¹ Ralahy, laha misy olo nanota, da anareo ze miaigna ara-pagnahy gny tokony hampipody an'azy amy gny fitiavana. Diniho gny tegnanao, mba ts'ho diso làlagna koa anao. ² Mifagnampia laha azon'olagna, sady aray gny lalàn'i Kristy. ³ Laha misy olo magnano gny tegnany ho ambony kanefa tsisy dikany avao izy, da mandatsa gny tegnany izy zany. ⁴ Tokony hieritreritra gn'asany aby gn'olo aby, mba tsy hieboeboany amy gn'hery sandrin'olo hafa laha tsy amy gn'anazy avao. ⁵ Fa samby hibata gn'entagnany aby gn'olo. ⁶ Gn'olo ze nampianarina gny teny da tokony hafoy raha amy gny mpampianatr'azy. ⁷ Ka mety ambakaina. Tsy azo sangisangin'i Jagnahary, fa gny raha ambolen'olo avao, gn'hilainy avao koa. Ho any gn'olo mamboly voa ratsy, da hahazo fanimbana. ⁸ Ary zay mamboly voa tsara sady arakan'gny fagnahy, da hahazo gny fiaignana mandrakizay. ⁹ Ka valaka amy fagnamboarana gny tsara, fa hahazo raha tsara itsika amy gny fotôgna ze mampety an'azy, laha tsy mety kivy itsika. ¹⁰ Ka nony zany, satria olo hafaka itsika, da mba magnanova raha tsara amin'olo. valadrindraky amitsika samby raika finona. ¹¹ Jereo gn'habezan'gny soratra ze nisoratoko ho anareo. ¹² Indreo ze te hidera-tegna amy gny nofo gny manery anareo mba hoforana. Magnano an'izany indreo mba hengandreo amy gny fagnenjena avy tamin'gn'hazofijalian'i Kristy. ¹³ Ndre indreo tsy voafora koa aza da tsy magnaraka gny lalàgna, kanefa tendreo hoforana anareo, mba hieboeboandreo amy gn'alalanareo. ¹⁴ Kanefa tsy mba hisy raha hireharehako zany afa-tsy gn'hazofijalian'i Jesôsy Kristy tompontsika, ze nagnasazan'izao tontolo izao, fa koza tamin'izao tontolo izao. ¹⁵ Fa ndre da iforanaina gn'olo na tsy iforaina da tsisy dikany avao zany, fa ny fiovana amy fiainam-baovao ny tena tsara. ¹⁶ Ho tanteraka amy zay miaigna an'zany fomba zany, gny fiadagnana sy gny famindram-po, na amy gn' Israelin' Andriamanitra koa aza. ¹⁷ Manombok'androany da k'aza magnamola anay, fa misy marik'i Jesosy aminay. ¹⁸ Ho aminareo anie gny fahasoavan'i Jesôsy kristy Ragnandria, ralahy. Amena.