¹ Lalu, malekat kelimok niup trompet'a, kant aku ngenongant sutik bintank j'tuh derik lengit keatas bumi, kant ka io diborikant kunci lubank jurank maut. ² Io mukok lubank jurank maut, mako nait'a ansap derik lubank nyint tokuh ansap derik tungkuk yo bosar, kant matoari kant angkasa nyedi golap dongah ansap lubank nyint. ³ Lalu, derik d'lom ansap nyint keluar'a buntak-buntak ke atas bumi, kant sidok diberi kuaso tokuh kuaso kalajengkink di bumi. ⁴ Kant ka sidok dipesankant agar com ngerusak rumput-rumput di bumi, tumbuh-tumbuhant, ndakpunt pohont-pohont, ngelainkant hanyo sidok yo com ado segel Allah pado dahi sidok. ⁵ sidok com diijinkant 'ntuk munuh sidok, tapi sopayo nyikso sidok selambet 5 bulent; kant siksaant nyint samo tokuh siksoant kalajengkink saat io nyongat ensio. ⁶ Pado maso nyint, ensio 'kant ngogak kematiant, tapi sidok com ngenemukant'a. Sidok ndak mati, tapi kematiant ngindarik sidok. ⁷ Bentuk buntak-buntak nyint tokuh kuda-kuda yo disiopkan 'ntuk perang; kant di atas kepalok sidok ado sesuatu tokuh mahkota omas, wajah sidok tokuh wajah ensio. ⁸ Rambut sidok tokuh rambut tinok kant gigi sidok tokuh gigi singa, ⁹ kant dada sidok tokuh b'ju b'si, kant bunyi sayap sidok tokuh kereta-kereta ngan b'nyak kuda yo bepacu ke medan perang. ¹⁰ Kant, ekor sidok tokuh kalajengkink kant ado songat'a, kant di d'lom ekor'a ado kuaso 'ntuk nyakit'ik ensio selambet 5 bulent. ¹¹ Rajo yo merintoh sidok adolah malekat jurank maut, yo d'lom bahaso Ibrani demo'a adolah 'Abadon", sedangkant delom bahaso Yunani demo'a adolah "Apolion". ¹² Bencana yo petamo dah lewat, tapi gik ado 2 penderitoant laint yo 'kant d'tank. ¹³ Lalu, malekat yo keonam niup trompet'a, kant aku dingo suaro derik keompat tanduk altar omas yo ado di adopant Allah, ¹⁴ bekato ka malekat keonam yo ngemijab trompet nyint, "Lopaskan'a keompat malekat yo dikobet di sungai Efrat yo bosar nyint." ¹⁵ Mako, keompat malekat nyint, yo dah dipesiopkant 'ntuk jam kant ari, bulent kant tahunt nyint, dilopaskant agar munuh 1/3 umat ensio. ¹⁶ Jumlah kereto bekuda sidok adolah 200 juta b'nyak'a; aku ngendingo jumlah sidok. ¹⁷ Kant, piok'a aku ngenongant d'lom penonganant kuda-kuda nyint kant sidok yo duduk di atas'a; paro penunggang'a ngemakai b'ju b'si bewarno mirah menyalok, biru golap, kant kunink tokuh belerank; kant kepalok kuda-kuda nyint tokuh kepalok singa kant derik mulut sidok keluar api, ansap, kant belerank. ¹⁸ 'Ngant ketigo'alah 1 ensio dimunuh; ngant api, ansap, kant belerank yo keluar derik mulut sidok. ¹⁹ Dongah, kekutant kuda-kuda nyint ted'pat pado mulut kant ekor sidok.Dongah, ikuk sidok tokuh ular kant ado kepalo'a, kant ngant nyint'a sidok ngenyikso. ²⁰ yo selamat, yo com temunuh oleh bencana nyint, t'tap com betobet derik pebuatant-pebuatant jeri sidok bahwa sidok com boleh ngeyembah roh-roh jehat kant behala-behala derik omas, perak, tembago b'tu , atau kayu; yo com d'pat ngenongant,ngeningo, ataupunt bejelent, ²¹ kant sidok com betobet derik pemunuhant, sihir, pecabulant, kant pencuriant.