¹ Yesus bekato kepado murid-murid-A, "Ado seurank kayo yo mpunyo'ik kepalok pelayan. Kant, kepado urank kayo nyin di laporkan bahwa kepalok pelayan'a dah mboroskan harto'a. ² Dongah nyin, urank kayo nyin nyakau kepalok pelayan'a kant bekato, 'Ope yo aku dingo tentang kau tuk? Borik'ak petanggungjawaban atas tugas kau dongah ikau com biso gik j'di bendahara aku.' ³ Kepalok pelayan nyin pun bepiker, 'Ope yo akan kulakukan dongah tum tuan ku dah mecat aku d'rik pe'krejoan aku? Aku cukup kuat ntuk ncangkol kant maluk ntuk ngemis. ⁴ Aku tau pei yo cak aku pebuet supayo tengkalo aku dipecat sebagai bendahara, urank-urank akan nerimok aku di umah sidok.' ⁵ Lalu, io pun nyakau setiap urank yo be'utang kepado tuan'a. Kepado urank petamo io bekato, ' Berope utang kau kepado tuanku?' ⁶ Urang nyin njawab, 'Seratus bat minyak zaitun; Lalu kepalok pelayan nyin bekato kepado'a, 'Ambik'ak surat utang kau, gegas'ak duduk kant tulis'ak 50 bat.' ⁷ Lalu kepalok pelayan nyin betanyok kepado urank lain, 'Beropei b'nyak utang kau? Urank nyin njawab'a 'Seratus kor gondum.' Lalu bendahara bekato kepado'a, 'Ambik'ak surat utang kau kant tulis'ak bahwa utang kau 80 pikol; ⁸ Lalu, urank kayo nyin muji kepalok pelayan yo com jujor nyin dongah io betindok cerdik. Sebab, anak-anak dunia tuk lobih cerdik d'lom berurusan ngan sesamo'a d'rikpado anak-anak torang. ⁹ Aku bekato kepado kau, pulah'ak pesahabatan ngan mamon yo com bujor supayo tengkalo mamon nyin abis, ikau akan disambut di rumah abadi. ¹⁰ Sope pun yo setia d'lom hal-hal yo kocik, io pun setia d'lom hal-hal yo bosar. Kant, sope pum yo com jujor d'lom hal-hal kocik, io pun com jujor d'lom hal-hal yo bosar. ¹¹ J'di, mun ikau com d'pat di pecayok ntuk ngelola harta duniawi, sopei yo akan mempecayokkan harta yo sesungguh'a kepado ikau? ¹² Kant, mun ikau d'pat dipecayok d'lom nggunokan wak urank lain, sopei yo akan mborik pei yo seharus'a j'di wak ikau? ¹³ Com ado pelayan yo d'pat ngelayan'ik duok majikan dongah io akan mboncik majikan yo sutik kant nyuko majikan yo lain. Atau, io akan patuh kepado majikan yo sutik kant ngabaikan yo lain'a. Ikau com d'pat ngelayan'ik Allah kant mamon." ¹⁴ Urng-urang Farisi, yo te'ak pencinta duit, ningo hal tuk kant ngejek Yesus. ¹⁵ Yesus bekato kepado sidok, "Ikau te'ak urank-urank yo mbujorkan dirik kau surank diadopan ensio, tapi Allah tau isik ati kau yo se'b'nar'a dongah yo diagung-agungkan di antaro ensio te'ak sesuatu yo menjijikkan di adopan Allah. ¹⁶ Ukum Taurat kant kitab b'lo nabi diajerkan sampai masa Yohanes; Sejak masa Yohanes, Kabar bBet tentang Kerajaan Allah dah diberitokan kant semuo urank maksa ntuk mansuk ke'd'lom'a. ¹⁷ Tapi sesungguh'a, lobih mudah b'gi langit kant bumi ntuk lonyap d'rikpado sutik titik d'lom ukum Taurat dibatalkan. ¹⁸ Setiop urank yo nceraikan bini'a kant ngawin tinok lain, io mulah zinah. Kant, urank yo ngawin'ik tinok yo di ceraikan laki'a, samo mulah zinah." ¹⁹ Ado seurank kayo yo selalu bepakaian ungu kant kain lenan, kan besenang-senang setiap ari d'lom kemewahan. ²⁰ Di lawang gerbang umah urank kayo nyin, ngelei'am seurank miskin benemo Lazarus, yo tubuh'a ponuh tam borok. ²¹ Io be'arap diborik makan ope pun yo j'tuk d'rik meja makan urank kayo nyin; bahkan asuk-asuk d'tang kant njilet borok'a. ²² Suatu ari, urank miskin nyin mati kant dibeik tam b'lo malaikat ke pangkuk'an Abraham. Urank kayo nyin mati gam lalu di kuborkan. ²³ Di alam maut, pas disiksa, urank kayo nyin mandang ke atas kant nongan Abraham di kejeuhan besamo Lazarus di pangkuk'an'a. ²⁴ Kant, urank kayo nyin beseru, 'Bapa Abraham, kasihani'ak aku kant suruh'ak Lazarus ncolup ujung j'ri'a ke aik kant nyogerkan lidahku sebab aku mendrito d'lom nyalok api tuk.' ²⁵ Akan tetapi, Abraham bekato, 'Nak, ingat'am tengkalo ikau gik idup, ikau dah nerimok hal-hal yo b'et, sementaro Lazarus nerimok hal-hal buruk; tum, dituk Lazarus dihibur, sementaro ikau disikso. ²⁶ Selain nyin semuo, ado jurank bosar yo misahkan kito sampai urank yo nak nyemborank d'rik dituk ke tempat kau com biso nyemborank, kan urank yo d'rik tempat kau pun com d'pat nyemborank ke tempat kami.' ²⁷ Lalu, urank kayo nyin bekato, 'Mun piok, aku mohon kepado Ikau Bapa, utus'ak Lazarus ke umah apak aku, ²⁸ dongah aku mpunyaik limok adik beredik laki-laki. Ronak pom Lazarus mempringatkan sidok supayo nantik com mansuk ke tempat penyiksaan tuk.' ²⁹ Namun, Abraham bekato, 'Sidok mpunyaik Ukum Musa kant kitab paro nabi, ronakpom sidok tau d'rik semuo'a nyin.' ³⁰ Kato urank kayo nyin gik, 'Com, Bapa Abraham. Mun seseurank d'rik antaro urank mati d'tang kepado sidok b'ru'ak sidok akan betobat.' ³¹ Jawab Abraham kepado urank kayo nyin, 'Mun adik beredik kau con ningokan Ukum Musa kant kitab paro nabi, sidok com akan diyakin'ik, bahkan tam seurank yo bengkit d'rik antaro urank mati."'