¹ Pas saat ari Sabat,waktu ia atakng karumah salah seko'k pamimpin dari urakng-urakng Farisi untuk makatn di koa.samua nang atakng maringasatni'k Ia sidi-sidi. ² Tiba-tiba ataknglah seko'k nang sakit bosokng ai'k badiri ka adapatn-Ne. ³ Jubata Yesus bakata ka ahli-ahli Taurat ba urakng-urakng Farisi koa,jakata-E:"Dimuihana'k ge'k nomoan urakng pada ari Sabat ge'k ina'k?" ⁴ Tapi mereka samua koa diam.Lalu Ia nyangii'k kokot urakng nang sakit koa ba nomoan Ia ba nyuruh ia dari. ⁵ Aka'k koa Ia bakata ka mereka:"Sae ge'k ka antara kita'k nang ina'k gaceh narik kauas anak ke atau dombae kade'k taporosok kadaapm sumur/kolam,walaupun ari Sabat?" ⁶ Mereka ina'k mampu mantah Ia. ⁷ Waktu Jubata Yesus nee'k,bahwa tamu-tamu barusaha nuduki'k tampat-tampat kahormatatn,Ia ngataatn parumpamaan koa ka mereka: ⁸ "Waktu kao dingundang di seko'k urakng ka gawe panganten,amelah duduk katampat tahormat,soale mungkin urakng koa udah ngundang seko'k urakng nang labih tahormat dari pada kao. ⁹ Waktu urakng nang ngundang kao ba ia atakng ka kakao,ba mao bakata ka kao:"Bare'klah tampat nyian ka urakng koa",lalu kao akan supe'k arus dari duduk ka tampat nang paling babah. ¹⁰ Tapi kade'k kao diundang,ampus ba duduklah ka tampat nang labih babah,jaji waktu urakng nang ngundang kao atakng,ia pasti bakata kakao,"Kamaru'k ku,je'k duduk katampat nang tahormat."Lalu kao pasti duduk bajaji urakng nang tahormat daap acara koa. ¹¹ Bagi saepun nang ningiatn diri'ke pasti direndahatn ba barang sae nang ngarendahatn diri'ke pasti ditingian." ¹² Jubata Yesus pun bakata uga'k ka urakng nang ngundang Ia,"Waktu kao mare'k makatn siakng ato makatn maam,amelah kao ngundang ayukng-ayukngnyu ato kamaru'knyu ato kamar kapalanyu ato tetangga'knyu nang kaya,karna mereka bisa aja' ngundang kao uga'k,jaji kao pun harus maas ia agi'k. ¹³ Tapi saumpama kao ngadaatn gawe,undanglah mereka nang kodo,timpakng,lumpuh ba buta'k, ¹⁴ Dan kao pasti dibarakati'k,karna mereka ina'k mampu mao'k malas kao.karna kao akan narima'k balasan pada saat kabangkitatn urakng-urakng banar." ¹⁵ Waktu salah seko'k dari mereka nang duduk ka meja basama Jubata Yesus nangar parihal nyian,ia bakata ka Jubata Yesus,"Dibarakati'k lah ia nang makatn roti daapm kerajaan Allah!" ¹⁶ Tapi Jubata Yesus bakata ka mereka,Ada seko'k urakng nyiapatn makanan nang manyak ba ngundang manyak urakng. ¹⁷ Waktu pamakanan dah siap,ia nyuruh ambae untuk mare'k nauan mereka nang dingundang,'Ije'klah,karna angkitn samuae udah siap.' ¹⁸ Lalu mereka samuae mulai'k badalih.nang pertama bakata ka ia,'Aku dah mali sabidang tanah,ba aku harus ampus nee tanah koa.Maapatn aku.' ¹⁹ Ba nang lain bakata,'Aku dah mali lima pasang lembu,ba aku harus nyoba iya.Maapatnlah aku.' ²⁰ Ba urakng lain bakata,'Aku baru'k panganten,karna koa aku ina'k bisa atakng.' ²¹ Amba koa pun puakng ba mare'k nauan tuane tentang parihal nyian.Lalu beralah tuan rumah koa ba bakata ka ambae,' ampuslah gaceh kamaraga-maraga ba kota'k-kota'k ba icaknglah urakng-urakng kodo,timpakng,buta'k,ba lumpuh.' ²² Tapi amba koa bakata,"Tuan ahe nang udah kao marentahatn udah aka'k dingarajaan,tapi masih ada tampat.' ²³ Lalu tuan koa bakata ka amba koa,'ampuslah ka maraga-maraga ba lorong-lorong ba babalah mereka untuk taama'k,dengan yakoa rumah ku jaji barinsi'k. ²⁴ Karna aku bakata kakao,ina'k seko'k pun dari mereka nang pertama dingundang akan nyacapi'k pamakananku." ²⁵ Pas waktu koa manyak urakng baduyun-duyun nunaan Jubata Yesus daapm pajaanan-E.sambil bapaling ia bakata ka mereka, ²⁶ Kade'k seko'k urakng atakng ka Aku ba ia ina'k teget ka apak e,uwe,k e,binie,anak-anak ke,kamar kapalae nang laki ba nang bini,bahkan nyawae sandiri'k,ia ina'k bisa jaji muridKu. ²⁷ Barangsae ina'k mikut salibpe sandiri'k ba nunaan Aku,ia ina'k bisa jaji muridKu. ²⁸ Sabab saelah diantar kita'k, nang kade'k mao'k madiri sabuah menara ina'k duduk doho'k minjawat anggaran biayae,kade'k cukup kabutuhan ne untuk nyelesaiyatn pakarajaatn koa? ²⁹ Biar kade'k ia udah ngakaatn dasare ba ina'k bisa nyelesaiyatn iya,bisa-bisa urakng nang nee'k iya,mulai makaratn iya, ³⁰ Bakata:urakng koa mulai'k madiriatn,tapi ia inak sanggup nyelesaiyatn iya. ³¹ Ato raja mae ge'k,kade' ia ampus nyarang raja lain untuk baparang,ina'k duduk doho'k ba minta'k nasehat ahe ge'k ia mampu ba sapuluh ribu nang laki ngalahatn raja lain nang atakng nyarang ia ba dua puluh ribu laki-laki? ³² Ba kade'k ina'k,salama tantara nang lain masih jauh,ia ngiripm seko'k urakng utusatn ba nanyaan sarat-sarat untuk badamai. ³³ Yakoa uga'k,saepun dari antara kita'k nang ina'k nyarahatn samuae kaidupatn ina'k bisa jaji muridKu. ³⁴ Gare'k koa baguna, tapi kade'k gare'k udah kailangan rasae ayamalah gare'k koa dipinjawat pada'k agi'k? ³⁵ Koa ina'k baguna agi'k untuk uma mao'k pun jaji pupuk.gare'k koa akan dibuakng.sae nang ada batarenyekng untuk nangar,biarlah ia nangar."