¹ Karna koa ,hai manusia,saepun kao,nang menghakimi urakng lain,kao sandiri'k ina'k bebas dari salah.Karna, daapm menghakimi urakng lain,kao menghakimi diri'knyu sandiri'k, karna kao nang menghakimi'k urakng lain,ngalakukan hal nang sama. ² Tapi diri'k nauan,bahwa ukuman Allah bajaatn secara jujur atas mereka nang babuat demikian. ³ Dan kao,hai manusia,kao nang menghakimi mereka nang babuat demikian,sadangkan kao sandiri'k ngalakukan uga'k,memang kao kira,bahwa kao akan bapikir kao bisa lapas dari ukuman Allah? ⁴ Mao'k ge'k kao nganggap kakayaatn kabaikatn-Ne,kasabaratn-Ne ba kaikhlsatn ati-E? Ina'k ge'k kao nauan,bahwa maksut kabaikatn Allah koa supaya bisa nuntun kao untuk batobat? ⁵ Tapi karna kao karas kapala bai'k batobat,kao minjawat beranyu sandiri'k ana pada waktu ari bera ba ukuman Allah ba adil akan dinyataatn. ⁶ Ia pasti malas satiap urakng nurut pabuatatnne. ⁷ Yakoa idup kekal ka mereka nang tekun babuat baik,ngago'k kamuliaatn,kahormatatn ba biar ina'k binasa, ⁸ Tapi bera ba karintiman ka mereka nang ngago'k kapentingan diri'k e,nang ina'k taat ka kabanartan,melainkan taat ka kajahatatn. ⁹ kasengsaraatn ba kasesakan pasti nimpa'k urakng nang idup babuat jahat,pertama urakng Yahudi ba Yunani, ¹⁰ Tapi aka'k koa,kahormatan ba damai sejahtera akan dibare'k samua urakng nang babuat baik,pertama-tama urakng Yahudi,ba urakng Yunani uga'k. ¹¹ Karna Allah ina'k mandang bulu. ¹² Karna samua urakng nang badosa tanpa ukum Taurat pasti binasa tanpa ukum Taurat; ba samua urakng badosa kababah ukum Taurat pasti dihakimi'k pake ukum Taurat. ¹³ Karna buke'klah urakng nang nangar ukum Taurat nang banar ka adaapatn Allah,tapi urakng nang ngalakukan ukum Taurat nang pasti dibanaratn. ¹⁴ Kade'kpun bangsa-bangsa lain nang ina'k miliki'k ukum Taurat karna dorongan diri'k e sandiri'k ngalakukan ahe nang dinuntut di ukum Taurat untuk diri'k e sandiri'k. ¹⁵ karna koa mereka nunjukatn,bahwa insi'k ukum Taurat ada tatulis kadaapm ati mereka ikut basaksi ba pikiran mereka saling nuduh ato sama-sama batahan. ¹⁶ Hal koa pasti kateeatn pas ari,bila mae Allah,sasuai ba Injil nang ku ngabaratn,mao'k ngakimi'k sagala sasuatu nang ina'k kateeatn daapm ati manusia, ka Kristus Yesus. ¹⁷ Tapi, kade'k kao nyabut diri'knyu urakng Yahudi ba baserah ka ukum Taurat,ba suka daapm Allah, ¹⁸ Banuan ahe kahendak-Ke,ba oleh karna dingajari'k daapm ukum Taurat,bisa nauan mae nang baik nang mae nang ina'k, ¹⁹ Bayakin,kade'k kao adalah panuntun urakng buta'k ba tarakng bagi mereka nang kadaapm kagalapatn, ²⁰ Pangajar urakng bodo,ba pangajar urakng nang nape'k dewasa,karna daapm ukum Taurat kao miliki'k samua kapanean ka kabanaratn. ²¹ Jaji,ayamae kao ngajar urakng lain,ina'k ge'k kao ngajari'k diri'knyu sandiri'k? Koa nang ngajari'k:"Ame pangait,"ngahe kao sandiri'k pangait? ²² Kao nang bakata ame bazinah,"ngahe kao sandiri'k bazinah? kao nang beseh kasagala na'k berhala,ngahe kao sandiri'k ngarampok rumah bahala? ²³ Kao basuka atas ukum Taurat,ngahe kao sandiri'k menghina Allah dengan ngalanggar ukum Taurat koa? ²⁴ Saparati ada tatulis:"Jukut karna kaolah dama Allah dihujat ka antara bangsa-bangsa lain." ²⁵ Babaak memang ada gunae,kade'k kao naati'k ukum Taurat; tapi kade'k kao ngalanggar ukum Taurat,jaji babaaknyu ina'k ada agi'k gunae. ²⁶ Jaji kade'k urakng nang ina'k babaak maratiatn tuntutatn-tuntutatn ukum Taurat,ina'k ge'k ia dianggap sama uga'k urakng nang udah dimaak? ²⁷ Kade'k yanyian, jaji urakng nang ina'k babaak,pasti ngakimi'k kao nang ada ba ukum tatulis ba baak,tapi nang ngalanggar ukum Taurat. ²⁸ Karna nang dinyabut Yahudi buke'klah urakng nang katurunan Yahudi,ba nang dinyabut babaak,buke'klah babaak nang diminjawat secara katurunan. ²⁹ Tapi urakng Yahudi sejati adalah ia nang ina'k kateeatn ka Yahudiatn ne ba babaak adalah babaak daapm ati,secara rohani,buke'k secara tatulis.maka pujian bagie atakng buke'k dari manusia,melainkan dari Allah.