¹ Aka,k koa Ia ngataatn sote,k parumpamaan ka mereka tentang yamae mereka haruse salalu badoa,ba ina'k bosan, ² jakata Jubata tuhan,"Ka sote'k kota'k,ada seko'k urakng hakim nang ina'k gai'k ka Jubata Allah ba ia ina'k paduli ka urakng lain. ³ Lalu ada pula'k seko'k janda ka kota'k koa,ba ia sering atakng ka ia,ba bakata," bantu'k lah aku untuk bisa namu ka adilatn dari lawanku." ⁴ untuk waktu nang lama ia bai'k nolong ia,tapi dah ina'k sangahe lama ia bakata kadiri'k e,"Meskipun aku ina'k gai'k ka Jubata Allah ato ngaharga'ik urakng lain, ⁵ tapi karna janda koa nyusahatn aku,aku pasti mao'k mantu'k ia namu ka adilatn,biar ia ina'k atakng hane nyusahatn aku." ⁶ Lalu Jubata bakata,"Dangarlah ahe nang dingataatn di hakim nang ina'k adil koa. ⁷ Angkitn ina'k ge'k Jubata uga'k dah mare ka adilatn ka urakng-urakng nang tapilih nang salalu badoa ka Ia siakng ba maam? ina'k mungkin Ia nunda'k mare'k partolongan kamereka? ⁸ Aku bakata ka kao kade'k Ia pasti bijak ngicakng ka adilatn ka mereka.Tapi waktu Jubata udah atakng,namui'k ge'k ina'k Ia iman ka bumi?" ⁹ Lalu Ia matakatn uga'k parumpamaan nyian ka urakng nang nganggap dirik e batol ba ngarendahatn urakng lain, ¹⁰ "Ada dua urakng ampus ka rumah Jubata untuk badoa-- nang seko'k ia koa urakng Farisi ba nang lain adalah seko'k urakng panagih pajak. ¹¹ Urakng Farisi koa badiri ba badoa ka daapm ati,'Oh Jubata,aku ngucap syukur bahwa aku ina'k aya urakng lain pamarampok,buke'k urakng nang batindak samao'k e,buke'k urakng nang suka minjawat dosa,ato buke'k panagih pajak. ¹² Aku puasa dua kai daapm saminggu.Aku mareatn per sapuluhan dari pangasilatn nang aku namu,' ¹³ Tapi panagih pajak nyian badiri dari jarak jauh,bahkan ina'k barani ngangkat matae nee'k ka angit,tapi ia napok dadae,babakata,"Jubata, kasihi'k lah aku,nang badosa nyian." ¹⁴ Aku bakata kakao,urakng nyian puakng karumahe ia bisa labih baik dari nang laine,soale urakng samua urakng nang ningian diri'k e pasti direndahatn,tapi samua nang ngarendahatn diri'k e pasti ditingian." ¹⁵ Urakng-urakng ngicakng ola-olae uga'k ka Ia,biar Ia bisa nyangkam mereka,tapi waktu na'k murid nee'k kajadian koa,mereka nagur kabatne kakoa. ¹⁶ Tapi Jubata Yesus nyaru'k mereka ba bakata,"Biaratn lah kamuda'k kakoa atakng ka Aku,ba ame ngalangi'k mereka.karna urakng-urakng aya koa lah nang punya Karajaan Jubata Allah. ¹⁷ Sasidie Aku bakata kakao,sae pun nang ina'k bisa narima'k Karajaan Jubata Allah tolen narima'k kamuda'k,ia ina'k bisa taama'k kadaapme." ²⁰ Seko'k urakng pangusaha batanya'k ka Ia,jakatae,"Guru nang baik,ahe nang harus aku pinjawat untuk ngawarisi'k idup nang kekal?" ¹⁹ Jubata Yesus bakata ka ia,"ngahe kao bakata Aku baik? ina'k ada seko'k pun nang baik kacoali kahe Allah aja'k nang baik. ¹⁸ kita'k nauan parentah Allah-ame