¹ Paoly, mpanompon'Andriamanitry sady Apostolin'i Jesosy Kristy, hagnamafy gne finoan'olom-boafidin'Andriamanitry izy ame fahalalagny e marina izay magnaraky gne toe-pagnahy araky an'Andriamanitry, ² ame fahatokisagny e fiainagny mandrakizay, izay nampagnantegnain'Andriamanitry, gne tsy mavandy, taloha be tagny. ³ Tame fotoagny voatondro, da naboakiny e zakany tame hafatry izay natokisany ho ampitaiko. Naniko izany arak'e didin'Andriamanitry, gne Mpamonjy antsika. ⁴ Ho an'i Titosy, anaky marina ao ame finoagny hitambarantsika. Fahasoavagny izy ame fiadanagny avy amin'Andriamanitry Ray izy amin'i Jesosy Kristy Mpamonjy antsika. ⁵ Noho izao antony izao e namelako anao tagny Kreta, da e mba handaminanao io raha mbola tsy vita aby sady hanendry olombe isak'e tanagny araky izay efa nandidiako anao. ⁶ E olombe ame tanagny da tsy tokony hanan-tsigny mihintsy, vadin'e viavy raiky, managny anaky mino tsy voapanga ho magnara-po ame ratsy na maditry. ⁷ Ilain'e mpitandrigny, amin'e maha-mpagnano e asan'Andriamanitry, e tsy fanagnan-tsigny. Tsy tokony hahery fizakagny na mirehareha. Tsy tokony ho mora vignitry, tsy mamolava, tsy tia ady, sady olo tsy tia vola. ⁸ F'izy, tokony hampandroso an-dragno izy, naman'izay tsara. Tsy maintsy mahonon-tegna, marina, masina, sady mahafehy tegna. ⁹ Tokony mitagny mafy e hafatry izay efa nampianarigny izy, mba afahany mampahery gne hafa ame fampianaragny tsara sady hagnitsy e olo izay manohitry an'azy. ¹⁰ Fa maro e olo mpikomy, indrindra e voafora. Tsy misy lanjany e zakandreo. Mandiso fagnantegnagny sady mitariky gn'olo ame lalan-diso indreo. ¹¹ Ilaigny e manakagny an'iregny. Mampianatry e tsy tokony hampianarigny indreo mba azahoagny haregna maloto sady mandrava e fianakaviagny agnaby. ¹² Nisy raiky tamindreo, izay lelà hendrindreo, nizaka hoe: "E Kretana da mpavandy mandrakariva, ratsy sady biby mandoza, kamo be tenda." ¹³ Marina izany voazaka izany, noho izany anaro mafy indreo mba hatanjaky ame finoagny. ¹⁴ Ka miraharaha e tafasirin'e Jiosy na e didin'olo izay niala tame fahamarinagny. ¹⁵ Ho an'e madio, da madio e raha agnaby. Fa ho an'izay voaloto sady tsy mino kosa, da tsy misy madio ndre ino ndre ino. Nohon'e saigny izy ame fieritreretany efa voaloto. ¹⁶ Magneky fa mahalala an'Andriamanitry indreo, kanefa mandà an'Azy ame asany aby. Mpalaigny sady mpandika lalàgny indreo. Tsy mahavita asa tsara ndre ino ndre ino.