¹ Derik Paulus, yo nyedi rasul Yesus Kristus tam kemaaukan Allah, kan derik Timotius saudaro seiman kito. ² Kepado urank-urank kudus kan saudaro-saudaro seiman yo setio delom Kristus di Kolose. Anugrah begikau kan damai sejahtera derik Allah Apak kito. ³ Tengkalo bedoa ntukkau, kami salalu ngucap syukur ke Allah, Bapa derik Doto kito Kristus Yesus, ⁴ dongah kami ningo tentank imankau delom Yesus Kristus kan kasih yo ikau ado ntuk semuo urank kudus. ⁵ Iman kan kasih nyin muncul dongah pengarop yo di sediokan begikau di serugo, yo dahikau dingo delom firman kebenaran, yam Injil. ⁶ Injil nyin dah sampe ke kau bahkan ke seluruh dunio kan injil tuk torus ngaselkan buah kan bekombank, samo tokuh yo tejedi, di antaro kau, semenjak ari kau ningo'a kan memahami anugrah Allah delom kebenaran. ⁷ Ikau dah belajar hal tuk derik Epafras, rekan sepelayanan kami yo tekasih, yo dah nyedi pelayan Kristus yo setio begi kau. ⁸ Io am yo dah moriktaukan ke kami tentang kasihkau delom Roh. ⁹ Dongah nyin, sejak kami ningo'a, kami com kalok berenti bedoa ntuk kau kan mintok supayo Doto monuhik kau khan pengetahuan akan kehondak-A delom segalo hikmat kan pengertian rohani. ¹⁰ Khan tokuhnyin, ikau depat idup khan caro yo layak di hadop Doto, nyonangkan-A delom segalo hal, ngaselkan buah delom setiop kerejo yo beit, kan betumuh delom pengetahuan akan Allah. ¹¹ Semogo kau dikuatkan khan segalo kekuatan sesuai khan kemuliakan kuaso-A supayo kau napat segalo kekuatan kan kebenaran khan sukacito. ¹² Bersyukurlah ke Apak yo dah ngulah kau monuhik syarat ntuk nerimok begian derik warisan urank-urank kudus delom torank. ¹³ Io dah ngelopaskan kito derik kuaso potang kan mindohkan kito ke kerajoan Anak-A yo tekasih. ¹⁴ Delom Iyo, kito ado penebusan, yam pengampunan atas dosa-dosa kito. ¹⁵ Sien tukam gamber derik Allah yo com ketonganan, yo sulung atas semuo ciptakan. ¹⁶ Dungah, tam Sien, segalo sesuaru yo ado di serugo kan di bumi di ciptakan, yo ketonganan, beit takhta, maupun penguaso, pemerintah, maupun penguaso. segalo jolu dah di ciptakan ngelaluik Sien kan ntuk Sien. ¹⁷ Sien udah ado sebelum segalo jolu, kan segalo jolu ditopang besamo-samo delom Io. ¹⁸ Sien tukam kepalok derik tubuh, yam jemaat. Sien tukam yo awal, yo julak derik anraro urank mari supayo Sien nyedi yo utamo derik segalo jolu. ¹⁹ Dongah, Allah berkenan supayo seluruh keponuhan-A bediom delom Sien. ²⁰ Ngelaluik Sien, segalo jolu di damaikan khan derik- A, beit yo ado di bumi maupun di serugo, yam pedamaian ngelaluik darah-A yo tecurah di pucuk kayu salib. ²¹ Ikau doluk terasing, memusuhi Allah delom pikirankau, kan ngulah tindakan-tindakan jahat, ²² saat tuk ikau dah di damaikan khan tubuh jasmani Kristus ngelaluik kematian-A ntuk mempersomahkan ikau sebegei persomahan yo kudus, com becacat , kan com becola, di adop Allah. ²³ Jedi, tetapam ikau diom delom iman, kuat, kan toguh, com digoyahkan derik pengaropan Injil yo ikau dingo, yo dah diberitokan kepado seluruh ciptaan di beruh langit, yo tama aku, Paulus, nyedi pelayan. ²⁴ Saat tuk aku besukotito delom pengaropku demikau dongah delom dagingku aku melengkapi pei yo kurang delom pederitoan Kristus, demi tubuh-A, yam jemaat. ²⁵ Aku nyedi pelayan jemaat sesuai khan tugas pelayanan derik Allah yo serahkan ke aku begi ikau supayo aku dapat memberitokan firman Allah khan sepenuh'a. ²⁶ Tumam rahasio yo tesembunyi derik zaman ke zaman kan generasi ke generasi, tapi yo saat tuk dah di nyatakan ke urank-urank kudus-A. ²⁷ Allah endak nyatokan ke sidok betapo kaya rahasio yo mulio tuk di antaro bangso-bangso lain, bahwo Kristus ado di delom ikau, yam pengarop derik kemuliaan ²⁸ Kami memberitokan tentank Sien khan nogur kan ngajer setiop urank nyedi dewaso delom Kristus. ²⁹ ntuk nyinam, aku besusah payah gam, bejuang sesuai khan kuaso Sien yo bekerejo khan kuat di delom aku.