¹ Da tafaran'io ra io i Paoly da niala tao Atea da nandea Korinto. ² Nifankaita tamina Jiosy nangiagny hoe Akoila ako izy, tera-tany Ponto, izay vo tonga avy tagny Italia niaraky tamin'i Prisila vadiny, satria i Klaodio nandidy gne Jiosy marobe hiala tao Roma. ³ Paoly nagnatogny andreo, satria varotry mitovy avao gne hesany, da niaraky nipetraky tamin-dreo izy da niasa, fa gne magnao lay gne asan-dreo. ⁴ Da niady hevitry tame synagoga isakin'gne Sabata i Paoly. Nandresy lahatry gne Jiosy sy Grika izy. ⁵ Fa ra nidigny avy ta Makedonia i Silasy sy Timoty, da noteren'e Fagnahy hagnabara amin'gne Jiosy fa Jesosy e Kristy i Paoly. ⁶ Rehefa nanohitry sy nagneso anazy gne Jiosy, da nikopakopaky gnelambany tamin-dreo i Paoly da nagnao hoe: "Enga anie mba ho ame lohanareo gne rànareo; tsy manan-tsigny iao. Fa manmboky izao da ho ame Jentilisa iao." ⁷ Da niala teo izy aviteo da nandea tan-dragnon'i Titosy Josto, lela izay manompo an'Andriamanitry. Gne tragnony da akekin'gne synagoga. ⁸ Krispo, mpitariky gne synagoga, natoky e Tompo, niaraky tamin-dreo maro izay nipetraky tame tragnony; da maro tame Koritiana gne naregny momba izany e natoky sy nanigny batisa. ⁹ E Tompo nizaka tamin'i Paoly tame fahitagny tamin'e ariva hoe: "Ka mataotry, da ka mangigny fa mizaka. ¹⁰ Fa Iao miaraky aminao, da tsy misy olo hafaky hagnano ratsy anao, fa managny olo maro amin'ity tanàgny ity Iao." ¹¹ Nipetraky tao heritaogny sy enim-bolagny i Paoly sady nampianatry gne zakan'Andriamanitry tamin-dreo. ¹² Da rehefa lasa governoran'gne Akaia i Galio, da niaraky nitsangagny gne Jiosy hanohitry an'i Paoly da nitondra anazy tagnatrehan'ge fitsaragny; ¹³ nizaka indreo hoe: "Io lela io da mandresy lahatry gne fokonolo mba hanompo an'Andriamanitry izay mifanohitry ame lalàgny." ¹⁴ Da raha handea hizaka Paoly, da nizaka tame Jiosy u Galio hoe: "Anareo Jiosy, raha resaky ra ratsy na heloky izany, da mbola azo eritreretigny gne fifampiraharahagny aminareo." ¹⁵ Fa hatramizay nisian'gne fagnotania momba gne zaka sy agnaragny da lalàgninareo manokagny, alamignonareo izany. Iao tsy magniry gnevho mpitsara izany raharaha izany." ¹⁶ Galio nangala andreo hiala tame sezam-pitsaragny. ¹⁷ Da nisambotry an'i Sostena izy marobe, gne mpanapaky e synagoga, da nikapoky anazy tanoloan'gne toeram-pitsaragny. Da Galio tsy nandrara gne nanin-dreo. ¹⁸ Paoly, rehefa nipetraky tao nandritry gne andro maromaro, da nagnapetraky gne ralah da niditry tagnaty sambo andea a Syria niaraky tmin'i Prisila sy Akolia. Taloany nialany tame seranan-tsambo da nohetezany tao kenkrea gne volony noho gne voady izay naniny. ¹⁹ Rehefa tonga ta Efesosy indreo, da napetrak'i Paoly teo i Prisila sy Akoila, fa izy vatany niditry tame synagoga da niady hevitry tamin'gne Jiosy. ²⁰ Rehefa nangataky an'i Paoly mba hijanogny elaela indreo, da tsy nagneky izy. ²¹ Da niala andreo izy, nizaka hoe: "Mbola hipody aty iao raha sitrapon'Andriamanitry izany." Da niditry agnaty sambo niala ta efesosy izy aveo. ²² Rehafa nitody ta kaisaria i Paoly, da niakatry izy da nagnotsafa gne fiangonan'e Jerosalema da nidigny nandea Atioky aveo. ²³ Rehefa avy nipetraky lera maromaro tao izy, da niala i Paoly da nitety gne faritr'i Galatia sy Frygia da nankahery gne mpianatry marobe. ²⁴ Da nisy Jiosy raiky nangiagny hoe Apolosy, teraky tagny Aleksandria, tonga ta Efesosy. Izy da nahay nandahatry zaka sady nahalala tsara gne Soratry Masina. ²⁵ Apolosy da nampianarigny tame fampianaran'e Tompo. Mahafatra-po ame fagnahy, izy nizaka sy nampianatry marina gne ra mahakasiky an'i Jesosy, f'izy e batisan'i Jaona avao gne fantany. ²⁶ Apolosy nanomboky nizaka am-pasahiagny tame synagoga. Da rehefa naharegny anazy i Prisila sy Akoila, da nangala anazy andea ame sisiny da nagnazava taminazy marina kokoa gne lalan'Andriamanitry. ²⁷ Rehafa nagniry hamakivaky an'i Akaia izy, da nampahery andreo ralah da nanoratry ho an'gne mpianatry tao Akaia mba handray anazy. Rehefa tonga izy, da tena nagnampy gne nino tame fahasoavagny. ²⁸ Apolosy nanohitry mafy gne Jiosy tame ady hevitry ampahibemaso, nagnambara tamin'gne alalan'e Soratry Masina fa Jesosy e Kristy.