¹ Laha zany da tsy misy fagnamelona koa amizao andro zao ho andreo zay amy Kristy Jesosy. ² Fa gny fitsipikany gny fagnahiny gny fiaignana amy Jesosy Kristy gny nagnafaka anà tamy gny fitsipikany gny fahotana da gny fahafatesana. ³ Fa zay tsy afaka nataony gny lalàgna avy amy falemeny zany tamy gny vatagna, da nambôriny Zagnahary. Nandefa gny Zanakany zaza raika Izy tamy gny edrikanny gny vatagna feno fahotana mba ho fagnatitra amy gn`ota, sady nagnameloka gny ota tagny amy gny vatagna izy. <sup>4</sup> Nambôriny zany mba atanteraka agny amitsika gny raha takiny gny lalàgna, itsika zay magnaraka amy tsy fandeanany gny vatagna, fa amy gny Fagnahy. <sup>5</sup> Indre miaigna amy gny fandeanany gny vatagna da mifantoka amy gny raha avy amy vatagna, fa indreo zay velogna avy amy gny Fagnahy da mifantoka amy gny raha avy amy Fagnahy. <sup>6</sup> Satria gny fisaignana miorigna amy gny vatagna da fafatesana, fa gny fisaignana miorigna amy gny Fagnahy koza da fiaignana da fiadagnana. <sup>7</sup> Gny fisaignana miorigna amy gny vatagna da fandrafina agnatreany Zagnahary, fa tsy mifagnaraka amy gny lalàgnany Zagnahary zany, sady tsy hainy avao koa gny magnano anizany. <sup>8</sup> Gny raha aby avy amy gny vatagna da tsy mahazo dera amy Zagnahary. <sup>9</sup> Ndre zany, anareo da tsy avy agny amy vatagna fa avy agny amy Fagnahy, laha marima fa miaignaagny aminareo gny Fagnahiny gny Zagnahary. Fa laha misy olo tsy managna gny Fagnahiny Kristy, da tsy Anazy izy. <sup>10</sup> Laha agny aminareo Kristy, da maty avy amy gny fahotana gn`aigna, fa gny fagnahy da velogna avy amy gny fahamarinana. ¹¹ Laha gny Fagnahin`igny nanangana any Jesosy tamy gny maty gny velogna agny aminareo, da Izy zay nanangana any Kristy tamy gny maty gny agnome fiaignana avao koa amy gny tegnanareo zay mety maty amy gny alalany gny Fagnahiny, zay velogna agny aminareo. <sup>12</sup> Laha zany, ralahy, da mpagnano trosa itsika, fa tsy avy agny amy gny nofo mba iaigna avy amy gny nofo. <sup>13</sup> Fa laha miaigna avy amy gny nofo anareo, da ho faty, fa laha amy gny Fagnahy zay amonoanareo gny asany gny tegna, da ho velogna anareo. <sup>14</sup> Fa ôtrany gny raha aby vôtarikany gny Fagnahiny Zagnahary, indreo gny zanaky Zagnahary. <sup>15</sup> Fa tsy nangala gny fagnahiny gny fagnandevozana koa anareo da ataotra. Kanefany, nangala gny Fagnahiny gny fananganana zanaka anareo, zay idradradradraitsika hoe: "Iaba, Ray ô!" <sup>16</sup> Gny fagnahy mintsy gny vavolombelogna amy gny fanagnatsika hoe zanaky Zagnahary itsika. <sup>17</sup> Laha zanaka itsika, da mpandova avao koa, mpandova any Zagnahary. Sady miaraka managna lova amy Kristy itsika, laha tena mijaly miaraka Aminazy tokôtra itsika da omena voninaitra Aminazy avao koa. <sup>18</sup> Fa ataoko da gny fizalina amy zao fotôgna zao da tsy magneva ampitovina amy gny voninaitra zay ho abôky amitsika. <sup>19</sup> Fa gny raha nambôrina aby aby zay magnategna tokôtran`io da mandigny gn fagnaboana gny zanaky Zagnahary. ²⁰ Fa gny raha nambôrina aby aby zao da nabôrina amizao fotsiny, tsy avy amy gny teteny raiaka avao, fa avy amy toky nomena ²¹ fa gny raha nambôrina aby aby zao mintsy