¹ Ny ampalakeka tamin'ny andro vôlôgn'ny herignandro, de nankaigny amin'ny fasagna zareo, nitondra reo ra-magnitra ze nokarakarain-jareo. ² Tazagn-jareo nikodia lavitry ny fasagna le vato. ³ Niditra takao zareo, kanefa tsy nahita ny vatan'ny Tompo Jesosy. ⁴ Ary, raha mbôla sahiran-tsaigna momba zany zareo, tampoka teo, de nisy leila rôy nagnano fitafena mamirapiratra nitsangaa teo agnilan'reo. ⁵ Ary rafa feno tatra reo vevavy de nenkoka tamin'ny tany, nitare tam'reo vevavy zareo hoe: "Magnino ma anareo no mikaraka ny velona aty amin'ny maty? ⁶ Tsy akato Izy, f'efa nitsangana! Tadidio ny nilazàny an'nareo fony Izy mbôla taigny Galilia, ⁷ nagnambara fa ny Zanak'ôla de tsy maintsy hatolotra ho akeo an-tanan'ny ôla mpanota ka hofantsihana akeo amin'ny hazo fijalena, ary amin'ny andro fatelo de hitsangagna ndray." ⁸ Reo vevavy de natadidy reo teniny, ⁹ ka niverina avy taigny amin'ny fasagna ary nilaza zany ra daôly zany tam'reo raika ambin'ny folo sy ny ambiny daôly. ¹⁰ Ary Mary Magdalena, Johana, Mary renin'i Jakoba, ary reo vevavy hafa niaraka tamin'azy de nitatitra zany ra zany tam'reo apostoly. ¹¹ Fa zany hafatra zany de ôtran'ny tsisy varagny tam'reo apostoly, ka tsy nino reo vevavy zareo. ¹² Kanefa nitsangana Petera, de nihazakazaka nankaigny amin'ny fasagna, ary niondrika sy nijery tao, de nahita reo lambam-paty nitokana. Ary Petera nody taigny an-dragnony, nagnontany tegna ny am'ze ra nitranga. ¹³ Indreo, ny roey tamin-jareo nande tamin'io andro io ho aigny amin'ny tanàna atao hoe Emaosy, ze animpolo stadio miala an'i Jerosalema. ¹⁴ Zareo de nifampiresaka momba reo ra daôly ze nitranga. ¹⁵ Ary, raha niara-niresaka sy niara-nametra-pagnontaniana zareo, de nagnantona sy nande niaraka tamin-jareo Jesosy. ¹⁶ Fa ny mason-jareo de nosakanana mbô tsy hafantatra an'Azy. ¹⁷ Jesosy nitare tamin-jareo hoe: "Ino no koraginareo roey aty am-pandianana?" De nijanona zareo sady nalahelo endrika. ¹⁸ Ny raika tamin-jareo, nantsôvina hoe Kleopasy, namaly an'Azy hoe: "Anao rerika ma no ôla tao Jeroalema tsy mafantatra reo ra nitranga taigny tam'zany andro zany? ¹⁹ Jesosy nitare tamin-jareo hoe: "Ra ino ma?" Zareo namaly an'Azy hoe: "Reo ra mikasika an'i Jesosy le Nazarena, ze mpaminagny, nahery tamin'ny asa sy ny teny takeo agnatrehan'Andriamanitra sy ny ôla daôly, ²⁰ ary ny fomba nagnoloran'reo lôhan'ny mpisorogna sy reo mpanapakay an'Azy mbô ho melohana ho faty sy ny nanombôana an'Azy takeo amin'ny hazofijaliana. ²¹ Kanefa zahay nagnantegna fa Izy no le hagnafaka an'Israely. Iôny, ary ankôtran'zany daôly zany, telo andro gniany zao no nitrangan'zany ra daôly zany. ²² Nefa kô, ny vevavy sasagny tamin'ny namanay de navarena an'nay, ze taigny amin'ny fasagna vô ampalakeka. ²³ Rafa tsy nahita ny vatany zareo, de avy, nitare fa zareo kô de nahita fahitana anjely ze nilaza fa velona Izy. ²⁴ Ny leila sasagny ze niaraka taminay de nande taigny amin'ny fasagna, ary nahita zany araka ze vôlazan'reo vevavy. Saingy tsy nahita an'Azy zareo." ²⁵ Jesosy nitare tamin-jareo hoe: "Ry leila adala sy votsa saigna ze tsy mino reo daôly vôlazan'ny mpaminagny! ²⁶ Tsy