¹ Ampaherezo indreo hangeky e mpanapaky izy ame manam-pahefagny, hagneky andreo, ho vonogny ame asa tsara agnaby. ² Ampatsiahivo indreo tsy handraby ndre ia ndre ia, hiala ame adihevitry, hamela e hafa hagnaraky e lalany, da hagnaboaky e fanetren-tegna ame olo agnaby. ³ Fa taloha gne tegnantsika da tsy nanan-tsaigny sady tsy nagneky. Voatariky tame lalan-diso itsika sady nandevozin'e filàgny izy ame fahafinaretagny samby hafa. Niagny tame faharatsiagny izy ame fialignagny itsika. Nankahalaigny iay sady nifankahala itsika. ⁴ Fa rehefa niboaky e hatsaram-pagnahin'Andriamanitry mpamonjy antsika izy ame fitiavany gne olo, ⁵ da tsy tame asan'e fahamarinagny nanintsika izany, fa tame famindram-pony e namonjeny antsika. Izy da namonjy antsika tamin'e alalan'e fagnadiovan'e faharetam-baovao izy ame fagnavaozagny tamin'e Fagnahy Masigny. ⁶ Andriamanitry nandrotsaky be tamintsika gne Fagnahy Masigny tamin'alalan'i Jesosy Kristy Mpamonjy antsika. ⁷ Naniny izany mba, ho voaramarigny tame fahasoavagny, da ho lasa mpandova itsika amin'alalan'e fahatokisagny e fiainagny mandrakizay. ⁸ Izany hafatry izany da mendri-pitokisagny. Tiako hizaka momba izany raha izany am-pahatokisagny anareo, mba izay matoky an'Andriamanitry da hikinia hagnano e asa tsara izay efa napetrakiny teo alohandreo. Izany raha izay da sady tsara no mahasoa ho an'e olo agnaby. ⁹ Fa ialay e adihevitry adala izy ame tantaram-pirazanagny da e fifandiragny izy ame ady momba e lalàgny. Io raha aby io da raha tsisy dikany sady tsy mahasoa. ¹⁰ Mandà izay olo miteraky fizarazaragny eo agnivonareo, afaran'e fampitandremagny indraiky na indroy, ¹¹ sady fantaro fa e olo akoizany da niala tame lalagny marigny sady manota sady magnameloky e tegnany. ¹² Rehefa nagniraky an'i Artema na Tykiko aminareo agny iao, da malakisa da mandiàna aminà agny Nikopolia, izay nanapahako hevitry andaniagny e rirignigny. ¹³ Malakisa da alefaso Zena, igny mpahay lalagny igny, izy amin'i Apolosy, mba tsy hanagny raha mahory indreo. ¹⁴ E olontsika da tsy maintsy mianatry magnano asa tsara izay ilaigny maiky mba tsy ahalasa andreo tsy hamokatry. ¹⁵ Izy agnaby miaraky aminà da magnano veloma anareo. Magnamboara veloma izay tia antsika ame finoagny. Ho aminareo aby anie e fahasoavagny.