¹ Ity gne fiandohan'e filazantsaran'i Jesosy Kristy, e zanak'Andriamanitry. ² Arak'e voasoratry amign'Isaia mpaminany hoe: "Itoa, iao magniraky e irako ialoha Anao, e raiky agnamboatry e lalagninao. ³ Misy feo regny mangaiky mafy latagny ame tany fôgny hoe: "Amboaro vonogny e lalagn'e Tompo; mahitsy e lalagn'ombany.''' ⁴ Avy Jaona, nagnano batisa tagny ame tany fôgny sady nitory gne batisan'e fibebahagny ho amin'e famelan-keloky gne ota. ⁵ Gne tanin'e Jodia agnaby sy gne fokonolo ao Jerosalema da avy nagnatogny an'azy. Naniny batisa tam'e ranon'i Jordana indreo, refa nagneky gne fahotany. ⁶ Nisikigny akanjo volon-drameva i Jaona ary nagnano etry hoditry tamin'e vaniany, sady valala sy titely remby gne noaniny. ⁷ Nagnambara izy hoe: "Misy raiky ho avy magnarak'anà zay mahery amboniko, ndre iao da tsy mendriky gne angalaky gne tadin'ny gne kapany azaky. ⁸ Iao nagnano batisa anareo tamin'e rano, fa Izy hagnano batisa anareo amin'e Fanahy Masina." ⁹ Tamign'e andro niavian'i Jesosy lata Nazareta ta Galilia gne niboan'izany. Sady nanin'i Jaona batisa tamin'e ranon'i Jordana Izy. ¹⁰ Raha niboaky gne rano Jesosy, da hitany nivoha gne lagnitry da nidigny tamin'Azy ako voromamanga gne Fagnahy. ¹¹ Da nisy feo latan-dagnitry nagnano hoe: "Anao gne zanako malalako. Ekeko Anao." ¹² Aveo da nindesin'gne Fagnahy tagny am'e tany fôgny Jesosy. ¹³ Efapolo andro Izy gne tagny am'e tany fôgny, nalaigny e devoly fagnahy. Niaigny niaraky tame bibidia Izy, ary nanompo an'Azy aby gne anjely. ¹⁴ Refa vôsambotry i Jaona, da tonga ta Galilia Jesosy nitory gne filazan-tsaran' Andriamanitry. ¹⁵ da nizaka hoe: "Efa avy gne fotoagny, da efa akaiky gne fanjakan'Andriamanitry. Mibebaha da minoa gne filazantsara." ¹⁶ Refa nandeha tamoron-dranomasin'i Galilia Izy, da nahita an'i Simona sy Andrea rahalahin'i Simona nagnarato, satria pagnarato indreo. ¹⁷ Hoy Jesosy tamin-dreo hoe: "Avia, magnaraha Anà, fa avadiko ho pagnarato olo anareo." ¹⁸ Tonga da nagnapetraky gne arato indreo da nagnaraky an'Azy. ¹⁹ Refa nandeha lavidavitry i Jesosy, da nahita an'i Jakoba zanak'i Zebedio sy Jaona ralàhany; izay t'ambony lakagny nagnambotry gne arato. ²⁰ Nangaiky andreo Izy ka avy da nilozany t'ambony lakagny i Zebedio iabany niaraky tam'e mpiasa, ka nagnaraky an'Azy indreo. ²¹ Aveo da avy ta Kapernaomy tao indreo, ary tamign'andro Sabata, da nitsofoky tam'e synagoga Jesosy, da nampianatry. ²² Gaga tame fampianarany indreo satria nampianatry andreo akô gn'olo managny fahefagny Izy fa tsy akô gne panora-dalàgny. ²³ Avy eo da nisy lelà raiky tam'e synagogan-dreo zay nanagny fagnahy maloto nizaka mafy, ²⁴ nagnano hoe: "Ino gne ifandraisanay aminao, ry Jesosy lata Nazareta? Avy hamotika anay me Anao? Lalako hoe ia Anao. Anao e Masin'andriamanitry!" ²⁵ Nizaka mafy gne demonia Jesosy hoe: "Mangigny da melà amin'azy!" ²⁶ Da nandavo sy niala tamin'azy gne fagnahy maloto ka nimenimenigny tamin'e feo mahery. ²⁷ Gaga agnaby gne fokonolo, ka nifagnotany hoe: "Ino ty? Fampianaragny vaovao misy fahefagny? Bekoiny ndre da gne fagnahy maloto azaky da magneky an'Azy indreo!" ²⁸ Gne vaovao mikasiky an'Azy da niparitaky tam' e faritr'e Galilia raiky manontolo. ²⁹ Refa nijotso gne synagoga, da avy tan-dragnon'i Simona sy Andrea indreo, niaraka tamin'i Jakoba sy Jaona. ³⁰ Sady gne rafozam-bavin'i Simona da natory nararin'gne tazo, da nozakain-dreo an'i Jesosy gne mikasikan'azy. ³¹ Da nagnatogna Izy da nitagna an'azy tam'e tagnany, sady nagnarigny an'azy; tonga da nisinda gne tazony. Da nanomboky nanompo an'azy izy. ³² Tamin'io sondrognadro io, tafarany gne filetehany gne masoandro, da nindesin-dreo tamin'azy aby gne marary na gne misy tromba. ³³ Tafalagnogny tam-barangaragny gne tanàgny raiky; manontolo. ³⁴ Nagnasitragny olo maro nararin'gne aretigny maro karazany Izy da nandroaky demonia maro fa tsy napetrany ijaka gne demonia satria nahafantatry an'Azy indreo. ³⁵ nifoha nandraigny be Izy, la mbola mijigny gne andro; nenga teo Izy ka nandeha tagny ame toeragny mitokagny da teo Izy gne nivavaky. ³⁶ Nitady an'Azy i Simona sy indreo ze niaraky tamin'azy. ³⁷ Nahita an'Azy indreo da nizaka tamin'azy hoe: "Mitady Anao aby gn'olo." ³⁸ Da hoy Izy hoe: "Andao itsika ho agny ame toeran-kafa, agny ambadiky ame tanagny magnodidigny, mba ahafahako mitory teny agny avao koa. Fa izany gne antony nijotsoako taty." ³⁹ Da nitety an'i Galilia aby Izy, nitory teny tame sinagogan-dreo sady nandroaky demonia maro. ⁴⁰ Nisy boka raiky avy tamin'azy. Nandadilady tamin'azy izy; nandohalika tamin'Azy da nizaka tamin'Azy hoe: "La ekenao, da afaky magnadio anahy Anao. ⁴¹ Nafiraigny an'azy, da nagnapatry gne tagnany Jesosy da nikasika an'azy, nizaka tamin'azy hoe: "Ekeko. Madiova anao." ⁴² Tonga da nenga tamin'azy gne habokagny, da nadio izy. ⁴³ Nampitandrigny mafy an'azy Jesosy da nandefa an'azy. ⁴⁴ Hoy Izy tamin'azy hoe: "Tandremo tsy hijaka ndre ino ndre ino ndre amin'ia ndre amin'ia anao, fa mandiana, aboahy ame pisorogny e tegnanao da magnamboara fagnatitry tame fagnadiovagny anao araky gne nandidian'i Mosesy, mba ho fijoroagny vavolombelogny ho andreo." ⁴⁵ Fa nijotso izy da nanomboky nizaka tame fokonolo da nagnaparitaky gne zaka da tsy afaky gne niditry an-kahalalagny tame tanàgny sanaky koa Jesosy. Ka nandea tame toeragny mitokagny Izy da nagnatogny an'Azy gn'olo avy ame toeragny maro.