¹ Angkitn samua panagih pajak ba urakng-urakng badosa laine atakng ka Jubata Yesus untuk nangaratn Ia. ² Baik golongan Farisi ba na'k ahli Taurat mareco ka seko'k ba nang laine,mereka bakata,"Urakng nyian nyambut urakng-urakng badosa,ba bahkan makatn basama-sama ba mereka." ³ Jubata Yesus nyuritaatn parumpamaan nyian ka mereka,Ia bakata, ⁴ "Nang mae ge'k dari kao,kade'k kao miliki'k saratus domba lalu kailangan seko'k ka antara mereka,ina'k akan ningaatn sambilan puluh sambilan ka padang belantara,ba ampus untuk seko'k domba nang ilang koa sampe namuan ia? ⁵ Lalu waktu ia udah namuan ia,ia ngakaatn ka atas bahue ba sidi karepoatn/suka cita. ⁶ Waktu ia nyampe rumah,ia nyarui'k ba na'k ayukng-ayuknge ba tetangga'k-tetangga'k e lalu bakata kamereka,'Basukacitalah ba aku,karna aku udah namuan domba ku nang ilang.' ⁷ Aku bakata ka kao bahwa walaupun,akan ada kasenangan kasorga atas seko'k urakng badosa nang batobat,labih dari sambilan puluh sambilan urakng-urakng banar nang ina'k butuh untuk batobat. ⁸ Ato apakah nangbini nang miliki'k sapuluh koin perak,kade'k ia kailangan sege'k koin ina'k akan nyalaatn lampu,nyapu rumah,ba ngagui'k ba sungguh-sungguh sampe ia namuan ia? ⁹ Dan waktu ia namuan ia,ia nyarui'k basama-sama ba ayuknge ba tetangga'k-tetangga'k e,ba bakata,'Basukacitalah ba aku, karna aku udah namuan sege'k koin ku nang aku ngilangan.' ¹⁰ Yanyian uga'k,aku bakata kakao,ada kagembiraan dari na'k malaikat-malaikat Allah atas seko'k urakng nang batobat." ¹¹ Aka'k koa Jubata Yesus bakata,"Ada nang laki-laki miliki'k dua nang bujakng, ¹² ba nang labih muda'k dari mereka bakata ka apak e,'Apa'k bareatn aku bagiatn kakayatn nang jaji bagiatnku.'Maka ia magi hartae ka antara mereka. ¹³ Sakitar sangahe ari kadepane,nang bujakng bunsu ngomoan samua nang ia miliki'k dan ampus kasabuah nagari nang jauh,ba kana'kun ia ngabisatn duite,mali'ik barang-barang nang ina'k ia perlukan,ba ngabisatn duite daapm kaidupatn nang sambarangan. ¹⁴ Angkitn waktu ia udah ngabisatn sagalae,kaparatn miah nimpa'k nagari koa,dan ia pun jaji kodo. ¹⁵ Ia ampus ba mulai'k nawaratn diri'k e bakaraja kasalah seko'k urakng nang barada ka nagari koa,lalu urakng koa nyuruh ia ka papuke untuk mare'k makatn babotn-babotne. ¹⁶ Dan ia basenang ati makatni'k kuit-kuit buncis nang jaji makanan babotn-babotn koa karna ina'k ada seko'k urakng pun nang mare'ki'k ia jukut nang untuk dimakatn. ¹⁷ Tapi waktu nang bujakng bunsu atakng ka ia,ia bakata,'Apa'k ku ada manyak palayan-palayan nang bakaraja ba miliki'k labih dari cukup makanan,ba aku ka dian,mati kaparatn! ¹⁸ Aku akan ningaatn nyian dan ampus ka apa'k ku,ba mao'k bakata ka ia,"Apa'k aku udah badosa ngalawan sorga,dan kadaapm paneeatnyu. ¹⁹ Aku ina'k pantas agi'k untuk disabut anak bujakngnyu,jajiatn aku salah seko'k dari palayan-palayan nyu.'" ²⁰ Maka anak nang bujakng bunsu ampus dan atakng namui'k apak e.Samintara ia masih jauh,apa'k e nee'k ia,tasantuhlah atie kasihatn,ia bateleh,lalu ngapakng ba ngidungi'k ia. ²¹ Nang bujakng koa bakata,'Apa'k,aku udah badosa ngalawan sorga dan kadaapm paneeatn nyu.aku ina'k pantas disabut anak bujakng nyu.' ²² Apa,k koa bakata ka palayan-palayane,'Gaceh icangan baju/ jubah nang paling gagas,ba pakeatlah ka ia,ba bare'klah sabuah cincitn kakokote,ba alas paha ka pahae. ²³ Aka'k koa icaknglah seko'k anak sapi nang gamok ba bunuhlah.Je'k diri'k rayaatn ba bagawe! ²⁴ Untuk anak bujakng ku nang mati dee,ba angkitn ia idup.ia dee ilang,ba angkitn ia dah tamu.'lalu mereka mulai'k untuk ngarayaatn ia. ²⁵ Ada pun anak bujakng nang tuha ada ka uma.pas ia atakng ba samak rumah,ia nangar musik ba bajoget. ²⁶ Ia nyarui'k salah seko'k dari palayane ba batanya'k ahe nang dah tajaji. ²⁷ palayan koa bakata ka ia,'kamar kapala nyu nang laki-laki udah puakng dan apa'k nyu udah munuh seko'k anak sapi nang gamok,karna ia udah kembali dengan salamat." ²⁸ Anak laki-laki nang tuha bera ba ina'k akan ampus taama'k,lalu apa'k e kaluar,ba mohon ka ia. ²⁹ Tapi anak laki-laki nyawab ba bakata ka apa'k e,'Tee'k lah sangahe tahutn nyian aku bakaraja karas untuk kao,ba aku ina'k ngalanggar paraturan dari kao,tapi kao nape'k suah mare'k aku seko'k kambing muda'k nang mao'k aku rayaatn ba ayukng-ayukng ku, ³⁰ tapi waktu anak bujakngnyu atakng,nang dah ngancuratn idupnyu ba lonte-lonte,kao munuhan ia seko'k anak sapi nang gamok.' ³¹ Apa'k e koa bakata ka ia,'Nak kao salalu ba samaku,ba samua nang aku miliki'k adalah miliknyu. ³² Tapi nyian cocok untuk diri'k ngadaatn gawe ba bahagia,karna kamar kapalanyu nang dee mati,angkitn dah idup;ia dee ilang dan angkitn dah tamu."'