gny alaina amy gny fagnandevozany gny ho lò, sady itondra agny amy gny fahafahana gny amy gny voninaitry gny zanaky zagnahary zany. ²² Fa lalatsika fa gny raha nambô aby aby zao da miaraka misento sady miaraka miasa agny agnatiny gny fanaintaignana ndre amizao andro zao azaky. ²³ Tsy zany avao, fa ndre gny tegnatsika azaky, zay managna gny voaloam-bokatry gny Fagnahy_ndre gny tegnatsika azaky da misento agny agnatitsika, mandigny gny fananganana atsika ho zanaka, da gny fagnavotana gny tegnatsika. Fa ²⁴ tamizany toky zany gny namonjena atsika. Fa zay atokisatsika fa mety ibôky da mbola tsy ita, fa zay gny mandigny amy fatokina zay eta itany? ²⁵ Fa laha matoky amizay tsy mbola itatsika atsika, da mandigna anizany amy gny faharetana. ²⁶ Otranizany koa, gny Fagnahy da magnampy ao amy gny falemetsika. Fa itsika tsy mafantatra zay vavaka tokony ataotsika, fa gny Fagnahy mintsy gny mivalo ho atsika amy gny fisentona tsy hay zakaina. ²⁷ Izy zay mandinika gny fo gny malala gny evitriny gny Fagnahy, satria Izy gny mivalo ho gny mpino amy gn`alalany gny sitrakiny Zagnahary. <sup>28</sup> Lalatsika fa indreo mankatia any Zagnahary, da mitambatra apesainy ho amy gny tsara aby gny raha aby aby, ([Fagnamarinana: Laha tikony hoe "Mitambatra apesainy ho amy gny tsara aby gny raha aby aby," da gny dika-teny sanany taloa magnano hoe: "Gny raha aby aby da miaraka miasa amy gny tsara."] ho andreo zay vôantso avy amy gny fandaharany. <sup>29</sup> Satria gny raha efa lalany taloa, da nitondroiny efa taloa avao koa mba ifanahaka amy gny Zanany, mba ho vakirandro eo agnivondreo ralahy maro izy. <sup>30</sup> Indreo zay nitondrainy efa taloa, da nantsoina avao koa. Indreo zay nantsoiny, da namarigniny avao koa. Indreo zay noamarigniny, da noemy voninaitra avao koa. <sup>31</sup> Ino arika zany gny ho zakaitsika momba any zany raha zany aby? Laha momba atsika Zagnahary, iza gny matanty atiska? <sup>32</sup> Izy zay tsy niaro gny Zanakany lelay raika andragno fa nagnome Anazy ho atsika aby, akô gn`aia gny tsy agnomezany atsika maimaimpôgna miaraka Aminazy gny raha aby aby zao avao koa? ³³ Iza gn`itondra gny fiapangana anohitra andreo olo voafidiny Zagnahary? Zagnahary raika avao izy gny magnamarina anizany. Izy gny raika agnameloka? Kristy gny maty ho atsika, sady miôtra anizany, natsangana avaok koa Izy. <sup>34</sup> Mandidy miaraka amy Zagnahary eo amy gny fidoboany voninaitrany Izy, saddy Izy gny mba mivalo atsika. <sup>35</sup> Ia gn`agnasaraka atsika amy gny fitiavan`i Kristy? Faoriana, sa fijalina, sa fagnenjena, sa mosary, sa fipelagnana, sa loza, sa antsibe? <sup>36</sup> Avy amy gny vôsoratra hoe: "Avy aminao da nivonoina isan`andro iay. Natao ôtrany gn`ondry vonina iay." <sup>37</sup> Ao agnatiny zany raha abya aby zany da miôtra amboniny gny mpandresy iay amy gny alalan`igny raika tia anay igny. ³⁸ Fa tapakevitra iao fa ndre gny fafatesana, ndre gny fiaignana, ndre indreo anjely, ndre indreo fanjakana, ndre indreo raha amizao andro izao, ndre gny raha ho avy, ndre gny hery, ³⁹ ndre gn`abo, ndre gny laligna, ndre zavaboary afa, da tsy asaraka atsika amy gny fitiavany Zagnahary, zay amy Kristy Jesosy Tompotsika.