¹ Gn'olo sanany da nidigny avy tagny Jodia hatragny Antiokia sady nampianatry ireo ralà, da nizaka hoe: " Râ tsy Vita famoràgny arak'e fomba fanin'i Mosesy anareo, da tsy ho voavonjy anareo." ² Izany da ninday an'i Paoly sy Barnabasy tagn'agnantin'e fifamaliagny sy ady hevitry tamindreo. Noho izany i Paoly sy Barnabasy da voatendry niaraky tame sanany hafa tamindreo hiakatry agny Jerosalema mba hihaogny amin'ireo apostoly izy am'olombe momba an'izany fagnontaniagny izany ³ Noho izany indreo, da nalefan'e fiangonagny, da namakivaky an'i Foiniko sy Samaria sady nagnamboara gne fiovam-pondreo Jentilisa. Indreo da ninday hafaliagny zakabe tamindreo ralà agnaby. ⁴ Refa avy tao Jerosalema indreo, da neken'e fiangonagny izy ame apostoly sady indreo olombe, da nitantara gne raha izay nataon'Andriamanitry tamindreo agnaby. ⁵ Nefa gn'olo sanany izay nino, izay tame tarik'ireo Fariseo, da nitsangagny sy nizaka hoe: "Ilaigny e magnano famoràgny andreo izy ame mibaiko andreo hitandrigny gne lalàgnin'i Mosesy." ⁶ Noho izany ireo apostoly izy am'olombe da niaraky nivory mba handiniky an' izany zavaty misy izany. ⁷ Tafaran'e ady hevitry be, nitsangagny i Petera da nizaka hoe: "Ry ralà, fantatrao f'efa taloha ela be Andriamanitry gne nagnano safidy taminareo, mba ho amign'alalan'e vavakiko da tokony hahare gne zakan'e filazantsara ireo Jentilisa, sady hino. ⁸ Andriamanitry, izay mahafantatry e fo, vavolombelogny amindreo, nagnome gne Fagnahy Masigny andreo, da akô gne naniny tamintsika; ⁹ sady tsy nagnano fagnavakavahagny tamintsika; sady tsy nagnano fagnavakavahagny tamintsika izy am'idreo Izy, nagnadio gne fon-dreo tame finoagny. ¹⁰ Sady noho izany nagnino anareo mitsapa an'Andriamanitry, hoe tokony hametrahanareo zoga and vozin'e mpianatry nefa na gne razantsika na isika azaky tsy mahavita mitakogny? ¹¹ Nefa mino isika fa ho voavonjy amign'alalan'e fahasoavan'i Tompo Jesosy, akô andreo avakoa." ¹² Gn'olo agnaby da nisigny nandritry gne nitenoman-dreo an' Barnabasy sy Paoly mitantara gne famantaragny izy ame fahagagagny niasan'Andriamanitry izay niasa tamin'ireo Jentilisa tamign'alalan-dreo. ¹³ Refa tsy nikoragny indreo, da namaly Jakoba, nizaka hoe: "Ry ralà, tenemo iao. ¹⁴ I Someone da efa nagnambara gne fomba nagnampian'Andriaminitry tame fahasoavagny vôlohany ireo Jentilisa mba hangalaky amindreo gn'olo ho anign'agnarany. ¹⁵ Gne zakan'ireo mpaminagny da momba izany, araky gne vôsoratry hoe: ¹⁶ 'Afaran'ireo zavatry ireo da himpody iao, sady hanangagny indraiky e tragno lain'i Davida iao, izay efa lavo; Hagnamboatry sy hamerigny ame laoniny indraiky gne faharavagny iao, ¹⁷ da hitadia gne Tompo gn'olo sisa tapetraky, agnantin'izany gne Jentilisa agnaby izay antsovagny amign'agnarako.' ¹⁸ Izao gne nozaikain'e Tompo, ireo izay efa nagnano io raha io da efa fantatry tamin'ireo razambe taloha. (Fagnamarihagny: Ireo dikan-teny sanany taloha da mivaky akô iao: "Izao gne nozaikain'e Tompo, amin'ireo izay fantatry tamign'andro taloha agnaby gne sanany.) ¹⁹ Noho izany, gne hevitrikoda, tsy tokony hagnakorontagny ireo avy ame Jentilisa izay nitodiky tamin'Andriamanitry isika. ²⁰ Fa isika da