¹ Pado awal'a yak'am Firman, Firman nyin basamo-samo ngan Allah kant Firman nyin nyian'am Allah ² Firman nyin dah basamo-samo ngan Allah sejak semulo ³ Segelo jolu dlciptakan ngelaluik Io, Tanpa Dia sagelo jolu yo dah ado tuk com mungkin biso ado. ⁴ Di dlom Io ado idup kant idup nyin yak'am Terang ension. ⁵ Terang nyin becahato di dlom kapotangan, kant kapotangan com dpat nguasoik-A. ⁶ Ado seurang yo dikirim Allah, demo'a Yohanes. ⁷ Io dtang sebegei saksi ntuk nyampaikan kesaksian tentang terang nyin supayo ngelewati io samuo urang jadi pacayok. ⁸ Yohanes sadirik kan'a terang nyin tetapi Io dtang ntuk nyampikan kesaksian tentang terang nyin. ⁹ Terang yo sajati, yo ngenerangik semuo urang, nak dtang ka dunia. ¹⁰ Terang nyin da ado di dunio kan dunio dijedikan otum-A, tatapi dunio com ngenal-A. ¹¹ Io ngend'tangik kepunyaan-A, tatapi kapunyaan-A nyin com nerimok Io.. ¹² Tapi, sidok yo ngenerimok Io diborik-A kuaso ntuk nyedi anak-anak Allah, yonyin Sidok yo pacayok kapado demo-A. ¹³ Sidok lahir kan'a derik derah atau kemaok daging, atau derik kamaok lelaki, ngelainkan derik Allah. ¹⁴ Firman nyin dah nyedi daging kan diom di antaro kito. Kito dah ngenogan kamuliaan-A, yonyin kamuliaan Anak Tunggal Apak, ponoh ngan anugerah kant kabenaran. ¹⁵ Yohanes ngemorik kasaksian tentang Io ngan baseru, "Tuk'ak Io yo kumaksudkan saat aku bekato, "seabis aku, akan dtang Io yo mandoluk'ik aku dongah Io ado sabolum aku."' ¹⁶ Derik kaponohan-A, kito semuo ngenerimok anugerah demi anugerah. ¹⁷ Sebab, Hukum Taurat diborikan ngelaluik Musa; tatapi anugerah kan kabonaran dtang ngelewatik Yesus Kristus. ¹⁸ Com seurang pun kolok nogan Allah, tatapi anak Tunggel Allah, yo ado di pangkuan Apak, ngenyatokan-A. ¹⁹ Tuk'ak kasaksian Yohanes tengkalo urang-urang Yahudi ngirim Imam-imam kan urang urang Lewi derik Jerusalem ntuk batanyok kapado Yohanes, "sope'ak ikau te?" ²⁰ Yohanes ngakuk, kan io te com nyengkal'a, io ngakuk, " Aku kan'a Kristus nyin." ²¹ Sidok betanyok kapado'a, "Mun piok, sopei'ak ikau te?Opei'ak ikau te Elia?" Io nyambut, "Aku kan'a Elia.". "Opei'ak ikau te Nabi nyin?". Io nyambut ,"Kan'a." ²² Lalu, Sidok bekato ka io, "Sopei'ak ikau te, dongah kamik arus ngemorik jawab kapado urang yo ngirim kamik. Opei katokau tentang dirikkau surang?" ²³ Yohanes ngenyambut ngan pekataoan Nabi Yesaya, "Aku'ak suaro urang yo dikatokan Nabi Yesaya, yo baseru-seru di padang balantara; "Bujorkanlah jelen begi Tuhan!" Yesaya 40:3 ²⁴ Urang-urang Yahudi yo dikirim nyin te urang Farisi. ²⁵ Lalu, sidok bekato kepado Yohanes, "Mun ikau kan'a Mesias, kan'a Elia, kan kan'a Nabi nyin, ngopei ikau ngebaptis te?" ²⁶ Yohanes ngenyambut Sidok, "Aku ngebaptis ngan air, tatapi di antaro kulok bediri seurang yo com ikau kenal. ²⁷ Io'ak yo akan dtang sasudah aku. Ngebukok tali sendal-A pun, aku com pantas." ²⁸ Samuo nyin tajedi di Betania, di saborang sungai Yordan, tompat Yohanes mambaptis. ²⁹ Kakolam ari'a, Yohanes nogan Yesus dtang kapado'a, kant