¹ Ne Karesia kia werai'iate! tabae konkira uba ni tibanimibo? Ni abu a'ira'atama Ihu Karaitira maripo'ata hiritabo. ² Maa boha bihai karama ni umi'arabe. Ne Aiho Bainti kai'a'atae mara'ura utuabo o ne lo uba iria ra'atabe? ³ Ne werarai ima bibarabe? Ne kai'a bira Aiho Bainti batake obarai'atara ne nenta baata antu'a'ata tai'a karekae iabo? ⁴ Ne aihabi haikara bata mara bata uminae barabo, a'i umina aihabira hika bata mara bata ne baraibera bira ko'ehabe? ⁵ Bainti banoe ni Aiho Bainti nimiroe lo kai'a'ata mirikoli ni abutana mintibo, o uba iri mara'ura utuara'ae ibo? ⁶ Boha'ara kero Ebrahamiba " Kotira'a mara'ura ututero abu abu baintibe tia autura barora" ⁷ Boha'ari arara'ata, ne ko'eke tabate, taukae mara'ura ututaka bika Ebarahamira baintitima bariabo. ⁸ Kotira ubabano, baka tiba o'ai'ake tiharo, Kotira'a mara'ura ututaka umi'ero, taukae hinikia bainti nahentikabe tiro. Bi ubaba baka Ebarahami rai bairo tiharo, '' Ai ahiroma eka bainti nahenti uahebarabe. '' ⁹ Mintibaroma taukae mara'ura utika Ebarahamira batake uahe barabe. ¹⁰ Eka taukae arara irirahika bohabate lo kai'a barebaika, bika mara'ima baibarabe. Kotira ubabano tina temake, '' Mara banoma eka bainti taukae lo aratanu'ira ararua taira kia abatai ka'ata obarai ianarobe.'' ¹¹ Bate kankoma bibo lo abata okarara'ata kima bo bainti bano Kotira abu'ata abu abu bainti baibo, bira nanarae, '' abu abu'abi baria baintika mara'uara ututa okarara'ata bika bariabo'' ¹² Mintiboma lo kia mara'ura ututa okararaube,Kiabe. '' Bainti tabae lo kai'a barebaina bika hampata mini bariaire.'' ¹³ Karaitiba lo mara ihairo tinabu bitero biba tinabu mara barero. Kotira ubabano tiharo, '' Tau baintikae kataria'a hiritaka eka bika marama barebarabe. '' ¹⁴ mintiro Ebrahamira aiho bano hinikia bainti nahentika Ihu Karaitira'a mara'ura utua okararama tenabu Aiho Bainti bararabe. ¹⁵ Atabakauka, A'ikai'e te bainti tibainteke tiare. Kontaraki bara okarara, kiama bo baintibano a'ini barakero nai uba boru bata bira'i batanarobe lo ubabano kempukai'a bi kontarakira kaibo. ¹⁶ Bate u'a ubabano Ebarahamira naintiti baraini anibo. Biba tiharo, '' naintiti barabe. ''orautahabe tira bira bohaurama tiabo, ''ai naintiti barabe, ''biba Karaitibabe. ¹⁷ Nanahikarae te tuna mantiroma baibo. 43O ihi bira nantiara lo bano anirabe, kiama baka konraki Kotiba baitainara a'ini barakanarobe. ¹⁸ Bohaika oba nai ma'u lo abata okarara'ata amirera, mintibaroma kia bira u'abe. Kotiba nai u'a uba tibataira abatakero Ebrahamira biba amibo. ¹⁹ Nana, irirahikae lo bantaraini baibo?Ahu ari baria okarara lo bataiba Ebrahamira naintiti baraini u'a uba tibataiba obarai'ura. Bo bainti abutana ankero bika lo kai'a kempukai'ake obarai'akora. ²⁰ Bate abuta bainti banoma boha bainti bata atara kaibo,mintiboma Kotiba nai bohahanobe. ²¹ lo bano kiae Kotira u'a ubabatakero boha ariro baibo? u'ai'akero kiabe! Mintibo lo bano haru bariaretiro mara'ura nimitirima, abu abu'abi baria okaraba u'a u'ai akeroma lo abata okarara'a obarai itiri. ²² Kotira ubabano ekahika rumpakero kumi ai'u'ima baramuntubi kaibo. Kotiba bihana mintiboma tau bainti nahentikae Ihu Karaitira'a mara'ura utuaka bika'ama u'a ubabano anibo. ²³ Muntuka mara'ura utuaiara okaraba anireba baubaro, lo bano babama tomanta bi lumpara'ira bauro, mara'ura utuaba a'ira'a obarai amabura . ²⁴ Mintiboma lo bano tinabu ra'iki taibaro Karaitiba tubi baro muntuka mara'ura utua okarara'ata Kotiba tinabu autu rareba abu abu baintibe turabe. ²⁵ Mintibaroma bate mara'ura utuaba a'ira'ama aitaraibo, kiama tenabu bo bainti bano ra'iki taimanta bauro. ²⁶ Mintira ne Ihu karaitira'a mara'ura utuaboma Kotiba niara ti baintiti bema tibo. ²⁷ Ne orau tahama Karaitira'i namai bare Karatira barabo. ²⁸ Kia Judabe kia Kirikibe, kia kai'a baintibe kia umina baintibe, kia oraintibe kia nahentibe, bira nanarae ne Ihu Karaitira'i bohai'ama buabo. ²⁹ Ne Karaitibika baibera, ne Ebrahamira naintitibara bo'arama baihama ne u'a uba abatakema nenta oh bihai karama barebarabe.