¹ Dongah, aku endah ikau tau betapo berat'a pejuangan yo dah aku ulah ntuk kau,kan ntuk sidok yo ad di Laudikia, kan ntuk semuo urank yo lom kalok betomu muko khanaku. ² Tujuanku yam supayo ati sidok teibur kan di persatukan delom kasih sehinggo sidok ado segalo kekayakan yo berasel derik jaminan akan pengertian kan pengetahuan derik rahasio Allah, yak am Kristus surank. ³ Delom Sien, tetapuk segalo harto derik hikmat kan pengetahuan. ⁴ Aku madahkan hal tuk supayo com mado urank yo akan menimpokau khan pedebatan yo kedingoan'a mansuk diakal. ⁵ Dongah, walaupun tubuh jasmaniku com mado besamokau, tapi'a aku besamokau delom roh, kan aku besukocito nongan kedisiplinankau yo beit kan ketoguhan imankau delom Kristus. ⁶ Jedi, dongah kau dah nerimok Yesus Kristus sebegi Doto, idupam torus delom Sien, ⁷ Berakar kan bengkitam derikkau delom Sien, toguhkanam imankau tokuhpei dah di ajerkan ke kau, kan melimpaham khan ucapan syukur. ⁸ Berati-atilah supayo nang ado surank pun yo nyerat kau khan filsafat yo hampa kan nyesatkan, yo berasal derik tradisi ensio kan asas-asas roh dunio, kan bukan prinsip-prinsip Kristus. ⁹ Dongah, delom Sien bediom deluruh kepenuhan keilahian yo idup delom bontuk jasmani. ¹⁰ Ikau dah nyedi ponuh delom Sien, yo tukam Kepalok atas semuo pemerintah kan penguaso. ¹¹ Delom Sien, ikau disunat gam, bukan khan sunat yo diulah tam jeri jeri ensio, tapi'a khan sunat yo diulah tam Kristus, yam khan nungkung tubuh kedagingan yo bedosa. ¹² Delom babtisan, ikau dikuburkan besamo khan Kristus, kan dibengkitkan gambesamo-samo khan Sen ngelaui imankau delom kuaso Allah yo mengkitkan Sien derik antaro urank mati. ¹³ Walaupun duluk ikau mati delom pelanggeran-pelanggerankau kan delom kedagingankau yo com besunat, Allah ngulah kau idup besamo-samo khan Sien udah Sien ngampunik semuo pelanggeran kito. ¹⁴ Sien dah membatalkan suret hutang kan aturan-aturan tuntutan'a yo ngalangik hubungan antaro Allah kan kito. Sien dah ngamik'a khan memakukan'a di pucuk salib. ¹⁵ Sien melucuti balo pemerintah kan penguaso, lalu nyedikan sidok tontonan yo memalukan dongah tam kemonangan Sien di pucuk kayu salib. ¹⁶ Dongah nyin, nang ngeronak seurank pun ngakimik ikau khan masalah makanan kan minuman atau ari rayo keagamakan, perayakan bulen baru atau ari sabet. ¹⁷ semuo'a nyin hanyalah bayagan tontank hal-hal yo akan detank, tapi wujud yo sesungguh'a yam Kristus. ¹⁸ Nang ngeronak urank yo ayah khan kerendahan ati yo palsu kan penyembahan ke malekat-malekat menghakimi ikau. Sidok nyiam urank-urank yo ayah khan penampakan-penampakan yo detail sehinggo ngulah pikiran sidok somunk dongah gagasan-gagasan duniawi. ¹⁹ Orank yo tokuh nyin com bepijab kuat kepado kepalok. Kepalok yakam yo menopang seluruh tubuh, kan seluruh tubuh dipersatukan tam sendi-sendi kan otot-otot semuo'a betumuh khan pertumuhan yo berasel derik Allah. ²⁰ Mun besamo Kristus ikau dah mati teadop asas-asas dunio, ngopei seolah-olah ikau gik nyedi milik dunio, tunuk pado aturan-aturan tokuh: ²¹ " nang pijab, nang aso, nang sontuh"? ²² Aturan-aturan tuk akan binaso udah ditundok dongah aturan-aturan nyin diulah berdasar pado perentah kan ajeran ensio. ²³ Atur-aturan tokuh nyin memang ketonganan'a bijaksano khan nonjolkan ibadah yo berpusatkan pado dirik kan kerendahan ati yo palsu sereto penyiksaan tubuh. Tapi, semuo'a nyin com mado nilai'a selain ntuk muaskan kedagingan.