tokony hihatra amin'i Kristy ma ny nijaly tam'regny ra regny, ka hiditra aigny amin'ny voninahiny?" ²⁷ Ary nanomboka tamin'i Mosesy ka hatramin'ny mpaminany daôly, de nadikan'i Jesosy tamin-jareo tao amin'ny Soratra Masina ny momba ny Tenany. ²⁸ Nony nanankeky le tanàna ze nandianany zareo, de naneho fihetsika ôtran'ny hoe hande lavidavitra Jesosy. ²⁹ Fa nanery an'Azy zareo, nitare hoe: "Mijagnona aketo aminay, f'efa ho hariva zao ary efa hifaragna ny andro." Ka niditra mbô hijagnona niaraka tamin-jareo Jesosy. ³⁰ Ary, rafa nipetraka mbô hiaraka hinana tamin-jareo Izy, de niaka ny mofo, nisaotra zany, sy namaky zany, ary nagnome zany an-jareo. ³¹ Avekeo nisokatra ny mason-jareo, ka nafantatra an'Azy, ary nanjavogna takeo amason-jareo Izy. ³² Zareo nifampitare hoe: "Ny fotsika ma tsy niredareda takao agnatintsika, raha nitare tamintsika taigny an-dalana Izy, raha nagnokatra ny Soratra Masina tamintsika Izy?" ³³ Nitsangana zareo tamin'io ora io, ka niverigna taigny Jerosalema. Nahita reo raika ambefolo niara-nivory zareo, sy reo ze niaraka tamin-jareo, ³⁴ nitare hoe: "Ny Tompo de nitsangana tokoa, ary nibôgna tamin'i Simona." ³⁵ Ka nolazain-jareo ze ra nitranga taigny an-dàlana, sy ny fomba nibôgnan'i Jesosy tamin-jareo tamin'ny fanapahana an-le mofo. ³⁶ Raha nitare zany ra zany zareo, de nitsangana takeo ampovôn-jareo Jeost tegnany, ary nitare tamin-jareo hoe: "Fiadanana anie ho an'nareo." ³⁷ Saingy taitra sy natatra zareo, ary nihevitra fa nahita fanahy. ³⁸ Jesosy nitare tamin-jareo hoe: "Magnino anareo no matatra? Magnino no misy fagnontanena akao am-ponareo? ³⁹ Jereo ny tanako sy ny tongotro, fa Za tegnako ty. Kasiho Za ka jereo. Fa ny fanahy tsy managna nofo sy tôlagna, araka ny ahitanareo Anà hoe managna." ⁴⁰ Rafa nitare zany Izy, de nabôgnany tamin-jareo ny tanany sy ny tongony. ⁴¹ Mbôla tsy nino zany zareo nohon'ny hafalena, ary gaga zareo. Jesosy nitare an-jareo hoe: "Managna ra hohanina ma anareo?" ⁴² Namen-jareo trondro vôtono Izy, ⁴³ ka nalainy zany ary nohaniny takeo agnolôn-jareo. ⁴⁴ Izy nitare tamin-jareo hoe: "Tamin'Za niaraka taminareo, de nilaza taminareo fa ze daôly vôsoratra tao amin'ny lalàn'i Mosasy sy reo mpaminagny ary reo salamo de tsy maintsy ho tanteraka." ⁴⁵ Ary nosokafany ny saign-jareo, mbô hazoan-jareo ny Soratra Masina. ⁴⁶ Nitare an-jareo Izy hoe: "Zao no vôsoratra, fa le Kristy de hijaly, ary hitsangana amin'ny maty ndre amin'ny andro fatelo. ⁴⁷ Fibebahana sy famelan-keloka no tokony ho toriana amin'ny agnarany aigny amin'ny firenena daôly, magnomboka akao Jerosalema. ⁴⁸ Anareo no vavolomnelon'regny ra regny. ⁴⁹ Indro, halefako aminareo ze nampanantenain'ny Raiko. Kanefa mipitraha akao an-tanàna mandra-pitafinareo ny hery avy aigny ambony." ⁵⁰ Ary Jesosy nitarika an-jareo mandra-patongan-jareo taigny Betania. Nasandrany ny tagnany, ary notahiany zareo. ⁵¹ Ary, rafa nitso-drano an-jareo Izy, de nandao an-jareo Izy ary lasa nakarina taigny an-dagnitra. ⁵² De nidera an'Azy zareo, ary niverina taigny Jerosalema tamin'ny fefalena lehibe. ⁵³ Nitohy nankao amin'ny tempoly zareo, nankalaza an'Andriamanitra.