany azy ndraiky gny mpisorom-be ka nivola hoe: "Anao va Kristy io, Gnanaky gnazy voatahy?" ⁶² Namaly Jesosy hoe: "Eka zaho ro I; ho hitanareo gnanaky gn'olo lafa mipetsaky an-tagna kavana gny herindragnahary sy baka amy gny raho gny lanitsy." ⁶³ Gny mpisorom-be nanataky gny fisikinany sady nivola hoe: "Mbo mila vavolombelo avao va tsika? ⁶⁴ Fa renareo gny fivolagna-ndraty. Ino gny fanapahan-kevitsy nareo?" Reo iaby samby nagnameloky azy, laha io olo mendriky ho maty. ⁶⁵ Gny sasany nanomboky nandora azy sady nagnaro gny tarehigny sady namogno azy ka nivola tamigny hoe; "Maminania!" Nangala azy gny manam-boninahitsy sady namango azy. ⁶⁶ Tambany tamy gny kianja teo Petera, nagnanto azy gny raiky tamy gny mpanompo vavy gny mpisorom-be. ⁶⁷ Nahitaky an'i Petera nitsanga namindro tamy gny motro teo I, nodinihiny mariniky soa. Bakeo nivola taminy I hoe: "Anao koa niaraky tamign'ilay Nazarena, Jesosy." ⁶⁸ Nandà an'zay I, ka nivola hoe; "Tsy haiko sady tsy azoko raha volagninao." Bakeo roso niala tamy gny kianja teo I. [Fanamariha: gnazy fandika sasany manampy hoe: "La nagneno gn'akoho," fa fandika taloha tena soa tsy nisy an'ny safa io.] ⁶⁹ Fa gnanak'ampela nahita azy teo nanomboky nivola tamy gny olo nitsanga magnodidy teo ndraiky hoe: "lelahy io, agnisany raiky amindreo regny!" ⁷⁰ Fe mbo nandà ndraiky I. Betibetiky teo, nivola gnazy nitsanga tamign'i Petera hoe: "Raiky amindreo mihintsy iha, satria iha koa Galiliana." ⁷¹ Fa nanomboky nagnozo gn'ainy I sy nisomonga hoe: "Tsy haiko lelahy volagny nareo zao." ⁷² Niaraky tamy gny zay nagneno fanindrohany gn'akoho. Bakeo nahatiaro gny resak'i Jesosy tamy gn'i Petera hoe: "Laha mbo tsy magneno fanindrohany gn'akoho, mbo handà ahy intelo iha," Nalahelo mare i sady nitomagny.