¹ Da tamin'izany ta Ikonioma Paoly sy Barnabasy niaraky niditry tame Synagogan'e jiosy da niresaky tam-pahavitriagny da gne fokonolo maro be Jiosy sy Grika da nino. ² Fa gne jiosy izay tsy nagneky da nagnakorotagny gne fisaignan'e jentilisa da nahavy andreo hanohitry gne ralah. ³ Ka nipetraky ela teo indreo, nizaka am-pasahiagny niaraky tame herin'e Tompo, tamin'e nagnomezany porofo mahakasiky gne gafatry gne amin'e fahasoavagny. Izy nagnano izany tame alalan'gne famataragny sy fahagagagny izay naniny tame alalan'gne tagnan'i Paoly sy Barnabasy. ⁴ F'izy gn'akamaroan'gne tanàgny da nizarazara: gne olo sasany nomba gne jiosy, da gne sasany niaraky tamin'gne apostoly. ⁵ Rehefa nagnandragny nandresy lahatry gne mpitariky andreo gne Jentilisa sy gne Jiosy mba hamono sy hitoraky vato an'i Paoly sy Barnabasy, ⁶ da nanjary nifiny indreo sady nilefa nalaky ta an-tanagnin'e Lykaonia, Lystra sy Derbe, da gne tanagny magnodidigny gne faritry, ⁷ da tagny indreo e nagnambara gne filazantsara. ⁸ Nisy lela raiky nipetraky tao Lystra, maleny tongotry, hatran-kibony endriny, izay efa nandea hatramin'izay. ⁹ Io lela io da naregny an'i Paoly nizaka. Paoly nagnasitragny anazy tzara tame masony da nahita fa managny finoagny gne ho sitragny izy. ¹⁰ Da nizaka taminazy izy tamin'gne feo mafy hoe: "Mitsangana ame tongotrinao." Noho aveo gne lela da nitsambikigny sady nandea tame magnodidigny. ¹¹ Rehefa naita gne nanin'i Paoly gne fokonolo maro da nanandratry gne feony indreo, nizaka tame fizakanin'gne Lykonia hoe: "Nidigny avy an-dagnitry ho amitsika amin'gne endrik'olo gne andriamanitry.' ¹² Nangaiky an'i Barabasy indreo hoe: "Jopitera" ,da Paoly "Merkory", satria izy gne mpandahatry zaka. ¹³ Gne mpisoron'i Jopitera, izay e fiangonagny da ta ivelan'gne tanàgny, da nitondra aomby sy fehiloha vy ta am-bavahady; izy sy gne fokonolo maro be nikasa hagnome sorogny. ¹⁴ Fa gn'apostoly, Barnabasy sy Paoly, rehefa naharegny an'izany da nandrovitry gne fisikinany indreo ka nandea nalaky ho ao agnatin'e fokonolo, nitaraigny sady nizaka hoe: ¹⁵ "Ô ralelà, nagnino me anareo fa magnano an'izao raha zao? Anay avakoa da olombelogny mitovy fahatsapagny aminareo avao. Anay minday gne filazantsara ho anareo, mba hitodiky anareo hiala amizao zava-poagny izao ha agny amin'Andriamanitry velogny, izay nagnano gne lagnitry, gne tany, da gne ranomasigny miaraky ame raha marobe aminazy gnao. ¹⁶ Tame gn'andro taloa, Izy da namela gne firenegny aby nandeha tame lalagny manokagny aby. ¹⁷ F'izy,Izy da tsy nagnapetraky gne tegnany tsy hisy vavolombelogny, tamizany da nagnano gne tsara Izy sady nagnome anareo erikandro avy an-dgnitry sy vanim-potoagny mahavokatry, da hameno gne fonareo ame sakafo sy firavoravoagny." ¹⁸ Fa ndre tamizany zaka izany aza, Paoly sy Barnabasy da tsy nijanogny nitazogny gne fokonolo maro be tsy hagnano sorogny ho andreo ¹⁹ Fa gne Jiosy sasany avy a Antiokia sy Ikonioma da tonga sady nandresy lahatry gne fokonolo. Indreo nitoraky vato an'i Paoly sy nitariky anazy hivoky e tanàgny, da nieritreritry fa maty izy. ²⁰ Da ra mbola nitsangagny nagnodidigny anazy teo gne mpianatry, da nitsangagny izy da niditry gne tanàgny. Gn'omaray, da nandea ta Derbe niaraky tamin'i Barnabasy izy ²¹ Aveo indreo nagnambara gne filazantsara tamin'izany tanàgny izany da nahazo mpianatry Maro, nipody tao Lystra indreo, ta Ikonioma, sy ta Antiokia. ²² Indreo da nitoy nampahery gne fagnahin'gne mpianatry sady nandrisiky anazy hotoy ame finoagny, e sady nizaka fa: "Tsy mentsy ame fahoriagny maro be gne hidirantsika ame fanjakan'Andriamanitry." ²³ Rehefa nitendry olombe ho andreo tame isam-piangonagny indreo, sy nivavaky tame fifadian-kanigny, da natolotrin-dreo ho an'e Tompo izany, gne natokisan-dreo. ²⁴ Da nandalo tamin'i Pisidia indreo da avy tao Panfilia. ²⁵ Rehefa nagnambara gne zaka tao Perga indreo, da nandeha nidigny Atalia. ²⁶ Avy tagny indreo gne niditry agnaty sambo nidigny andea Antiokia, izay nahazoan-dreo gne fahasoavan'Andriamanitry ho ane asa izay vitan-dreo aminizao. ²⁷ Rehefa tonga tao Antioka indreo da nagnangogny niaraky gne fiangonagny, da nitatitry gne ra marobe izy vitan'Andriamanitry tamin-dreo, sy hoe akoignaia gne namoahany varangaran'e finoagny ho an'gne Jentilisa. ²⁸ Da nijanogny fotoagny ela niaraky tame mpianatry indreo