Yohanes bekato, "Tongan'am, Anak Domba Allah yo ngahapuskan dosa dunio ! ³⁰ Io'ak yo aku maksudkan tengkalo aku bekato, "Seudah aku akan dtang seurang yo lobih bosar derik pado aku dongah Io udah ado sebolom aku." ³¹ Doluk, aku com ngenal Io, tatapi supayo Io dinyatokan kapado urang-urang Israel, mako aku dtang ngembaptis ngan aik." ³² Kant, Yohanes basaksi, kato'a "Aku ngenogan Roh turun derik langit tokuh burung merpati kant Roh nyin tinggel Pado-A. ³³ Aku surang com ngenal Io, tatapi Io yo ngutus aku ntuk ngembaptis ngan aik, bekato kepadoku, "Mun ikau ngenongan Roh turun kant tinggel ke atas seseurang, Io'ak yo akan mambaptis ngan Roh Kudus." ³⁴ Aku surang dah ngenogan kant mborik kesaksian bahwa Io tuk'ak Anak Allah. ³⁵ Kekolam'a, Yohanes badiri agik basamo duok urangk murid'a, ³⁶ kant Io ngenogan Yesus agik bejelen.Yohanes bekato," Tongan'am, Anak Domba Allah!" ³⁷ Kaduok murid'a ngenigo pekatoan'a nyin lalu sidok nyurut Yesus. ³⁸ Yesus ngelingak ke balekang kant tengkalo ngenogan sidok togah nyurut-A, Io bekato kepado sidok, "Pei yo ikau Gogok?" Sidok bekato kepado-A, "Rabi (reti'a:Guru), di mone mo Ikau bediom?". ³⁹ Io bekato kepado sidok, " Kituk kant kulok akan nogan'a ," Lalu, sidok dtang kant ngenogan tempat Io bediom kant sidok tinggel basamo -A ari nyin dongah waktu nyin kiro-kiro saat nyin jam sepuluh. ⁴⁰ Salah satu derik keduok murid yo ngeningo pekatoan Yohanes lalu nyurut Yesus nyin te Andreas, adik beredik Simon Petrus. ⁴¹ Sabolom'a, Andreas ngenemuik Simon, adek-beredik'a, kant ngemboriktau'a, "Kamik dah nomukan Mesias( reti'a 'Kristus')." ⁴² Lalu, Andreas mbeik Simon kepado Yesus. Yesus nogan Simon kant bekato, " Ikau Simon, anak Yohanes. Ikau akan di tingkau sapo Kefas ( yo bareti' Petrus' atau 'Batu')." ⁴³ Kekolam'a, Yesus cager'a ke Galilea. Io betemu ngan Filipus kan bekato kepado'a. "nyurut'ak Aku!" ⁴⁴ Filipus beasal derik Betsaida, Kota tempat Andreas kant Petrus diom. ⁴⁵ Filipus betomu ngan Natanael kan bekato kepado'a, " kamik dah nomukan Io yo dituliskan oleh Musa dlom Hukum Taurat kant oleh para nabi, yonyin Yesus derik Nazareth, anak Yusuf." ⁴⁶ Natanael bekato kepado'a, "Mungkin'ak sesuatu yo b'et dtang derik Nazaret?" Filipus bekato kepado'a, " Dtang kany nogan'a." ⁴⁷ Yesus ngenogan Natanael deang kapado-A kant bacakap genaik Natanael, "Tongan'am, seurang Israel asli, com ado kepalsuan di dlom Io!" ⁴⁸ Natanael betanyok, " kotimo Ikau ngenal aku?" Yesus manyambut," sebelom Filipus nyapokau, Aku udah nogankau tengkalo ikau berado di beruh pohon ara." ⁴⁹ Sambut Natanael, " Guru, Ikau te Anak Allah. Ikau te Rajo urang Israel." ⁵⁰ Yesus nyambut kant bekato kepado'a, "Dongah Aku bekato kepadokau, " Aku dah ngenogankau di beruh pohon ara," mako ikau pacayok? Ikau akan ngenogan hal-hal yo jeuh lobih bosar derikpado tuk!" ⁵¹ Lalu,Io ngelanjutkan," Sesungguh'a, aku bekato kepadokau, ikau akan ngenongan langit tebukok kant malaikat-malaikat Allah nait turun ngelayanik Anak Ensio."