¹ Da nizaka iao, narian'Andriamanitry me gne olony? Sagnatrian'izany. Ndre iao avakoa da Israelita, taranak'i Abrahama, avy ame fokon'i Benjamina. ² Andriamanitry da tsy nagnary gne olony, izay efa lalany taloha. Tsy lalanareo me gne vôzakan'e Soratry Masina momban'i Elia, da gne fitaraignany tamin'Andriamanitry namely an'Israely? hoe: ³ Tompo, indreo da namono gne mpaminaninao, namotiky gne alitaranao. Iao raiky gne sisa tavela, ary mifofo gn'aiko indreo." ⁴ Fa ino e zaka nambaran'Andriamanitry an'azy? "Nanokagny fito arivo làhy ho an'e tegnako Iao izay tsy nandohaliky tamin'e Bala." ⁵ D'akoizany, amin'izao fotoagny zao avakoa da misy sisa avao nohon'e fisafidianagny ame fahasoavagny. ⁶ Fa raha avy ame fahasoavgny izany, da tsy avy ame asa koa. Fa raha izany da tsy fahasoavagny koa gne fahasoavagny. ([Fanamariagny: gne antotan-taratasy sasany taloha da mamaky hoe: "Kanefa raha avy ame asa izany, da tsy fahasoavagny koa; fa raha izany da tsy asa koa gne asa] ⁷ Da ino sa? Gne raha notadiavin'Israely, da tsy azony, Fa gne voafidy gne nahazo izany, sady nohamafisigny gn'ambiny. ⁸ Izany da araky gn' efa voasoratry hoe: "Andriamanitry da nagnome andreo gne fagnahin'e fitavozavozagny, maso mba tsy hahitan-dreo, da gne sofigny mba tsy handregnesan-dreo, mandrak'androany." ⁹ Da hoy Davida nagnano hoe: "Aoka gne latabatriny ho harato sy fandriky, ho vato mamingagny sady valifaty ho andreo. ¹⁰ Aoka gne mason-dreo ho mijigny mba tsy hahita, ary aoka hiondriky mandrakizay gne lamosindreo." ¹¹ Da hoy iao hoe: "Indreo me tafitoigny mba ho lavo?" Sagnatrian'izany. F'izy da avy ame filavoan-dreo, gne nahatongavan'e famonjegny tamin-dreo Jentilisa, mba hampialogny andreo. ¹² Ary raha gne fahalavoan--dreo gne haregn'izao tontolo zao, sady Raha gne fahaverezan-dreo gne haren'e Jentilisa, da magnano akognaia gne hazakaben'e fahatanterahan-dreo? ¹³ Fa am'izao da mizaka aminareo Jentilisa iao, ary raha mbola apôstôlin'e Jentilisa iao, da mankasitraky gne fanompoako. ¹⁴ Angamba hampialogny andreo izay avy ame nofotriko manokagny iao. Angamba hamonjy gne sasany amin-dreo itsika. ¹⁵ Fa raha midika fampihavanagny an'izao tontolo zao gne fandavagny andreo, da ino gne andraisagny andreo izany fa fiainagny avy ame fahafatesagny? ¹⁶ Raha voatokagny gne vokatry voalohany, da gne ampahany ame kobam-bary avakoa. Raha voatokagny gne fakany, da akô izany avakoa gne rantsany. ¹⁷ Fa raha notapaigny gne rantsagny sasany, sady raha anao, sampagny olivadia, gne natambatry teo amindreo, sady raha nifampizara tamindreo gne faka-mamokatry gne kakazo oliva anao, ¹⁸ aza mirehareha amin'ireo sampagny. Fa raha mirehareha anao, da tsy anao gne mitondra gne fakagny, fa gne fakany gne mitondra anao. ¹⁹ Da hizaka anao hoe: "Notahigny hiala ireo sampagny mba hafahako mifandray amin'azy." ²⁰ Marigny izany. Noho gne tsy finoan-dreo da notapaigny hiala indreo, fa anareo da mijoro tsara araky gne finoanareo. Aza magnano gne tegnanareo ho ambony, fa matahora. ²¹ Fa ndre gne tegna sampagny aza da tsy navelan'Andriamanitry, da tsy ho avelany avakoa anao. ²² Sady, taragno, gne fahamoram-po sy gne fahasaro-pon'Andriamanitry. Etsia andaniny, gne fahasaro-po da avy ame Jiosy zay lavo. Da etsia avakoa, gne hatsara-pagnahin' Andriamanitry da avy aminareo, raha maharitry ao ame hatsaram-pagnahiny anareo. Fa raha tsy izany da ho tapahigny koa anareo. ²³ Ndre io aza, raha tsy manohy ame tsy finoagny indreo, da hatambatry. Fa Andriamanitry da afaky mamerigny manambatry andreo indraiky. ²⁴ Fa raha notapahigny tame kakazo oliva_dì anareo, ka natambatry tame kakazo oliva tsara, da akognaia gne fohoaran'e hamaroan'e Jiosy, izay sampagny voajanahary, natambatry tame kakazo olivan-dreo manokagny? ²⁵ Fa tsy tiako tsy hahafantatry anareo, ry rahalà gn'amin'izany tsiambaratelo izany, mba tsy haha-hendry anareo amin'eritreritry nareo manokagny. Izany tsiambaratelo izany da efa nahamafy loha gne sasany ame Israely, mandra-piavin'e fahefan'e Jentilisa. ²⁶ Noho izany da hovonjegny agnaby gne Israely aby, araky gne voasoratry hoe: "Hiboaky avy agny Ziona gne mpagnafaky. Hangala gne haratsia-pagnahy amin'i Jakoba izy, ²⁷ da izany gne ho fagnekem- pihavanako amin-dreo refa hagnafôgny e fahotan-dreo Iao." ²⁸ Ame lafiny raiky mahakasiky gne filazantsara, da fahavalo idreo noho gn'aminareo. Ame lafiny raiky hafa araky gne safidin'Andriamanitry, da mahalala indreo noho gne razagny. ²⁹ Fa ireo fanomezagny sy antson'Andriamanitry da tsy miova. ³⁰ Fa anareo da tsy magneky an'Andriamanitry taloha, kanefa amin'izao anareo da nandray gne famindram-pò noho e fankatoavandreo. ³¹ Akoizany avakoa, amin'izao ireo Jiosy da tsy magneky. Gne vokany da avy tame famindram-pò izay nabôky anareo e mety handraisan-dreo gne famindram-pò avakoa amin'izao. ³² Fa Andriamanitry efa nagnidy e tsy fankatoavagn'aby, mba ahafahany magnabôky famindram-pò ame olo aby. ³³ Hiteo, gne halalin'e haren'e fahendregny sy fahalalan'Andriamanitry! Tsy takatry gne saigny io fitsaragny io, ary e lalany da tsy hay refesigny! ³⁴ "Fa ia gne nahalala e fihevitry gne Tompo na ia gn'avy ho mpanolon-tsaigny an'Azy? ³⁵ Na ia gne nagnome raha an'Andriamanitry aloha, ka tsy mentsy hagnoneran' Andriamanitry an'azy indraiky?" ³⁶ Fa avy amin'azy sy ame alalany sady ho an'Azy gne raha aby. Ho an'Azy mandrakariva gne voninahitry. Amena.