bazinah,ame munuh,ame pangait,ame basaksi dosa,hormati'k lah apa'k ba we'k nyu." ²¹ Urakng koa bakata,samua hal koa udah aku naati'k dari aku gi'k muda'k." ²² Waktu Jubata Yesus nangar hal koa,Ia bakata ka ia,"sete'k agi'k nang masih kurang.Kao harus nyua samua ahe nang ada lalu samua hasile kao bagiatn ka urakng kodo,aka'k koa kao pasti namu harta kasorga-- lalu kao atakng ba ampuslah ba Aku." ²³ Tapi pas waktu urakng kaya koa tadi nangar hal nyian,ia jaji sedih sidi soale ia urakng nang paling kaya. ²⁴ Aka'k koa Jubata Yesus, nee'k ia,Ia sedih sidi," rasae susah sidi untuk urakng nang kaya bisa taama'k ka karajaan Allah! ²⁵ malahan lebih gampang untuk seko'k onta taama'k ka ubakng jarupm,dari pada urakng kaya taama'k ka karajaan Allah." ²⁶ Mereka nang nangar bakata,"Lalu sae ge'k nang bisa disalamatatn?" ²⁷ Jubata Yesus nyawab,"Hal-hal nang inak'k mungkin ja manusia tapi mungkin ja Allah." ²⁸ Petrus bakata,"kami dah ningaatn sagala ahe nang kami miliki'k ba udah mao'k ngikuti'k Kao." ²⁹ Aka'k Jubata Yesus bakata kamereka,"Sasidie,Aku bakata ka kao kade'k ina'k ada seko'k urakng pun nang dah ningaatn rumah,binie,kamar kapalae,ato urakng tuha ba anak-anak demi untuk karajaan Allah, ³⁰ nang ina'k bisa narima'k dunia nyian,ba dunia nang akan atakng, idup nang ke ³¹ Aka'k Ia ngomoan dua balas murid te,Ia bakata ka mereka,"kita nauan, diri'k mao'k ampus ka Yerusalem,ba samua hal nang ku nulis di na'k nabi tentang anak manusia/Jubata pasti ditepati'k. ³² Soale Ia mao'k disarahatn ka urakng-urakng buke'k Yahudi,ba pasti di caci,dipasupek'ik ba diujahi'k. ³³ Sa aka'k nyambuk Ia,mereka mao'k munuh Ia ba pas saat ari ka tiga Ia pasti bangkit." ³⁴ Mereka ina'k mahami'k sote'k pun dari hal-hal nyian,bapakataatn nyian pun dinaporatn dari mereka,ba mereka ina'k ngarati masalah nang dingataatn nyian. ³⁵ Waktu Jubata Yesus amper sampe ka Yerikho,seko'k urakng buta'k gi'k duduk ka pinggir maraga sambil minta'k-minta'k, ³⁶ ba nangar urakng rami lewat,ia batanya'k ada kajadian ahe. ³⁷ Mereka mare'k nauan ia kade'k Jubata Yesus dari Nazaret lewat. ³⁸ Urakng buta'k koa ngampak,bakata,"Jubata Yesus anak Daud,kasihatni'k lah aku." ³⁹ Urakng-urakng nang bajaatn ka depan bera ka urakng buta'k koa,nyuruh ia diapm. Tapi ia ngampak labih kuat,Anak Daud,kasihatni'k lah aku." ⁴⁰ Aka'k koa Jubata Yesus baranti ba nyuruh urakng buta'k koa di icakng ka Ia. Aka'k koa waktu urakng buta'k koa samak,Jubata Yesus batanya'k ka ia, ⁴¹ "Ahe nang kao mao'k Aku pinjawat untuk diri'k nyu?"ia bakata,"Jubata aku mao'k mata ku bisa nee'k." ⁴² Jubata Yesus bakata ka ia,"Tarima'k lah matanyu dah tomo.Iman nyu nang dah nomoan kao." ⁴³ Pas waktu koa uga'k ia bisa nee'k,ba nunaan Jubata Yesus,langsung muliaatn Allah.Nang nee hal nyian, samua urakng basyukur ka Allah.