¹ Da refa nandalo gne tanàgnan'e Anfipolia sy Apolonia indreo, da avy tao amin'e tanàgnin'i Tesaloniky indreo, izay nisy Synagoga n'e Jiosy. ² Paoly, araky gne fomba famboariny da negnagn'amin-dreo, da niady hevitry niaraky tamindreo aby ao amin'e Soratra Masina gn'andro Sabata telo. ³ Nosokafagny gne Soratra Masina da nazavaigny fa nilain'i Kristy gne nijaly da nitsangagny indraiky amin'e maty. Hoy izy hoe :"Io Jesosy izay ambarako aminareo io gne Kristy." ⁴ Resy lahatry gne sanany tamindreo Jiosy da nagnaraky an'i Paoly sy Silasy, agnisan'izany gne mpivavaky Grika Maro agn'isa, da tsy vitsy gne viavy mpitariky. ⁵ Fa gne Jiosy tsy mpino nentin'e fialognagny da nangala gne olo ratsy fagnà avy ta-bezary, nandagno niaraky gne fokonolo, da namparesaky gne tanàgny.Nanafiky gne tragnon'i Jesona, te hinday an'i Paoly sy Silasy hiala gne fokonolo indreo. ⁶ Fa refa tsy hitany indreo, da notarihan-dreo I Jasona izy ame rahalà hafa sanany ho eo amason'e manam-pahefagnin'e tanàgny, nitomagny, "Itoa lelà izay nampitsimbadiky an'izao tontolo zao itoa da avy etoa avakoa. ⁷ Itoa lelà izay nampandrosoin'i Jasona toa da manohitry gne didin'i Kaisara; mizaka indreo fa misy mpanjaka hafa-da I Jesosy." ⁸ Vôelingeligny gne fokonolo izy ame manam-pahefagny tamin'e tanàgny refa naharegny an'izany raha zany. ⁹ Fa refa aveo gne manam-pahefagny nampandoa vola an'i Jasona izy ame ambiny mba ho antoky, aveo indreo nametraky andreo handeha indreo. ¹⁰ Nalefan'e rahalà tagny Beria gn'arivan'igny i Paoly sy Silasy. Refa avy tagny indreo , da hiditry tao amin'e Synagogan'e Jiosy. ¹¹ Da ireo olo reo agny Tesalonika, fa nandray gne zaka tamin'e fahavognonan'e Saigny rehatra indreo, nandiniky gne Soratra Masina isan'andro mba hahita raha tena izany tokôtry ireo Raha reo. ¹² Noho izany da maro tamindreo gne nino, tagnatin'izany gne viavy Grika manan-kaja sanany da lelà Maro. ¹³ Fa gne Jiosin'e Tesalonika refa naharegny fa i Paoly da nagnambara gne tenin'Andriamanitry tao Beria avakoa, da nandeha tegny indreo da namparesaky sady nampikorontagny gne fokonolo. ¹⁴ Da avy da, gne rahalà nandefa an'i Paoly ho agny ame ranomasigny, fa i Silasy da I Timoty nijanogny teo. ¹⁵ Indreo zay nitariky an'i Paoly ninday an'azy hatragny amin'e tanàgnin'i Atena. Raha nametraky an'i Paoly teo indreo, da nandray torolàlagny avy amin'azy ho an'e Silasy sy Timoty mba hohegnagny amin'azy malaky araky izay azo hanigny. ¹⁶ Da raha nandigny an'azy gne tagny Atena i Paoly, da avy vignitry tagnatiny gne fagnà feno sampy. ¹⁷ Da niady hevitry tao amin'e Synagoga niaraky tamindreo Jiosy Izy ame hafa izay nanompo an'Andriamanitry izy, akoizany koa gne tao amin'e toeran'e raharaham-barotry niaraky tamindreo izay teo. ¹⁸ Fa gne sanany tamindreo filozofa Epikoreana sy Stoika avakoa nifankahita taminazy. Gne sanany nizaka hie:"Da akô gne raiky izay