¹ Aruse tiap urak'ng nee' kami nyian ambae Kristus, nang dimicayaat'n onto' naun samua rahasia kabanarat'n Jubata ka Subayat'n. ² Amba-ambae ka dian tantue amba nang bisa dipicayaai'. ³ Onto' aku sabebet sidi ko artie, antah ge' aku nyian di kita' ngakimi atau ge' ka pangadilan taino. Aku babaro ku pun ia aku hakimi'. ⁴ Aku memang ina sadar sasidie parihal samua'e, tapi buke' karana kuihan aku lalu dibanarat'n. Ia nang ngakimi aku, kuihanlah Jubata. ⁶ Kamaru' page waris, samua kataku nyian aku nganaat'n uga ka aku babaro dan uga ka Apolos karana kita', supaya samua contoh nang gagas nang udah kami neeat'n nyianlah kita' balajar ahe ratie kata: "Ame ngalabihi' ahe nang udah dinulis doho', supaya ame ada ka antara kita' nang nagaat'n diri'e labih dari nang lain. ⁷ Sae nang nganggap diri'e labih barati? Ahe nang ina ada ka kita' nang ina' kita' tarima'? Kade' memang kita' udah narima'nya, ngahe unang kita' tamih nagaat'n diri' kita' saolah-olah unang kita' ina narima'nya? ⁸ Kita' dah kanyang, dah kaya sidi, tanpa ba kami kita' dah jaji raja. Ah, memang gagas sasidie kade'nya memang banar aya kuihan bahwa kita' udah jaji raja, sampe kamipun ikut repo jaji raja ba kita'. ⁹ Nyian pandapatku bahwa Jubata udah mareat'n ka kami rasul-rasul, tampat nang paling babah, nang sabaya sidi ba ka tampat urak'ng-urak'ng nang udah dingukum mati, nang udah jaji tontonan urak'ng ka taino nyian, bagi malaikat-malaikat ba uga' manusia. ¹⁰ Kami nyian jaji baga karena Kristus, tapi kita' jaji tarigas ka daap'm Kristus. Kami lamah, tapi kita' sia' kuat. Kita' mulia, kami sia' hina sidi. ¹¹ Sampe angkit'n pun kami masih kaaparat'n, kaausat'n , badoga, dimangkongi' dan idup ina' tantu rudu. ¹² Kami ngarajaat'n pakarajaat'n nang sidi miah barate. Kade' kami dimapas, kami mare' kata barakat. Kade' kami dimalasah, kami sabar. ¹³ Kade' kami dimitnah kami tatap nyahuti dangan ba kata nang lamah lamut; kami nyian udah jaji sampah taino, sarupa kotoran nang dah ina' baguna agi', sampe ka angkit'n. ¹⁴ Parihal nyian memang aku nulisat'n ka kita' buke'nya onto' masupe'i' kita' tapi onto' ngingatat'n kita' sabagai kamuda' kamuda'ku nang ku nyayangi'. ¹⁵ Biar ba jare kita' ada baribu guru ka daap'm Kristus, kita' ina' ada ba Apa'. Akulah nang udah jaji Apa' kita ka daap'm Kristus Yesus, nang mae barita Injil nang gagas nyian udah aku maritaat'n ka kita'. ¹⁶ Angke kuihanlah aku matakat'n ka kita' supaya nunaan samua nang baik nang udah aku neeat'n ka kita'. ¹⁷ Angke kuihanlah aku ngiriman ka kita' si Timotius, anakku nang aku nyayak'ngi sidi, nang sidi panurut ka daap'm Jubata. Ana ia mao' ngingatat'n kita ayamae caraku idup nuruti' parintah Yesus Kristus, nang salama nyian aku ngajarat'n ka samua urak'ng. ¹⁸ Ada sangahe urak'ng nang nyombongan diri'e, barang ga' kabat'ne koa ngira aku dah bai agi' atak'ngnga ka tampat kita' badiap'm. ²¹ Ina lama agi' aku mao' atak'ngnga ka tampat kita', kade' Jubata mare' ijin. Dari kuihanlah aku jaji nauan, ayamae kata urak'ng-urak'ng nang sombong, tapi antak mae kaute kabat'ne koa. ²⁰ Ayamae Radak'ng Subayat'n koa buke' ditee' dari ayamae kata urak'ng tapi kuasa Jubata. Ahe me nang kita' maoat'n? ¹⁹ Arus me aku atak'ng ka kita' sambi ngicak'ng pamangkong atau ge' bakata nang lamut?