¹ Dahulu kau mati dalam pelanggaghan-pelanggaghan dan doso-dosomu, ² yang mano pado waktu itu kau beghjalan mengikuti jalan dunio, mengikuti penguaso kuaso kegolapan, roh yang sekaghang bekoghjo diantagho budak-budak yang tidok taat. ³ Di antagho megheka, kito semuo dahulu jugo hidop dalam nafsu kedagingan kito, momuaskan keinginan daging dan pikighan kito. kito pado dasaghnyo adolah budak-budak pombangkang samo sepeghti manusio lainnyo. ⁴ Akan totapi, Allah, yang kaya dongan bolas kasih dan kaghena kasih-Nyo yang boso itu Io mengasihi kito, ⁵ bahkan ketiko kito mati dalam pelanggaghan-pelanggaghan kito, Io menghidopkan kito beghsamo dongan Kristus -- oleh kasih kaghunio kamu tolah disolamatkan --, ⁶ dan Io mombangkitkan kito dongan Dio di tompat sughgawi dalam Yesus Kristus, ⁷ supayo pado maso yang akan datang, Io bole monunjukkan kokayaan kasih kaghunio-Nyo yang tak teghukugh dalam kebaikan-Nyo kepado kito dalam Yesus Kristus. ⁸ Sobab oleh kasih kaghunio kau disolamatkan melalui iman dan ini bukan daghi dighimu sendighi totapi Kaghunio Allah, ⁹ tidok hasil usahomu, supayo tidok ado seoghang pun yang menyombongkan dighi. ¹⁰ kito ini buatan Allah, diciptokan dalam Yesus Kristus untok molakukan pekeghjaan baek yang dipeghsiapkan Allah sebolumnyo supayo kito biso hidop di dalamnyo. ¹¹ Kaghena itu, ingatlah bahwo kau dahulu lahigh sobagai oghang kafigh, yang disobut "oghang tidok beghsunat", oleh megheka yang menyobut dighi sobagai "oghang beghsunat", yaitu sunat yang dilakukan pado tuboh oleh tangan manusio. ¹² Ingatloh saat itu kau hidop tanpo Kristus, teghpisoh daghi bangso Israel dan oghang-oghang asing dongan ikatan peghjanjian yang dijanjikan, tidok momiliki penghaghgaan dan tanpo Allah dalam dunio ini. ¹³ Namun, sekaghang dalam Yesus Kristus, kau yang dulu sangat jaoh tolah dibawo monjadi dokat oleh daghah Kristus. ¹⁴ Sobab, Io sendighi adalah damai sejahtegha kito yang tolah mombuat keduo bolah pihak monjadi satu dan yang tolah menghancughkan tembok peghmusuhan yang momisahkan, ¹⁵ dongan menghapus peghmusuhan dalam daging-Nyo, yaitu Hukum Taurat yang beghisi peghintoh-peghintoh dan ketotapan-ketotapan sehinggo di dalam dighi-Nyo Io membuat keduonyo monjadi satu manusia baghu, sehinggo teghjadi peghdamaian, ¹⁶ dan mondamaikan keduonyo dongan Allah dalam satu badan melalui salib, sehinggo momatikan peghmusuhan. ¹⁷ Io datang dan membeghitakan damai sojahtegha kepadomu yang jauh dan damai sojahtegha kepado megheka yang dokat. ¹⁸ Sobab, molalui Dio, kito beghduo momiliki jalan masok kepado Ayah dalam satu Roh. ¹⁹ Jadi, kau tidok lagi oghang-oghang lain dan pendatong, totapi sesamo waghgo dongan oghang-oghang kudus dan anggota-anggota keluaghgo Allah, ²⁰ yang dibuat di atos dasagh pagha rasul, dan pagha nabi, dongan Yesus Kristus ²¹ Dalam Kristus, selughuh bangunan sodang dipeghsatukan beghsamo dan beghtumbuh monjadi Bait Suci dalam Tuhan. ²² Dalam Dio , kau jugo sodang dibangun beghsamo monjadi tompat tinggal Allah dalam Roh.