¹ Avekeo Izy nilaza fagnoharana tamin-jareo ny momba ny tokony hivavahan-jareo mandrakariva, ary tsy ho kivy, ² nitare hoe: "Takao amin'ny tanàna raika de nisy mpitsara ze tsy natatra an'Andriamanitra ary tsy nagnaja ôla. ³ Ary nisy mpitondra-tegna raika takao amin'io tanàna io, ary izy nankaigny amin'azy matetika, nitare hoe: 'Ampio za mbô ahazoko rariny magnolôna ny favaloko.' ⁴ F'efa hatramin'ny ela izy no tsy vognona ny hagnampy an'azy, fa tafarakelin'zanyde nitare tamin'ny tegnany izy hoe: 'Na de tsy matatra an'Andriamanitra aza za na tsy manaja ôla, ⁵ fa kô satria manahirana anà ty mpitondra-tegna ty, de hagnampy an'azy za mbô ahazoany rariny, mbô tsy handreraka anà nohon'ny fivezivezeny lava aty tsony izy.'" ⁶ Avekeo itare ny Tompo hoe: "Rigneso ze ambaran'le mpitsara tsy marina. ⁷ Ary tsy hitondra rariny ho an'ze vôfidiny ze magnantso mafy an'Azy magnalin'andro kô ma Andriamanitra? Hangatak'andro lava amin-jareo ma Izy? ⁸ Lazaiko aminareo fa hitondra rariny malaky amin-jareo izy. Ôtran'zany kô, rafa tonga ny Zanak'Ôla, hahita finoana ety an-tany tokoa ma Izy?" ⁹ Avekeo kô Izy nilaza an'zao fagnoharana zao tamin'ny sasagny ze nahatoky ny tegnan-jareo fa hoe marina sy magnevateva an'reo ôla hafa: ¹⁰ 'Nisy rô lahy niakatra takao an-tempoly mbô hivavaka - ny raika de Fariseo ary ny raika hafa de mpamory hetra." ¹¹ Le Fariseo nitsangana ary nivavaka an'reto ra momban'ny tegnany reto hoe: 'Andriamanitra ô, misaotra An'nao za fa tsy mitovy amin'ôla hafa - mpangalatra, ôla tsy marina, mpijangajanga - na salan'ty mpamory hetra ty aza. ¹² Mifady ahanina indroa isan-kerinandro za. Magnome ny ampafolon'ze azoko daôly za.' ¹³ Fa le mpamory hetra, nitsangana taigny alavitra, tsy nety nanandratra ny masony taigy amin'ny lagnitra akory, fa niteha-tratra, nitare hoe: 'Andriamanitra ô, mamindrà fo aminà, mpagnota.' ¹⁴ Milaza aminareo Za, io leila io de niverigna nidigna taigny an-tragnony vômarina noho le raika, satria ze daôly magnandra-tegna de hahetry, fa ze daôly manetri-tegna no hasandratra." ¹⁵ Nisy ôla kô de nitondra ny zagnany kely takeo amin'Azy, mbô hikasihany an-jareo, fa rafa natazagna an'zany reo mpianatra, de niteny mafy an-jareo. ¹⁶ Fa Jesosy nagnantso an-jareo hagnatona an'Azy, nikoragna hoe: "Avelao ny zaza hagnatona Anà, ary aza raràna zareo. Fa an'ny ôtran-jareo ny fanjakan'Andriamanitra. ¹⁷ Taraviko marina aminareo, n'iza n'iza tsy handray ny fanjakan'Andriamanitra ôtran'ny zaza de tsy hiditra akao am'zany mitsy." ¹⁸ Ary nisy mpanapaka raika nagnontany an'Azy, nagnano hoe: "Mpampianatra tsara ô, ino no tsy maintsy hataoko mbô handovako ny fiaignana mandrakizay?" ¹⁹ Jesosy nitare tamin'azy hoe: "Magnino Za no antsovinao hoe tsara? Tsisy ôla tsara, afa-tsy Andriamanitra rerika iany. ²⁰ Fantatrao reo didy - Aza mijangajanga, aza mamono ôla, aza mangalatra, aza mijoro vavolombelona mandainga, magnajà ny rainao sy ny reninao." ²¹ Nitare le mpanapaka hoe: "Zany daôly