¹ Aza mitsara, da tsy ho tsaraigny anareo. ² Fa ame fitsaragny naninareo, gne hitsaragny anareo, sady ame fandrefesagny andrefesanareo, gne handrefesagny anareo. ³ Nagnino me hitanao gne dify kidikidy izay agnaty mason'e rahalànao, nefa tsy hitanao gne anakandry ao agnaty masonao? ⁴ Akôgnaia gne hizakanao gne rahalànao hoe: 'Ao eky me angalako gne dify ame masonao io,' raha mbola ao agnaty masonao gn'anakandry? ⁵ Ô mpetsaravelatsihy! Alay teo eky gn'anakandry agnaty masonao, sady avy eo anao hahita tsara refa mangalagne dify izay eo ame mason'e rahalànao. ⁶ Ka omegny gn'amboa izay masigny, sady ka atsipy eo alohan'e kosoa gne vatosoanareo.Raha tsy izany da mety ho voahitsakiny gne tombokindreo, sady avy eo hifotitry sady hamiravira anareo ame fahapotehagny. ⁷ Mangataha da omegny anareo izany. mitadiava, da hahita anareo. Dondomy, fa hivoha ho anareo izany. ⁸ Fa izay mangataky, da mahazo; izay olo agnaby mangataky da mahazo; izay olo agnaby mitady,da mahita; sady ho an'olo mandondogny, da ho vahagny. ⁹ Sa ia aminareo, raha angatahan'e zanany mofo, gne hagnome vato ho an'azy? ¹⁰ Ndre koa raha nangatahany trondro ka hagnome an'azy bibilava? ¹¹ Noho izany, raha anareo izay ratsy aza mahay mangnome gne fagnomezagny izay tsara ho an'e zanakareo, tsy zakabe mihotry me gne raha tsara omen'e Rainareo izay agny an-dagnitry ho an'izay mangataky amin'Azy? ¹² Noho izany, ndre ino ndre ino raha tianareo ho anin'olo ame tegnanareo, da tokony hagnano akô izany amindreo avao koa anareo, fa izany gne lalagny izy ame mpaminany. ¹³ Midira ame vavahady pitsa. Fa zakabe gne vavahady sady malalaky gne lalagny minday agny ame fahaverezagny, sady maro gn'olo izay mandeha amizany. ¹⁴ Fa tery gne vavahady sady sarotry gne lalagny izay mitariky megnagny ame fiainagny,sady vitsy izay mahita an'izany ¹⁵ Mitandrema ame mpaminany sandoky, izay magnatogny anareo ame fisikinan'e ondry nefa amboadì tena mpihaza. ¹⁶ Ame gn'alalan'e voany gne hahalalanareo andreo. Mila voaloboky egny ame fantsy me gn'olo, ndre koa aviavy egny ame songosongo? ¹⁷ Mitovy amizany , gne kakazo tsara agnaby da mamokatry voa tsara, fa gne kakazo ratsy da mamokatry voa ratsy. ¹⁸ Gne kakazo tsara da tsy afaky gne hamokatry voa ratsy, ndre koa gne kakazo ratsy da tsy afaky mamokatry voa tsara. ¹⁹ Gne kakazo agnaby izay tsy mamokatry voa tsara da tapaigny sady hatsipy agny agnaty afo. ²⁰ Ka noho izany, ho lalanareo indreo ame gn'alalan'e voany. ²¹ Tsy izay olo agnaby mizaka Aminà hoe: ' Tompo, Tompo,' Da hiditry gne fanjakan'e lagnitry, fa gn'olo izay magnano gne sitrapon'e Raiko izay agny an-dagnitry avao. ²² Maro gn'olo hizaka Aminà amizany andro izany hoe: 'Tompo, Tompo, tsy efa naminany tame gn'agnaranao me iay, tsy efa namoky gne demony tame gn'agnaranao, sady nagnano gn'asa zakabe tame gn'agnaranao?' ²³ Avy eo Iao hagnambara amindreo amaso amaso hoe: ' Tsy nahalala anareo mihitsy Iao! Miala lavitry Anà, ry mpagnano ratsy!' ²⁴ Noho izany, gn'olo agnaby izay maharegny gne zakako sady mankato an'izany da akô gn'olo manakagnahy izay nanangagny gne tragnony egny ambony vatoloampy. ²⁵ Neriky gn'andro, avy gne tondra-drano, sady nifofofofo sady namely gne tragno gne rivotry, fa tsy nampitola an'izany, satria natsangagny teo ambony vatolampy. ²⁶ Fa gn'olo agnaby izay maharegny gne zakako ka tsy mankatò an'azy iregny da akô gn'olo mola izay manangagny gne tragnony egny ambony fasiky. ²⁷ Neriky gn'andro, avy gne tondra-drano, sady nifofofofo da namely gne tragno gne rivotry, ka da nirodagny izany, sady feno faharavagny.'' ²⁸ Sady refa avy nagnambara an'io zaka io Jesosy, gaga tame fampianarany gne fokon'olo , ²⁹ satria nampianatry andreo akô gn'olo managny fahefagny Izy, fa tsy akô gne mpanora-dalàgnindreo.