mangaiky gne olo hagnaraky gne Andriamanitry hafahafa izy," satria nitory an'i Jesosy izy ame fitsanganagny amin'e maty izy. ¹⁹ Nangala an'i Paoly indreo da ninday an'azy tao amin'e Areopago, nizaka hoe: " Afaky mamantatry an'izany Fampianaragny vaovao izay nozakainao zany me iay ? ²⁰ Fa minday raha hafahafa tsy fahenon'e sofinay anao. Noho izany, te hahafantatry gne dikan'izany raha zany iay." ²¹ ( Da gne Atenina rehatra izy ame vahiny nipetraky da nandany gne fotôgniny tamin'e tsy nisy fa avakoa tamin'e filazagny na fitenomagny momban'e raha vaovao.) ²² Da nitsangagny tategnategnan'e Areopago I Paoly da nizaka hoe: "Anareo lelàn'i Ateniana, hitako fa tena relijiozy amin'e fomba rehetra anareo. ²³ Fa raha niala iao da nandiniky gne tanjon'e fomba fanompoam-pivavahanareo, da nahita alitara iao misy an'ity soratry ty hoe:" Ho an'Andriamanitry tsy fantatry. "Ino zany gne hivavahanareo ao amin'e tsy fahafantaragny an'izany gne Zakaiko aminareo. ²⁴ gn'Andriamanitry izay nagnano an'izao tontolo zao izy ame Raha rehetra eo amin'azy, satria Tompon'e lagnitry izy and tany Izy, tsy mipetraky ao agnaty fiangonagny vôforigny tamin'e tanàgny. ²⁵ Ndre izy tsy notompoigny tamin'e tagnan'olo, akô gne nila Raha izy, satria izy tegnany gne magnome fiainagny gne raha hafa rehetra. ²⁶ Aveo amin'e olo raiky gne nagnamboaragny gne firenegny rehetra ho an'e olo mba hiaigny eo ambonin'e tany, namaritry gne vanim-potoan-dreo sady nanendry gne toeragny fipetragny da gne andro iaignan-dreo, ²⁷ da mba tokony hitady an'Andriamanitry indreo, Raha ôtraky mety nahatratry sady hahita an'Azy indreo. Kanefa mbola tsy lavitry antsika tsiraidraiky aby Izy. ²⁸ Satria atsika da mivelogny sady mihetsiky da managny gne maha-izy antsika, akô gne nozakain'e raiky amin'e mpagnano tononkalonareo manokagny hoe: "fa taranakiny avakoa atsika." ²⁹ Noho izany, satria Zanak'Andriamanitry atsika, atsika da tsy tokony hieritreritry fa gne hatsaran'e fombany da mitovy amin'e volamena, na volafotsy,na sary-vongagny izay nogorognigny avy amin'e asa tagnà sy aingam-pagnahin'olombelogny. ³⁰ Noho izany da nohadignon'Andriamanitry gne fotôgnin'e tsy fahalalagny, fa amizao mandidy gne olo aby egny rehetra egny mba hibebaky izy. ³¹ Izany gne izy satria nametraky andro izy hoe ovia gne hitsara an'izao tontolo zao amin'e fahamarinagny amin'e alalan'e olo izay nofidianiny. Nognome porofon'io lelà io tamin'e olo tsiraidraiky tamin'gn'alalan'e fananganagny an'azy tamin'e maty Andriamanitry. ³² Da refa naharegny gne fitsanganagny amin'e maty gne olon'i Atena, da nagnabarabara an'i Paoly gne sanany; "Hiteno anao indraiky momba an'izany raha zany iay." ³³ Tafaran'izay, niala an'andreo i Paoly. ³⁴ Fa gne sanany tamin'e olo nagnaraky an'azy da nino, tagnatin'izany I Dionysio Aeropagita, viavy antsovagny hoe Damary, da gne sanany niaraky tamindreo.