zany de efa nankatoaviko hatramin'ny za tanora." ²² Rafa naregny an'zany Jesosy, de nikoragna hoe: ""Ra raika no tsy ampy aminao. Tsy maintsy mivarotra ze daôly anagnanao anao ary mizara an'zany amin'ny mahantra, ary hanagna harena aigny an-danitra anao - ary ave, magnarà Anà." ²³ Fa rafa naregny an'reo ra reo le mpanapaka, de nanjary nalahelo lôtra, fa nanan-karena be izy. ²⁴ Ary Jesosy, nahita an'azy, nanjary nalahelo mafy [Fagnamarihana: Reo manam-pahaizana de misara-kevitra raha tokony ho ampidirina aketo ny teny hoe: [Izy] de nanjary nalahelo mafy. Ampitahao ny And 23] ary nitare hoe: "Manakôry ny fahasarotan'ny fidirana akao amin'ny fanjakan'Andriamanitra ho an'reo ze mpanan-karena! ²⁵ Fa moramora kokoa ho an'ny rameva ny hiditra amin'ny vodim-panjaitra, nohon'ny hidiran'ny ôla mpanan-karena raika akao amin'ny fanjakan'Andriamanitra." ²⁶ Reo ze naregny an'zany de nitare hoe: "Iza ary ma zany no afaka ho vonjena?" ²⁷ Jesosy namaly hoe: "Reo ra ze tsy hain'ôlombelona de hain'Andriamanitra." ²⁸ Petera nitare hoe: "Indro, nandao ny ra daôly zay an'nay zahay ary nagnaraka An'nao." ²⁹ Ary Jesosy nitare tamin-jareo hoe: "Taraviko marina aminareo, fa tsisy ôla ze nahafoy tragno, na vady, na ralahy, na ray aman-dreny, na zagnaka, nohon'ny fanjakan'Andriamanitra, ³⁰ ze tsy hahazo bebe kokoa am'ty zao tontolo zao ty, ary amin'ny andro ho avy, de fiaignana mandrakizay." ³¹ Rafa avy nanangona ny rombefolo lahy takeo amin'Azy Izy, de ozy tamin-jareo hoe: "Indro, miakatra ho aigny Jerosalema tsika, ka reo ra daôly ze vôsoratr'reo mpaminagny momban'ny Zanak'Ôla de ho tanteraka. ³² Fa hatolotra akeo am'reo Jentilisa Izy, ka himezana, sy halana baraka, ary ho roràna. ³³ Afaran'ny hitarôna an'Azy, de ho vonon-jareo Izy ary amin'ny andro fatelo de hitsangana ndre Izy." ³⁴ Tsy natakatra na ino na ino tam'reo ra reo zareo, ary nafenina tamin-jareo zany teny zany, ary tsy azon-jareo ny ra ze vôlaza. ³⁵ Ary raha nanakeky an'i Jeriko i Jesosy, de nisy leila jamba raika nipetraka takeo an-tsisin-dalana nangataka, ³⁶ ary raha naregny ny vahôka nandalo, de nagnotany ze ra nitranga izy. ³⁷ Nilaza tamin-jareo hoe nandalo takeo Jesosy avy aigny Nazareta. ³⁸ Ka nagnantso mafy le leila jamba, nagnano hoe: "Jesosy, Zanak'i Davida, mamindrà fo aminà." ³⁹ Fa reo ze nande nelô de niteny mafy an'le leila jamba, ka nitare tamin'azy mbô hangina. Fa izy vô maika nagnantsognantso mafy hoe: "Ry Zanak'i Davida, mamindrà fo aminà." ⁴⁰ Jesosy nijagnona ary nandidy ny mbô hitondrana an'le leila ho akeo amin'Azy. Ary rafa teo ankeky le leila jamba, de nagnontany an'azy Jesosy hoe: ⁴¹ "Ino no tenao hataoko ho an'nao?" Nitare izy hoe: "Tompo, te hahiratra za." ⁴² Jesosy nitare tamin'azy hoe: "Mahiràta. Ny finoanao no nahasitrana an'nao." ⁴³ Takeo noho eo de nahiratra izy ary nagnaraka an'Azy, nagnome voninahitra an'Andriamanitra. Ny ôla daôly, rafa natazagna an'zany, de nagnolotra fiderana ho an'Andriamanitra.