¹ Gny mpaminany sandoky ro avy tamy gny olo, na gny mpampianatsy sandoky avao koa mbo ho avy amindreo. Hinday sain-diso mangingina mamotiky andreo, ka handà gny Tompo ze nivily andreo. Reo ro ninday fahapoteha malaky amindreo. ² Maro gny hagnaraky fijejojejoan-dreo, ka amy alala gny regny ro hivolanan-draty gny lalan'ny fahamarigna. ³ Amy gny fiheregna ro hagnararaotany anareo miaraky amy gny teny mamitaky. Tsy ho ela gny fagnameloha andreo regny, tsy matory gny fahapotean-dreo regny. ⁴ Fa Ndragnahary tsy namindra fo an'ireo anjely ze nagnota. Fa koa natolony ho amy gny valagny tany reo mba ho voata amy gadra gny fahamaizigna mandra-pihavia gny fitsara. (Fagnamariha: gny dikan-teny sasany taloha mivaky manao an'izao hoe: Mba hofehezy ao amy gny lavaky gny fahamaizigna mandra-pihavia gny fitsara) ⁵ Manahaky an'izay koa, tsy nagnenga an'izao tontolo zao I. Fa namonjy an'i Noah, ze mpitory gny fahamarigna, miaraky amy gny fito hafa, lafa ninday gny safo-drano tamy gny raty fagnahy teto amy zao tontolo zao I. ⁶ Ndragnahary avao koa ro nanao an'ireo tanan'i Sodoma sy Gomora ho lavenoky ro nagnameloky andreo ho amy gny fahapoteha ho toy gny hoatsy ze hitranga amy gny raty fagnahy. ⁷ Fa i Lota marina, ze nampahoria tamy gny fitondran-tegnandreo olo tsy ara-dalagna tamy gny fijejojejoa, ka novonjen-Dragnahary. ⁸ Fa zay lelahy marina zay, ze niay niaraky tamindreo sanandro, ro fadiranova tamy fagnahy gny fahamarignany noho ze hitany sy kasany. ⁹ Hay gny Tompo gny fomba hamonjea an'ireo olo soa fagnahy amy reo fitsapa, voho gny fomba hitana an'ireo olo tsy marina ho amy gny famaiza amy gnandro fitsara. ¹⁰ Marina vatany zay ho andreo ze manohy amy gny fanirian-draty gny nofo sy manao tsinotsino gny fahefa. Mahasaky ro mitompo teny fatratsy rozy reo. Rozy reo, tsy mavozo hiteny raty an'ireo be voninahitsy. ¹¹ Reo anjely ro mana hery sy fahefa bevata, fa rozy reo tsy minday fitsara maniratsira manohitsy andreo amy gny Tompo. ¹² Fa reo biby tsy manantsay reo ro natao ho sambory sy potehy. Tsy haindreo ze tsiratsiraindreo. Ho potiky rozy reo. ¹³ Handramby gny valisoa gny raha raty nataondreo. Mihevitsy rozy fa gny tsy fiafia mandritry gny andro ro fahafinareta. Rozy reo ro be tasitasy voho tsigny. Mahafinaritsy andreo reo gny asa famitahandreo lafa nihina miaraky aminareo. (Fagnamariha: Reo dikan-teny sasany mivaky manao an'izao hoe: Mahafinaritsy andreo amy gny sakafom-pifankatiava") ¹⁴ Adalanam-pela mijangajanga rozy reo; tsy afa-po amy gny fahota mihintsy reo. Mitariky fagnahy tsy mety maty ho amy gny fanaovan-draty reo, sady mana fo voahofa amy gny fitsiririta. Gnanaky gny fagnozona reo regny. ¹⁵ Niala tamy gny lala mahity reo. Nivio reo, ro nagnaraky gny lalan'i Balama gnanak'i Beora, ze tia gny tambin'ny tsy fahamarigna. (Fagnamariha: Reo dikan-teny sasany mivaky manao an'izao: "Balama, gnanak'i Bosora"). ¹⁶ Fa nahazo teny mahery i voho gny fandikan-dalagny manoka. Nisy boriky moa nivola tamy gny feon'olombelo nagnajano gny adalan'i mpaminany. ¹⁷ Reo olo reo, manahaky gny lohatao tsisy ora. Manahaky gny raho andesin-tsioky rozy reo. Natoka ho andreo reo gny haiziky matevy. ¹⁸ Mivola tsy ampihevera reo. Mitao gny olo amy alalany gny fila gny nofo reo. Rozy reo ro mitao gny olo ze miezaky mandositsy an'ireo ze miay amy gny fahadisoa. ¹⁹ Rozy reo, mampanantena fahafaha ho azy reo, kanefa vata tegnany aza andevozin'ny fahalotoa. Fa gny olo andevon'izay maharesy azy iaby ²⁰ Ndra ia dra ia afaky amy gny fahalotoan'izao tontolo zao amy alala gny fahalala gny Tompo sy Jesosy Kristy Mpamonjy, bakeo mimpoly amy reo fahalotoa ndraiky, hanjary raty noho gny toe-draha voalohany gny toe-draha farany. ²¹ Soa ho andreo gny tsy mahay gny lala gny fahamarigna noho gny mahay an'izay ka hivaliky amy gny didy Masina natolotsy andreo. ²² To amindreo toy ohabola toy hoe: " Gny amboa ro mimpoly amy gny loany. Gny koso fa nisasa mimpoly mihoso potaky".