¹ aku ngenongant satu malekat kuat lain'a turunt derik sorga, bepakaiant awant kant pelangi ado di atas kepalo'a, kant muko'a tokuh matoari, kant kaki'a tokuh tiank api. ² Malekat nyint ngemijab sebuah kitab kocik yo tebukok. Kant, io nginjakkant kaki kanant'a di laut kant kaki kirik'a di darat, ³ lalu beteriak ngan suaro koras, tokuh singa yo mengaum; kant dah io beteriak, tujuh gemuruh guntor ngepedingokant suaro sidok. ⁴ Tengkalo ketujuh guntur nyint dah besuaro, aku ndak ngenuliskan'a, tapi aku ngendingo suaro derik seruga bekato,"Segel'a ope yo dah dikatokant oleh ketujuh guntor nyint! Nank ngenuliskan'a!" ⁵ Lalu, malekat yo aku tongant bediri di laut kant di darat nyint ngengangkat jeri kanan'a ke langit, ⁶ kant besumpah demi Io yo idop selamo-lamo'a, yo ngeciptokant langit kant segalo isi'a, kant laut kant segalo isi'a, bahwa com 'kant ado penundaant agik, ⁷ tapi pado maso bunyi malekat ketujuh, tengkalo io ndak ngeniup trompet'a, mako tegenapi'a rahasio Allah, tokuh yo io sampaikant ka paro hamba-A: paro nabi." ⁸ Lalu,suaro yo tadik aku dingo derik surgo bekato agik ka aku,kato'a, "pogi 'kant ambik'a gulungant kitab tebukok derikjeri malekat yo bediri di atas laut kant darat nyint." ⁹ Mako, aku pogi ka malekat nyint kant ngemintok'a mborikant gulungant kitab kocik nyint ka aku. Kant, malekat nyint bekato ka aku, "Ambik'a kitab tum kant makan'a, nyint 'kant ngemulah perut ikau pait,tapi di mulut ikau, nyint 'kant teraso manis tokuh madu." ¹⁰ Lalu, aku ngambik kitab kocik di jeri malekat nyint kant ngemakant'a, kant di mulut aku teraso manis tokuh madu; kant tengkalo aku dah makan'a, porut aku nyedi pait. ¹¹ Lalu, io bekato ka aku, "Ikau arus benubuat gik di adopant b'nyak bangso kant kaum kant bahaso kant rajo-rajo."