¹ Paoly mairaka amin'i Timoty, mpanompon'i Jesôsy Kristy, ho an'ny zegny voatokana ho an'ny Jesôsy Kristy zegny any Filipy, miaraka amin'ny mpiandraikitra miaraka amin'ny diakona. ² Enga anie ka ho aminareo ny fahasoavana mban'ny fiadanana avy amin'Adriamanitra Iabantsena miaraka amin'i Jesôsy Kristy Tompo. ³ Misaotra an'Andriamanitrako amin'ny fahatsiarovako anareo aho. ⁴ Amin'ny fivavahako ho anareo marobe, de amin'ny fifalena fezay no angamboarako ny fivavahako. ⁵ Misaotra anareo aho amin'ny firaisanareo amin'ny filazantsara nanomboka tamin'ny andro voalohany ka de hatramin'izao. ⁶ Mahatoky an'ny raha io aho, fa Izy de nanomboka ny asa tsara taminareo ka hagnantareka an'io hatramin'ny andron'i Jesosy Kristy. ⁷ Fa tsara aminaha ny mahatsapa raha karan'izany amin'ny momba nareo marobe satria anareo agnatin'ny foko. Anareo marobe io de mpiara-miasa taminaha tamn'ny fahasoavana na tamin'ny figadrako sady tamin'ny fiarovako ndre tamin'ny fagnamafisana ny filazantsara. ⁸ Fa Andriamanitra de vavolombelognako, fa manigna anareobe aho amin'ny famindram-pon'i Kristy Jesôsy. ⁹ Sady izaho de mivavaka an'ity: mba hitombo fezay ny fitiavanareo amin'ny fahalalana mban'ny fahazavan-tsagna marobe. ¹⁰ Mivavaka an'izany aho mba hagneky an'ny ndregny tena tsara anareo, mba ho tso-po sady tsy hanan-tsigny anareo amin'ny andron'i Kristy. ¹¹ Mivavaka koa aho mba ny ho fenon'ny vokatrin'ny fahamarinana avy amin'ny Jesôsy Kristy anareo, ho voninahitra sady fideranana an'Andriamanitra. ¹² Sady teko fantanareo, ry rahalahy, fa zegny raha niseho taminaha de niasa ho amin'ny fampandrosoana ny filazantsara tegnany. ¹³ Vokany de, ny fatotrako tamin'i Kristy de nibaribary be nagneragnan'ny mpiambinan'ny lapa marobe mban'ny olona hafa. ¹⁴ Ny ankamarozan'ny rahalahy de managna fahatokisana agnonabe amin'ny Tompo avy amin'ny fatotrako, sady nasahy magnambara tsisy fatahorana ny zakany iary zareo. ¹⁵ Ny sanagny aza de nitory an'i Kristy amin'ny felognana mban'ny fifandirana tegnany, ny hafa ndreka koza de amin'ny sitrapo tsara. ¹⁶ Ny farany de magnano an'izany amin'ny fitiavana, fantatr'iary zareo fa nametrahana anaha eto de mba ho ferovana ny filazantsara. ¹⁷ Fa io voalohany io de mitory an'i Kristy amin'ny fitiavan-tegna, fa tsy tso-po. Iary zareo io de mieritreritra ny hagnakorontagna anaha na de mbola mifatotra aho. ¹⁸ De ino arika? Amin'ny fomba marobe, ndre amin'ny fihatsaram-belatsihy ndre amin'ny fahamarinana, Kristy no toriana, sady faly amin'izany aho. Aika, tena faly aho, ¹⁹ fa fantako fa izany de hefara amin'ny fanafahana anaha avy amin'ny vavakanareo mban'ny Fanahin'i Jesôsy Kristy. ²⁰ Azoko antoka fa ny fandigniasako be no tsy hamegnatra anaha mihitsy, sady mbola amin'ny fahasahena aby koa, amin'izao de karan'ny taloha, de hisandratra amin'ny tegnako Kristy, ndre amin'ny fiaignana ndre amin'ny fahafatesana. ²¹ Aminaha ny miaigna de Kristy sady ny hoe maty de tombony. ²² Fa ndreka miaigna amin'ny nofo aho, de midika mahavokatra ho anaha izany. Nefa ino no ho fidiako? Ts fantako. ²³ Fa voatery be agnelagnelan'izy roy aho. Ny fagniriko de andeha sady hiaraka amin'i Kristy, ny tena tsara lavitra, ²⁴ nefa mipetraka amin'ny nofo de ilaina ambonin'ny anareo. ²⁵ Tapa-kevitra amin'izany aho, de fantako fa hipetraka sady hanohy aminareo hiaraka aminareo marobe ao, handeha amin'ny fandrosoana mban'ny fifalena amin'ny finoana anareo. ²⁶ Mba ho aminaha de afaka hirehareha amin'i Kristy Jesôsy anareo ndreka mierigna aminareo ndreka aho. ²⁷ Manàgna fitondran-tegna amin'ny fomba mifagnaraka ny filazantsara an'i Kristy, ka na tonga aho hizaha anareo ndre tsy eo, de afaka haregny momba anareo, fa mijoro mafy amin'ny fangahy raika anareo, amin'ny saigna raika miara-miezaka ho an'ny finoana ny fizantsara. ²⁸ De aza mety ampatahorin'ny fahavalonareo, marikan'ny fahapotehan'iary zareo izany, fa marikan'ny famonjenanareo koza _ sady izany de avy amin'Andriamanitra. ²⁹ Izany de nomena anareo, ho an'i Kristy, tsy hoe mba hinôna an'Azy fotsiny, fa hijalena ho an'Azy my koa, ³⁰ fa anareo de managna ady mitovy amin'izay hitanareo taminaha, de zegny regninao aminaha amin'izao.