¹ Mintima te turo, eka hika nai oh bihaikara nai ma'u bano baranaro mintiboma bira ma'u bano nati baiinti baiharo, biba bata boha'arakero umina kai'a bainti barianarobe, kia biba ekahika bataiira ma'u bo'arama baibo. ² Mintiro biba bata kai'a bainti ekahika rai'ikitaka babira'i baiharo iroma tabakae nai oba tiba taina entaba anianarobe. ³ Boha'arama ibo, tenan baiinti bo'arama bauro, inara okaraiha bano bata ma batarai haina irirahika bano bata rumpa taimantama bauro. ⁴ Mintiro, Kotiba nai tibataira entaba a'ira'a obarai'iro, Kotiba nai ma'u barakaibaro ma batarai tubiro ibaro bo nahenti bano bira lo bano babama taira'ira bira batatora. ⁵ Tau baitinti nahentikae lo bano babama taimanta bariaka Kotiba ko'ai'akero bika ntintareba bihana minturabe. Mintiroma biba nai ma'u bo'arama tinabu bitanarobe. ⁶ Bate tenabu bira ma'uma bauro. Bi okarara baiboma Kotiba nai Ma'u Aiho baraibaro tinabu arara'iara tubiro biba mantima tibo, ''ti oh ti oh'' ⁷ Mintibaroma kiama are umina kai'a bainti bariaro. kiabe. Are bira ma'uma bariaro.Are bira ma'u bairera, ekahika ai oh bihaikara Kotira'i baihaikara bira arianama baibo. ⁸ Mintiba bi entara, are Kotira kia tabanabe. Bainti taukae ma batarai autu baika bika ai nai umina kai'a bainti bo'arama kebarabe, mintiboma bi baintiba kia bo kotibaube. ⁹ Mintira bate ne Kotira kankomakema tabatabo, te mintima tirabe baka Kotiba ni taba taima bariabo, nana okararae ne anirante ma batarai haina ora irirahika bata ora okara bata abatareka iabo, kia kempuka baibo kiama kara baibo. Ne anirante rumpara'ira a'i bairekae iabo? ¹⁰ Are arara amikerama nanahikae araka tora'ie ihi'irae aniainara abatebariaro. ¹¹ Te niara etauro, te ni hampata kai'a barairaba uminarai iantorabe. ¹² Atabakauka te ni irarebe, bira nanarae ne ti bo'ara bariamanta te bata ni bo'ara bauro. Kia ne bohika ti orai'a timitabo. ¹³ Mintira ne tabate, baka abuni ti baata'a robara baimanta ko'e uba ni tiba nimunabe. ¹⁴ Robarabano ti baata'a bairaba kia ni marahika nimiaire, kiama ne ti orai'a timite haube o kia ne ti tauba'a utu timiabo. Ne ankero bo'arama ti bitabo o Ihu Karaitira nai bo'arama ti bitabo. ¹⁵ Ni blesinibano bate taie baibo? Te tiba o'ai'akema niara turo, bira ara bairera, ne hoe nenta abu rapa'uke ti timiba. ¹⁶ Mintima te nii nabutama bauro, bira nanarae te u'a ubama ni tiba nimuro? ¹⁷ Bika nora irirahika bate nai bainai ni ntinte bireka, kia ko'e okara baira'ahiro. Bika ni baha'aini raba'u taimanta ne bika kempuka irirahika antu'a abatate ti. ¹⁸ Bo'abata ko'eha ko'e hikahara nabu uahare. kia te bariai'ai bi okarara mintiate. ¹⁹ Ti inara baintihikabe. Te aihahika nahentibano bainti batareba barainteke barauro. Bi aihahikara te barauna, Karaitiba batuka barero ni'ira a'ira'a obarai'a buainarabe. ²⁰ Te nora antu'a ni hampata baiha uba tenta tibakauna ni tu'antake tiba nimire ti, bira nanarae, te bo'akema niara iruro. ²¹ Bate ti tibatimiate, tabae are nora irirahika batera lo bano babama taira bira'ira baireba iaro, kima are lo lo uba iriaro? ²² Bira nanare, ubabano mantiroma baibo, Ebrahamira ma'u tara'antama bariabo. Bo ma'u banoma kai'a nahenti ahinaba ibo bo ma'u bano a'i umina bai nahentiba u'a uba abataira'a obarai'iba baibo. ²³ Mintibaro, baiintibano kai'a nahenti'ahiro obara'iba baata antu'ama abataibo baiitibano a'i umina nahenti'ahiro obarai'iba bibama u'a uba abataibo ²⁴ Tenabu bihaikara tabare mara'ura bo'arama tabauro.Tara nahenti baireka tara kontraki bo'arama bariabo. Bo kontraki bano Sainai Ai'ina'a hiro tubiraba biba bainti batataika a'i umina kai'a bainti bo'arama baibarabe.Bi nahentira bira Hagarama baibo. ²⁵ Boha'ariroma baibo, Hagaba baireba Arabiani Sainai A'ina bata Jerusaremi Batuka bata bo'arama baibo. bira nanarae, biba bata bira baintiti bata, bika baireka umina kai'a bainti bo'arama baibarabe. ²⁶ Mintibaroma, Jerusaremi biihainaba a'i umina baiba biba tinabu noo bama baibo. ²⁷ Ubabano baka mintiakero bairabe, bo'akera uahane are nahenti bano kia bainti batairaba. Naberai tiha nora nobatera uahara batakera. Bira nanare are nahentiano kiama bainti bataro, kiama aihahika bainti batarebiha bararo. Baintibano nahenti a'ira kaira baiintiti bika boa'abata orautaha baiha nahenti bano bainti'a baira bata atarake bariabo. ²⁸ Mintibaroma ne ti atabakaukabe, ne Aisakira bo'arama bariabo. Ne u'a uba baintiti bariabo. ²⁹ Bi entara baata antu'ata obarai'abiba biba Aiho Bainti antu'ata obrai'abira orai'a amitebaura. Batebata bi okaraba boha'arima baibo. ³⁰ Mintibaro hinibantarai Kotira ubabano nantie tibo? Kai'a nahenti bata bira ma'u bata a'ira atitakane. Bira nanarae, Kai'a nahenti ma'u bano kiama nai oo binahikara rairakero umina baina nahentira ma'u bata amianarobe. ³¹ Mintibaroma atabakaukabe, tenabu kia kai'a nahenti baintiti barauma bauro, tenabu umna bai nahentira baintitibarama bauro.