¹ Satolah ampat bolas tahun , baleklah awak ka kota Yerusalem samo Barnabas jugo mambawak si Titus samo awak. ² AWak pogi kerono ada parnyataan ondak manjalaskan Injil nang ku baritokan samo orang-orang nang bukan Yahudi.tapi sacaro tartutp awak korjokan, cumo samo orang-orang nang ponting sajo, bak jolas kalo apo nang ku karojokan tidak sia-sia. ³ Malah TItus nang basamo aku, tak palah disuruh sunat biarpu dio tu orang Yunani. ⁴ Kerono ado panyusup nang masuk ondak mamata-matai kabebasan kamidi dalam Yesus Kristus, ondak hati orang tu bak jadi budak suruhan kito. ⁵ Itu sobabnyo tak ondak kami manyombah samo orang tu pinomat sabontar pun supayo kabonaran Injil botul totap tinggal di hati kami. ⁶ Tapi, dari orang-orang nang bapangaruh jabatannyo tak pontik itu bagi awak, kerono Allah tidak mambeda-bedakan, tak ada pangaruhnyo orang tu sama awak. ⁷ Sasudah orang tu manengok tarnyato pambaritoan Injil untuk orang tak basunat di porcayokan sama awak, samo jugo Petrus diporcayokan mambaritokan Injil ka nang basunat. ⁸ Kerono Dio nang mankarojokan malalui Petrus manjadi rasul bagi nang basunat, Dio jugo korjokan sama awak bagi nang tak basunat. ⁹ Satolah Yakobus, Petrus, samo Yakobus nang dikonal sabagai pilar panopang samuo umat manyadari jugo borkat nang sama awak, orang tu mambarikan tangan kanan barsakutu samo Barnabas samo aku, bak kami pogi ka orang-orang bukan Yahudi, samantaro mareko ka orang nang basunat. ¹⁰ Satu parkaro nang orang tu ondak supayo aku mangingat orang nang miskin, inilah parkaro nang mambuat aku basamangat jugo ondak mangorjokannyo. ¹¹ Tapi, katiko Kefas tibo di Antiokhia, awak torang-torangan manontangnyo, kerono dio tak bonar. ¹² Kerono sabolom datang orang nang dari kalangan Yakobus, Kefas udah biso makan samo nang bukan Yahudi. Tapi pas tibo orang tu,dio barundur mamisohkan dirinyo kerono takut samo kalompok orang nang basunat. ¹³ Orang-orang Uahudi nang laennyo jugo ikut-ikutan barundur bapuro-puro samo orang tu. Sompat jugo Barnabas taseret samo kamunafikan mareko. ¹⁴ Waktu awak manengok orang tu malakukan apo nang batolak balakang samo Injil, ku bilanglah samo si Kefas dihadapan samuo orang, "Kalo kau hidup macam orang Yahudi, macammanolah kau ondak mngajak orang bukan Yahudi hidup kek orang Yahudi?" ¹⁵ Kito ni tarlahir sabagai bangso Yahudi dan bukannyo dari bangso tak Yahudi. ¹⁶ Tapi kito tau kerono tak saorangpun nang dibonarkan kerono mangarojokan Hukum Torat, tapi kerono iman malalui Yesus Kristus. Begitulah kito ni dibonarkan kerono iman kito samo Kristus, bukan krono mangorjokan Hukum Torat. Kerono, tak ado saorang pun nang dibonarkan kerono Hukum Torat. ¹⁷ Tapi kalo kito usahokan bak dibonarkan dalam Kristus, sadarnyo koti ini badoso, apo kau pikir Kristus palayan doso? Tidak baya! ¹⁸ Kalo awak mambangun balek apo nang sudah awak robohkan, samo aja wak palanggar hukum. ¹⁹ Kerono, malalui Huku Torat, awak mati untuk Hukum Torat bak supayo awak hidup untuk Allah. ²⁰ Awak tolah disalib basamo Kristus. Bukan na awak lagi nang hidup, malainkan Kristus nang hidup didalam awak. Hidup awak sakarang ni nang dalam daging adalah hidup kerono iman dalam Anak Allah, sayang Dio sama awak jugo dibagikan-Nyo diri-Nyo untuk awak. ²¹ Awak tak mambatalkan anugrah Allah kerono kalok kabonaran datang malalui Hukum Torat, sio-siolah kamatian Kristus!