¹ Mun ikau dah di bebgkitkan besamo Kristus, gogoklah hal-hal yo di pucuk, tempat Kristus berado, duduk di seboah kanan Allah. ² Pikirkanlah hal-hal yo di pucuk , bukan hal-hal yo di bumi. ³ Dongah ikau dah mati kan idupkau tetapuk besamo Kristus delom Allah. ⁴ Tengkalo Kristus, yo yakam idupkau nentikan derik Sien, ikaupun akan di nyatokan delom kemuliaan besamo-samo khan Sien. ⁵ Dongah nyin, matikan sifat pei pun yo berasel derik sifat duniowikau, yakam percabulan, kecomaran, hawo nafsu, kehondak yo jahat, kan keserakahan, yo nyinam penyomahan kepado berhalo. ⁶ hal-hal tukam yo menyebabkan murka Allah tongah detank ⁷ Dolukte, ikau pun ngalaku'a tengkalo ikau agik idup di delom'a. ⁸ Tapi, saat tuk, buang dom semuo nyin: kegodikan, kemurkaan, keboncikan, fitnah, kan perkatoan kotor derik bibirkau. ⁹ nang samo mengelakar,dongah kau dah ninggelkan ensio lamokkau besamo khan kelakuan-kelakuan'a. ¹⁰ Konakkandom ensio baru, yo torus-menerus di erbaharui delom pengetahuan sesuai khan gamber derik pencipto. ¹¹ Delom hal tuk, com mado dah urank Yunani atau urank Yahudi, urank yo di sunat atau urank yo com disunat, Barbar [banngso yo kurank beradap/kasar kan com com bebudayo]. atau urank Skit, budak atau urank merdeka, tapi Kristus yam segalo'a kandelom semuo'a. ¹² Jedi, sebegei urank yo di pilih Allah, yo kudus kan yo di kasihi, konakkanlah padokau belas kasih,keramahan, kerondahan ati, kelombutan kan kesaberan. ¹³ Saberlah surank teadop yo lain. Samo tokuh Doto dah ngampunikau, mako ikau arus saling mengampuni gam. ¹⁴ Di atas semuo nyin, konakkan lah kasih, yo nyedi pengobet yo sempurno. ¹⁵ Ronakpom damai sejahtra Kristus ngendalikan atikau dongah ntuk nyinam ikau di sakau ntuk nyedi satu tubuh, kan bersyukurlah. ¹⁶ Ronakpom cakap Kristus tinggel di delom ikau khan melimpah, khan segalo hikmat ikau ngajer kan nasehati seurank teadop yo lain, nyanyikan mazmur, lagu-lagu pujian, kan nyanyian-nyanyian rohani, semuo'a khan ponuh ucapan syukur di delom atikau kepado Allah. ¹⁷ peipun yo kau ulah, delom cakap ataupun pempulah, ulahlah semuo nyin delom demo Doto Yesus, sambel ngucap syukur kepado Allah Bapa, ngelalui Sien. ¹⁸ Bini-bini, tunduklah ke lakikau koticaro searus'a delom Doto. ¹⁹ Balo laki, kasihilah binikau kan inang belaku kasar terhadop sidok. ²⁰ Balo anak biak, taatilah urank tuokau delom segalo hal dongah hal tum nyonangkan Doto. ²¹ Balo Apak, nang micu kegodian anak-anakkau supayo sidok com nyedi patah semangat. ²² Budak-budak, taatilah tuan-tuankau yo ado di dunio tukdelom segalo hal. Ulahkanlah nyin bukan hanyo saat sidok nongankau kan ntuk nyonangkan sidok melainkan khan tulus ati dongah golak akan Doto. ²³ Pei pun yo ikau ulah, ulahlah, khan segonap ati tokuh nyuk Doto kan bukan ntuk ensio, ²⁴ dongah ikau tau bahwo derik Doto ikau akan nerimok warisan sebegi upahkau. Kristus Doto am yo tongah kau layanik. ²⁵ Dongah, urank yo berbuat salah akan nerimok balasan atas kesalahan yo diulah'a kan com mado yo dikecualikan.