¹ ne boky nosoratako taloha, rô teofilo, da magnambara gne raha natombok'i Jesosy izy ame nampenariny agnaby, ² hatrame andro nampiakaragny an'Azy,avy eo da nandidy gn'Apostoly izay nofidiny tame alalan'e Fanahy Masina Izy. ³ Tafaran'e nijaliany, da nagnabôky gne tegnany velogny tamindreo Izy niaraky tame porofo mandresy lahatry maro. Nibôky tamindreo Izy nandritry gne andro efapolo andro, sady niresaky momban'e fanjakan'Andriamanitry. ⁴ Refa nihaogny niaraky tamindreo Izy, da nandidy andreo tsy hiala ao jerosalema, fa handigny gne fampagnategnan'e Ray momban'izay, nozakainy hoe: "Naharegny taminà anareo ⁵ fa nagnano batisa tame rano tokôtry i Jaona, fa anareo da tokony hanīgny batisa ame Fanahy Masina ao antin'e andro vitsy". ⁶ Refa tafavory niaraky indreo da nagnotany an'Azy indeo hoe: "Tompo, izao me gne fotoagny hameregnanao gne fanjakagny ho an'Israely? " ⁷ Hoy Izy tamindreo hoe: " Tsy anareo gne hahalalagne fotoagny ndre gne vanin'andro izay notendren'e Ray tme fahefagny manokagny. ⁸ Fa refa avy kosa gne Fanahy Masina da hahazo hery anareo, ka ho lasa vavolombeloko eran'e Jerosalema izy am'i Jodia raiky manontolo sady Samaria, da hatragny ame faran'e tany. " ⁹ Refa nizaka an'izany raha izany i Jesosy Tompo, da niandrandra indreo, nakarigny Izy, sady gne rahogny nanakotry an'Azy tamasondreo. ¹⁰ Raha mbola nihandra igny indreo tame nandehanany, tampoky teo, nisy roy lahy nisikigny fotsy nitsangagny tagnilandreo. ¹¹ Nizaka indreo hoe: "Ralelà avy agny Galilia, magnino anareo mitsangagny eto magnety gne lagnitry? Igny Jesosy nalaigny taminareo izay nampiakarigny agny andagnitry igny, da hiverigny akô gne nahitanareo an'Azy niakatry agny an-dagnitry teo igny. ¹² Avy eo indreo da niverigny tagny Jerosalema avy tao ame vohitry Oliva, izay eo akaikin'i Jerosalema, mitovy ame dia andro sabata raiky. ¹³ Refa avy indreo, da niakatry tao ame efitry ambony rihagny, izay nipetrahandreo. Indreo da i Petera, Jaona, Jakoba, Andrea, Filipo, Tomasy, Bartolomeo, Matio, Jakoba zanak'i Alfeo, Simona Zelota, da i Jodasy zanak,i Jakoba. ¹⁴ Nitambatry ho raiky izy agnaby, sady nazoto nivavaky. tagnatin'izany gne viavy, Maria endrin'i Jesosy, izy amireo rahalany. ¹⁵ Tamizany andro izany i Petera da nitsangagny tategnategnan'e rahalany, eo ame gn'olo120 eo, sady nizaka hoe ¹⁶ : "O rahala, tena nilaigny gne fahatanterahan'e Soratry Masigny, izay nambaran'e Fanahy Masina meloha tame vavan'i Davida momba an'i Jodasy, izay ninday gn'olo nisambotry an'i Jesosy." ¹⁷ Fa agnosan'e raiky amitsika izy sady nahazo gn'anjarany tamizao fanompoagny izao." ¹⁸ (Amizao fotoagny izao io lela io da nividy tanim-boly tame vola azony tame faharatsiagny izy, sady lavo nitrosogny teo izy, da nisokatry sady nipoky gne vatany, sady nivoraky aby gn'olokiny. ¹⁹ Gn'olo agnaby tao Jerosalema da naharegny gne momba an'izany, sady nagnatso an'io tanim-boly io tame fizakandreo hoe: "Akeldama", izany hoe: "Tanim-bolin-dRa") ²⁰ F'efa voasoratry ao ame Bokin'e Salamo hoe: "Avelay ho fogny gne tanim-boliny, sady k'avela ndre da olo raiky aza hipetraky ao'; Avelay ho azon'olo-kafa gn'andraikitriny." ²¹ Noho izany, da ilaigny, gne raiky ame lela niaraky tamitsika nandritry gne fotoagny agnaby nidiran'i Jesosy Tompo izy ame nialany teto amitsika, ²² hatrame batisan'i Jaona ka hatrame andro nekarany teo amitsika, da tsy maintsy vavolombelogny miaraky amintsika ame fitsanganany." ²³ Sady nametraky roy lahy indreo, da i Josefa natsoigny hoe Barsabasy, na koa ho Josto, da i Matia ²⁴ Nivavaky indreo sady nizaka hoe: "Anao, Tompo o, gne mahalala gne fon'olo agnaby, ka ambaray izay hofidinao amizy roy lahy ²⁵ mba handray gne toeragny ato amizao fanompoagny izao izy ame maha Apostoly nohon'e fandikagny lalagny izay namboarin'i Jodasy handeha ho agny ame toeragny manokagny. ²⁶ Indreo da niloka ho andreo, sady nilatsaky tam'i Matia gne filokagny, sady voisa ho Apostoly raiky ambin'ny folo izy.