¹ Daghi Paulus, ghasul Yesus Kristus oleh kehondak Allah. Kepado oghang-oghang kudus di Efesus, oghang-oghang beghiman dalam Yesus Kristus. ² Kasih kaghunio dan damai sojahtegha bagi kau daghi Allah, Ayah kito, dan Tuhan Yesus Kristus. ³ Teghpujilah Allah dan Ayah daghi Tuhan kito Kristus Yesus, yang tolah membeghkati kito dalom Kristus dongan sotiap beghkat ghohani di tompat sughgawi. ⁴ Sobab, Io memilih kito dalom Kristus sobolum peghmulaan dunio supayo kito monjadi kudus dan tidok beghcela di hadopan-Nyo. Dalam kasih, ⁵ Io menotapkan kito daghi semulo untok diangkat monjadi budak-budak-Nyo molalui Kristus Yesus sosuai dongan kosukaan kohendak-Nyo. ⁶ Io molakukan itu untok komuliaan anugegho-Nyo yang tolah dikaghuniokan-Nyo dongan cumo-cumo kepado kito dalom budak-Nyo yang teghkasih. ⁷ Dalam Dio, kito mondapat ponobus molalui dagha-Nyo, yaito pongampunan daghi polanggaghan-polanggaghan kito sosuai kokayaan anugegho-Nyo, ⁸ yang Allah limpohkan kepado kito dalom segalo hikmat dan pongeghtian. ¹⁰ yang akan dilakokan ketiko waktu keponuhannyo tibo untok mompeghsatukan segalo sosuatu dalom Kristus, yang ado di sughgo dan yang ado di bumi. ¹¹ Dalom Kristus, kito jugo tolah monjadi bagian daghi waghisan yang tolah ditotapkan-Nyo daghi semulo sosuai dongan ghencano-Nyo, yang mengeghjokan segalo sosuatu dalom keputusan kehendak-Nyo ¹² supayo kito yang peghtamo-tamo menaghuh haghapan pado Kristus akan monjadi puji-pujian untok komuliaan-Nyo. ¹³ Dalom Dio, kau jugo, tolah mandongoh fighman kebonaghan, yaitu Injil keselamatan kau, dan peghcayo kepado-Nyo, dimatoghaikan dongan Roh Kudus yang dijanjikan. ¹⁴ Roh Kudus adalah jaminan waghisan kito, sampe ponobusan toghjadi bagi megheka yang monjadi milik kopunyaan Allah sendighi -- bagi pujian komuliaan-Nyo. ¹⁵ Oleh sobab itu, sojak odan mendongo tontang iman kau dalam Tuhan Yesus dan kasih kau kepado semuo oghang kudus, ¹⁶ odan tidok henti-hentinyo mongucap syukugh untok kau dalom mongingat kau dalom doa-doaku. ¹⁷ Odan beghdoa supayo Allah daghi Tuhan kito, Kristus Yesus, Ayoh daghi komulian, memboghimu roh hikmat dan penyataan dalom pongetahuan akan Dio. ¹⁸ Odan beghdoa supayo mato hatimu ditoghangi sohingga kau biso mongeghti penghaghapan yang teghkandung dalom penggilan-Nyo, kokayaan yang teghkandung dalom waghisan-Nyo yang mulio bagi oghang-oghang kudus, ¹⁹ dan kokuatan bosogh yang tidok teghukuh bagi kito yang peghcayo, sebagaimano ditunjokkan dalom kemahabosoghan kokuatan-Nyo. ²⁰ sunggoh bosogh kokuatan-Nyo Io tunjukkan ketiko Io mombangkitkan Kristus daghi antagho oghang mati dan memboghi tompat di sebolah kanan-Nyo yaitu soghgawi ²¹ yang jaoh lobih tinggi daghi semuo atughan, kokuasaan, kokuatan, pomeghintahan, dan lobih tinggi daghi semuo nama yang peghnah ado, tidok hanyo pado saat ini, totapi jugo pado maso dopan. ²² Io monaklukan sogala sosuatu dibawah kaki-Nyo dan memboghi dighi-Nyo monjadi kepalo atas sogalo sosuatu bagi jemaah, ²³ yaitu tubuh-Nyo, di mano keponuhan-Nyo momonuhi dan sogalonyo.