hanoratry ho andreo fa tsy maintsy miala ame fahalotoan'ireo sampy indreo, ame fahavetavetagny, sady amin'e henan'e biby voakenda, izy ame ràndreo. ²¹ Satria Mosesy da efa vômbara tamin'e isan-tanàgny tamign'andro taloha sady izy da vakigny amin'ireo synagoga isaky gne Sabata." ²² Da akô tsara tamin'ireo apostoly izy am'olombe, niaraky tame fiangonagny agnaby, gne nifidy an'i Joda izay antsovagny hoe Barnabasy, sy i Silasy, izay mpitariky gne fiangonagny, izy ame handefa andreo agny Antokia miaraky amin'i Paoly sy Barnabasy. ²³ Indreo da nanoratry ity: "Hatragny amin'ireo apostoly izy am'olombe, gne ralànareo, hatramin'ireo ralà avy agny Jentily agny Antokia, Siria, sady Kilikia: Arahaba! ²⁴ Isika da efa nahare fa gn'olo sanany da niala tamintsika, tsy nisy beko avy amintsika sady nagnelingeligny anreo tamin'ireo fampianaragny izay nampikorontagny gne fagnahinareo. ²⁵ Izao gn'izy, iay agnaby da efa nagneky gne hifidy ireo lelà sy handefa andreo agny aminareo miaraky amin'i Barnabasy sy Paoly malalanay, ²⁶ lelà izay nagnano gn'ainy tsy ho aigny ho gn' agnaran'i Jesosy Kristy Tompontsika. ²⁷ Noho izany iay da magniraky an'i Joda sy i Silasy, izay hizakagny aminareo io zavztry io avao ame zakan-dreo manokagny. ²⁸ Da akô tsara amin'e Fagnahy Masigny sy aminay, gne tsy hampinday entagny zakabe noho ireo raha ireo tena ilaigny: ²⁹ da hialanareo amin'ireo zavatry nataonareo ho fagnatitry amin'ireo sampy, rà, ireo zavatry vôkenda, sady avy ame fahavetavetagny. Râ mitandrigny gne tegnareo amin'izany anareo, da ho tsara aminareo izany. Veloma." ³⁰ Noho izany indreo, refa voarôky, da nidigny tagny Antiokia; aveo indreo da namory gne fonkonolo niaraky, sady nanolotry gne taratasy indreo. ³¹ Refa voavakin'indreo izany, da nifaly indreo noho gne tampaherezagny. ³² Joda sy i Silasy, mpaminany avakoa, da nampahery ireo ralà tamin'e zaka maro sy nampahery andreo. ³³ Refa avy nijanogny fotoagny kidikidy tao indreo, da nalefa am-piadanagny avy ame ralà ho agny amin'ireo izay nandefa anazy ireo indreo. ³⁴ [Fagnamarihagny: Gne dikan-teny tena taloha da mangalaky gn'andininy faha34 (taragno gn'Asa 15: 40): "Nefa mbola tsifohin'i Silasy gne nijanogny teo."] ³⁵ Fa i Paoly sy Barnabasy da nijanogny tagny Antiokia niaraky tamin'ireo maro hafa, izay nampianaragnan-dreo sy nagnambaran-dreo gne zakan'e Tompo. ³⁶ Tafanign'andro kidy Paoly da nizaka tamin'i Barnabasy hoe: "Andao isika himpody am'izao sady hamangy ireo ralà agny ame tanàgny agnaby izay nagnambarantsika e zakan'e Tompo, sady hahita hoe magnano akôgnaià indreo." ³⁷ I Barnabasy da ta hinday an'i Jaona avakoa izay nantsovagny hoe Marky hiaraky amindreo. ³⁸ Nefa i Paoly nihevitry fa tsy tsara gne hinday an'i Marky, izay niala andreo tagny Panfilia sy tsy nonohy niaraky niasa taminindreo niasa. ³⁹ Aveo da nisy fifandiragny mafy, da nisaraky indreo, sady i Barnabasy ninday an'i Marky niaraky taminazy sady nandeha sambo negnà Sipra. ⁴⁰ Fa i Paoly nifidy an'i Silasy sady nandeha, tafaran'e nagnomezan'ireo ralà anazy andraikitry ho an'e fahasoavagn'e Tompo. ⁴¹ Aveo izy da nandeha namakivaky nan'i Syria sy i Kilikia, da nampatanjaky gne fiangonagny.