¹ Woi kamu, oran-orng Galatia nang bobal! Sapo nang udah manggombal kau? Kan ditengok matamunyo Yesus Kristus dtasalibkan didopan umu? ² Ado satu parkaro nang ondak kutanyo samo kau, apokah kau manarimo Roh kerono manurut Hukum Torat, atau kerono mandongar iman? ³ Bobal kalinyo kamu? Kamu udah mamulainyo dengan Roh, apokah kinin kamu ondak manyalosaikannyo dongan daging? ⁴ Parcumokah kamu nang udah mandarito sangsaro nang banyak tu-- kalo itu parcumo sajo? ⁵ Lantas, apokah Dio mangkaruniokan Roh samo ko jugo dikorjokan Mukjizat karono kamu mangorjokan Hukum Torat,ato kerono mandongarkan pake Iman? ⁶ Samo kek si Abraham nang parcayo kapado Allah sahinggo itu jugo diparhitungkan kapadonyo sabagai kabonaran. ⁷ Kerono itu, katahuilah bahawa orang-orang nang barimanlah nang disobut anak-anak Abraham. ⁸ Kitab Suci, udah tau sabolumnyo bahwa Allah ondak mambonarkan orang-orang nang bukan Yahudi karono iman, udah lobih dahulu mambaritokan Injil samo Abraham jugo bacakap, "Samuo bangso akan diborkati lewat kau." ⁹ Jadi, satiap orang nang bariman akan diborkati samo-samo Abraham orang nang parcayo tu. ¹⁰ Samuo orang nang bargantung kepado korjoan Hukum Torat dio kona kutuk, kerono ada tartulis: "Tarkutuklah tiap orang nang tidak satio kepado sagalo sasuatu nang tarcatat di kitab Hukum Torat jugo malaksanokannyo." ¹¹ Lantas, jolaslah kinin tak ado saorangpun nang dibonarkan didopan Allah oleh HukumTorat, kerono "Orang nang bonar akan hidup kerono Iman". ¹² Tapinyo, Hukum Torat tidak badasarkan samo iman. Sabaliknyo, "orang nang malakukan Hukum Torat akan hidup kerononyo". ¹³ Kristus manobus kito dari kutuk Hukum Torat dengan manjadi kutuk bagi kito, sebab ado tartulis, "Takutuklah orang nang targantung pado kayu salib!" ¹⁴ Kerono kito ado dalam Yesus Kristus, borkat Abraham ada jugo sampai kepado orang-orang bukan Yahudi sahinggo dengan iman kito biso manarimo Roh nang udah dijanjikan itu. ¹⁵ Sodaro-sodaro, awak nak mangasi contoh dari kahidupan sahari-hari: Kalo udah di satujui,walopunkontrak sasamo umat, tak ado saorang pun nang dapat mambatalkan jugo manambahkan ii parjanjian tu. ¹⁶ Kinin, tontang parjanjian nang disampekan Allah kapado Abraham jugo kapada katurunannyo. Allah tak bacakap, "...kepado katurunan-katurunannyo," nang manunjuk kapado banyak katurunan. "...jugo kapado katurunanmu," barati manunjuk kapado satu orang, itulah Kristus. ¹⁷ Maksud aak, Hukum Tprat nang muncul 430 tahun sasudahnyo tak dapat mambatalkan parjanjian nang udah disatujui oleh Allah. Itulah sobabnyo parjanjian itu tak boleh dihapuskan. ¹⁸ Bilo warisan tu bapadonan pada Hukum Torat, mako warisan tu tak lagi bapadanan pada parjanjian.. Tapi, Allah manganugrahkannyo samo Abraham lewat sabuah parjanjian. ¹⁹ Kalok bagitu, kenapo ada Hukum Torat? Hukum Torat dikasi kerono palanggaran-palanggaran, hinggo katurunan itu tibo sebagaimano maksud parjajian tu dibikin. Hukum Torat dibarlakukan jugo malalui malaekat dengan parantaro. ²⁰ Tapinyo, parantaro tak datang mawakili untuk satu orang, padahal Allah tu satu. ²¹ Kalo bagitu, apokah Hukum Torat batontangan samo parjanjian Allah? Tontulah tidak! Sobab, kalo Hukum Torat dibagikan untuk dapat mambarikan hidup, kabonaran tontulah bamulo dari Hukum Torat. ²² Tapi, Kitab Suci udah mangkurung sagalo sasuatu dan samuo orang badoso supayo parjanjian oleh iman dalam Kristus Yesus bisa diborikan samo orang-orang nang porcayo. ²³ Sabolum iman datang, kito dikurung dibawah Hukum Torat, ditahan bak tawanan hinggo iman nang akan datang dinyatokan. ²⁴ Salanjutnyo, Hukum Torat adalah parjanjian bagi kito sampe Kristus datang supayo kito dapat dibonarkan oleh iman. ²⁵ Kinin, iman tu udah datang. Kito tak porlu lagi Hukum Torat sabagai padoman kito. ²⁶ Dalam Yesus Kristus, kamu samuo adalah anak-anak Allah lewat iman. ²⁷ Kamu samuo nang udah dibabtis dalam Kristus udah mamakek Kristus. ²⁸ Tak ado lagi orang Yahudi, budak ato orang nang mardeko, laki-laki ato parompuan kerono kamu samuo satu dalam Yesus Kristus. ²⁹ Kalo kamu adalah kapunyoan-Nyo Kristus, kamu dalah katurunan-katurunan Abraham jugo ahli-ahli waris sasuai dongan parjanjian.