¹ simona Petera, mpanompo sy apostolin'i Jesosy Kristy, ho an'reo ze nahazo ny finona sarobidy ôtran-ze noraisinay, finona akao amin'ny famarinan'ny Andriamanitsika sy Jesosy Kristy Mpamonjy. ² Hampitombona ane ny fasoavana sy fedanana non'falalana an'Andriamanitra sy Jesosy Tompontsika. ³ Reo ra daôly makasika ny herin'Andriamanitra ho an'ny fiaignana sy toe-pagna de nomena antsika tamin'ny alalan'ny falalana an'Andriamanitra, ze nagantso antsika tamin'ny alalan'ny voninahiny sy ny fatsarany manôkana. ⁴ Tamin'ny alalan'reo, nomeny teny fikasana tsara sady geda indrindra isika, mba ho tonga mpizara amin'ny fomban'Andriamanitra anareo, raha nilefa ny falotoana ze aketo an-tany noho reo filàn-dratsy. ⁵ No zany, magnanôva ny tsara ndrindra mba hagnampena fahatsarana amin'ny alalan'ny finonareo, ary amin'ny alalan'ny fahatsaranareo, ny fahalalana. ⁶ Amin'ny alalan'ny falalanareo, magnampe fahonognam-po, ary amin'ny alalan'ny fahonognam-ponareo, magnampe toe-pagna. ⁷ Amin'ny alalan'ny toe-panganareo, magnampe fitiavana rahalà, ary amin'ny alalan'ny fitiavana rahalà, manampe fitiavana. ⁸ Raha akao aminareo reo ary mitombo akao aminareo, de tsy hamô na tsy hamokatra amin'ny fahalalana an'i Jesosy Kristy Tompontsika anareo. ⁹ Fa na iza na iza tsy ampy reo ra reo de tsy mahita afa-tsy ze akaiky; jamba izy. Tsy tsarôvany ny fagnadiovana an'azy tamin'reo fahotany talô. ¹⁰ No 'zany, ry rahalà, atôvy ny daôly mba hazahôgna antoka ny fentsona sy ny fifidianana anareo. Raha Magnano reo ra reo nareo, de tsy ho vôfingana. ¹¹ Am-zany de malalaka ho anareo ny fidirana akao amin'ny fanjakana mandrakizay ze an'ny Tompontsika sy Jesosy Kristy mpamonjy. ¹² No 'zany de vonona fôgna za hampatsiaro an'nareo reo za reo, na de fantatrareo aza reo, na de matanjaka akao amin'ny marina aza anareo am-zao fotôgna zao. ¹³ Za mieritreritra fa rariny amiko ny mamô an'nareo amin'ny fampatsehivana reo ra reo, raha mbola aketo amin'ty trano-lay ty za. ¹⁴ Satria fantatro fa tsy ho ela de alàko ny tragno-laiko, ôtran-ze nabôgnan'i Jesosy Kristy Tompontsika anà. ¹⁵ Ary ho ataoko ze farany vitako mba hatserovanareo mandrakariva reo ra reo rafa lasa za. ¹⁶ Fa zahay de tsy nagnaraka angano tsara rafitra ze noforonina rafa niresaka taminareo ny momban'ny hery sy ny nibôgnan'i Jesosy Kristy Tompontsika. Fa kosa, zahay de vavolombelona nahita ny fendrianany. ¹⁷ Fa Izy de naharay laza amam-boninahitra avy tamin'Andriamanitra Ray rafa nisy feo tonga takeo Aminy tam-le voninahitra gedabe ndrindra hoe: "Ity no Zanako malalako, ze sitrako ndrindra." ¹⁸ Naharegny zany feo avy taigny an-danitra zany zahay, rafa niaraka taminy taigny an-tanety masina. ¹⁹ Tsika de managna ty teny faminagnina ze efa natao mafy orina ty. Tokony hitandrina ze tsara anareo. Zany de ôtran'ny jiro mazava akao agnaty haizigna mandra-piavin'ny maraigna sy ny kintan'ny maraigna miposaka akao am-ponareo. ²⁰ Fantaro alô zao, fa tsy misy faminagniana avy amin'ny famoan-kevitry ny ôla. ²¹ Fa tsy misy faminagniana avy tamin'ny sitrapon'ny ôla. Fa kosa, notarihan'ny Fanahy Masina izy regny mba hiteny ze notinenin'Andriamanitra.