¹ Pôly, apostolin'i Kristy Jesôsy araka ny sitrapo'Andriamanitra, ho an'ireo Olo-Masin'Andriamanitra any Efesôsy, zay atokisana ao amin'i Kristy Jesôsy. ² [Fagnamarihana: Misy fandikana sanagny mangala ny hoe: " Ao Efesôsy" saingy mety ao amin'ny taratasin'i Pôly tamin'ny vôlohany izany.] Ho aminareo ny fahasoavana amban'ny fiadanana avy amin'Andriamanitra Iabatsena de Jesôsy Kristy Tompo. ³ Deraina ny Andriamanitra de Iaban'i Jesôsy Kristy Tompontsena, zay nitahy antsena tamin'ny Kristy tamin'ny fitahiam-panahy marobe avy agny an-danitra ao amin'ny Kristy. ⁴ Andriamanitra nifidy antsena tamin'azy hatramin'ny fanombohan'izao tontolo zao, mba ho masina sady tsy manan-tsigny agnatrehany antsena. ⁵ Andriamanitra de nifidy antsena mialoha ho amin'ny fananganana ho zanaka amin'ny alalan'i Jesôsy Kristy, araka ny sitrapony. ⁶ Ny fananganana antsena de mitondra amin'ny fiderana ny fahasoavany be voninahitra zay nameny antsena maimaipôgna tamin' Iraika zay teny. ⁷ Amin'ny Jesôsy Kristy de mahazo fagnavotana amy rany amban'ny famelan-keloka antsena, araka ny harem-pahasoavany. ⁸ Narotsagny tamintsena tamin'ny hakantena amban'ny fahalalana marobe ny fahasoavana zany. ⁹ Natôn'Andriamanitra fantatra tamintsena ny raha mivon'ny sitrapony, araka zay teny, amban'ny zay natorony tamin'i Kristy, ¹⁰ niaraka tamin'ny fandaharana raika amin'ny fahafenoan'ny fotôna, hagnotrohana ny raha marobe, ety an-tany amban'ny agny an-danitra, ho loha raika, na Kristy aza. ¹¹ Ao amin'ny Kristy de tendrena ho mpandova antsena. Nosafidiana mialoha araka ny fandaharan'ny mampiasa ny raha marobe araka ny tanjon'ny sitrapony antsena. ¹² Andriamanitra nanendry antsena ho mpandova mbara antsena no managna fatokisana vôlohany ao amin'ny Kristy, amin'zay de ho fiderana ny voninahiny antsena. ¹³ Tamin'ny Kristy, anareo koa, ndreka naregny ny zakan'ny fahamarinana, de ny filazatsaran'ny famonjena anareo, de nino Anazy anareo sady ny tombohana tamin'ny Fanahy Masina nampagnategnaina, ¹⁴ zay antoka ho an'ny lovantsena mandra-pazahôntsena tanteraka zany, ho fiderana ny voninahitrany ¹⁵ Noho ny antony zany, hatramin'ny nandrignesako ny finônareo ny Tompo Jesôsy de ny fitiavanareo ny olo-masina marobe, ¹⁶ de tsy negnina ny nisôtra an'Andriamanitra aho noho ny aminareo sady tadidiko ambavaka anareo. ¹⁷ Mivavaka zaho mba ny Andriamanitr'i Jesôsy Kristy Tompontsena, ny Iabany voninahitra, hagnome anareo ny fanahin'ny fakantena amban'ny fanambarana amin'ny fahalalana Anazy. ¹⁸ Mivavaka aho mba hazavana ny mason'ny fonareo, mba hafantaranareo ny toky zay nagnatsovany anareo amban'ny herin'ny voninahotry ny lovany amin'ny olo-masin'Andriamanitra. ¹⁹ Ao amin'ny fivavahako de mangataka aho mba ho fantatrareo ny fihoafan'ny haleben'ny herin'ny amintsena zay mino, araka ny fiasan'ny hery lebe. ²⁰ Ny hery zany my no nampiasain'Andriamanitra tamin'ny Kristy ndreka natsangany tamin'ny maty Izy sady nampitomerany tan-tagnany ankavanana tagny an-danitra. ²¹ Kristy de nampitomeriny ho ambon'ny lalàna de fahefana amban'ny hery de ny fitsarana, sady ny agnarana marobe zay misy. Hanapaka Kristy, tsy ho amin'ny vanim-potôna ho avy koa. ²² Napetrak'Andriamanitra ho amban-tongotr'i Kristy aby ny raha marobe sady natolotrany ho lohan'ny raha marobe amin'ny fiangonana Izy. ²³ Ny fiangonana no vatagnany, ny fahafenoan'Ilay mameno ny raha marobe amin'ny endrikany marobe.