¹ Dari Paulus,amba Kristus Yesus,nang dinyaru'k jaji rasul ba dingudusatn untuk ngabaratn Injil Allah. ² Injil koa dah Ia nyanjiatn sanape'k e ba antara nabi-nabi daapm kitab-kitab suci, ³ tentang Anak-Ke,nang nurut dagen dimaranakatn dari katurunan Daud, ⁴ Kade'k menurut Roh kakudusatn dinyatatn karna kabangkitatn-Ne dari antara urakng mati,kade'k Ia koa Anak Allah nang bakuasa,Yesus Kristus Jubata diri'k. ⁵ Lewat parantaraan-Ne dirik narima'k kasih karunia ba jabatan rasul supaya bisa nuntun samua bangsa,biar mereka picaya'k ba taat ka dama-E. ⁶ Kao pun termasuk ka antara mereka,kao nang dimilih jaji milik Kristus. ⁷ Kasamua kita'k nang diapm ka Roma,nang dinyayakngi'k Jubata,nang dimilih ba dinyajiatn urakng-urakng Kudus: Kasih karunia nyaratai'k kao ba damai sejahtera dari Jubata,Apa'k diri'k,ba dari Yesus kristus. ⁸ Nang pertama aku batarima'k kasih ka Allahku karna Yesus kristus untuk kita'k samua,karna dah tasiar kabar tentang iman nyu kasaluruh dunia. ⁹ Karena Jubata,nang aku nyambah ba saganap ati ku lewat pambaritaan Injil Anak-ke ,adalah saksiku,kade'k kadaapm doa ku aku salalu ingat kao: ¹⁰ Aku badoa,mudahan ba kehendak Jubata aku ahire namu kesempatan untuk ngunjungi'k kao. ¹¹ Soale aku mao'k nee'k kao untuk mareatn karunia kakao biar bisa nguatatn kao, ¹² Yakoa biar aku ada ka antara kao ba biar bisa tahibur di iman diri'k basama,baik karna iman nyu mao'k pun karna imanku. ¹³ Kamaru'k-kamaru'k, aku mao'k supaya kao nauan,kade'k aku dah sering baniat untuk atakng kakako tapi sampe angkitn aku manyak kendala-biar katangah-tangahnyu aku namu hasil,tolen ugak nang katangah-tangah bangsa buke'k Yahudi nang lain. ¹⁴ Aku barutakng ka urakng Yunani,mao'kpun ka urakng buke'k Yunani,mao'k ka urakng pintar atopun ka urakng bodo. ¹⁵ Karna koalah alasane aku nyuritaatn Injil ka kao ba nang diapm ka Roma ¹⁶ Karna aku yakin nang kuat kadaapm Injil,adalah kakuatatn Allah nang nyalamatatn satiap urakng nang picaya'k,nang pertama urakng Yahudi,ba urakng Yunani uga'k. ¹⁷ Karna kadaapme nyata kabanaratn Allah,nang batantangan ba iman ba nang mimpin iman,saparati ada tatulis:"Urakng banar pasti idup dari iman." ¹⁸ Karna Allah pasti bera dari sorga atas sagala kasalahatn ba kasombongan manusia,nang nindas kabanaratn ba sombongan. ¹⁹ Soale ahe nang bisa mereka nahui'k tentang Allah pasti nyata untuk mereka,karna Allah dah nyataatn kamereka. ²⁰ Karna ahe nang ina'k kateeatn datri Ia,adalah kakuatatn-Ne nang kekal ba keilahian-Ne,bisa kateeatn dari pikiran karya-E samenjak dunia dinyiptaatn,biar mereka ina'k bisa bakata. ²¹ Soale biarpun mereka kanal ka Allah,mereka ina'k muliaatn Ia sabagai Allah atopun ngucap syukur ka Ia.Sabalike pikiran mereka jaji sia-sia ba ati mereka nang bodo jaji galap. ²² Mereka minjawat diri'k e saolah-olah mereka pintar,padahal mereka koa dah jaji bodo. ²³ Mereka nganti kamuliaatn Allah nang inak Fana ba gambar nang mirip ba manusia nang Fana,burukng-burukng,laok-laok nang bapaha ampat ato laok nang nyoor. ²⁴ Karna koa Allah nyarahatn mereka ka kamao'kan ati mereka ka kajahatatn,lalu mereka saling nyahatatn tubuh mereka. ²⁵ Soale mereka nganti kabanatn Allah ba dosa ba muji nyambah mahluk lalu kopaatn ka penciptae nang harus di puji salama-lamae amin. ²⁶ Karna koa Allah nyarahatn mereka ka hawa nafsu nang masupe'ki'k,soeale bini-bini mereka jaji batingkah waktu saat basatubuh biasae wajar jaji ina'k wajar. ²⁷ Ayakoa uga'k aki-akie babuat sama kabinie basatubuh nang wajar jaji inak wajar,pokok e mereka nafsu balabih jaji kalainan sek nang laki cinta ka kanang laki,lalu karna koa merekapun narima'k balasan nang satimpal untuk kasalahatn mereka. ²⁸ Dan karna mereka ngarasa ina'k perlu untuk ngakoi'k Allah,maka Allah nyarahatn mereka kapikiran-pikiran nang terkutuk,maka mereka ngalakukan nang ina'k pantas: ²⁹ Barinsi'k ba macam-macam kasombongan,ba kajahatatn,serakah,dangki,pambunuhan,pasalisihatn,panipuatn ba ke fasikan. ³⁰ Mereka adalah panyumpah,pemitnah,paneget,,kurang ngajar,angkuh sombong,pandekar daapm kajahatatn,ina'k taat ka urakng tuha, Ina'k ³¹ baotak,ina'k setia,ina'k panyayakng,ina'k ba ina'k pangasih. ³² Soale walaupun mereka nauan tentang hukuman Allah,yakoa bahwa satiap urakng nang ngalakukan hal-hal jahat koa,patut diukum mati,mereka pun buke'k aja'k ngalakukan babaro,tapi merek pun satuju ba mereka nang babuat yakao uga'k.