¹ Ayakuihanlah, waktu aku atak'ng ka kita' samua page kamaru', aku ina' atak'ng ba kata-kata nang gagas atau ba hikmat kapintarat'n onto' maritaat'n parihal Jubata ka kita'. ² Aku dah mutusat'n onto' bai' nauan ahe nang terjadi ka antara kita' selain Yesus Kristus, Ia nang udah dinyalipat'n onto' diri'. ³ Aku uga' dah atak'ng ka kita daap'm kalamahan, sidi gangatar ba kagai'anan. ⁴ Baik nya koa pakataanku ba pamaritaat'nku nang udah aku matakat'ni ka kita' ba kata-kata hikmat nang sidi meyakinkan, tapi ba kayakinan ka daap'm kakuatan Roh Baraseh, ⁵ supaya iman kita' ina bagantong ka kapintarat'n talino, tapi ba kakuatan Jubata. ⁶ Sungguhpun ayakoa, kami maritaat'n hikmat ka antara kabat'ne nang udah nuha, nang kuihanlah hikmat kapintarat'n nang buke' atak'ng dari dunia nyian, buke' uga' dari panguasa-panguasa dunia nyian, nang akhire ana pasti diancurat'n. ⁷ Tapi nang kami maritaat'n hikmat Jubata nang ina' kateeat'n, rahasia, nang udah ada sanape' dunia nyian jaji, udah dinyiapat'n Jubata onto' kamuliaat'n diri'. ⁸ Ina' ada dari panguasa dunia nyian nang nganalnya, kade'pun kabat'ne nganal ia, tapi kabat'ne udah nyalipat'n Jubata nang mulia. ⁹ Aya nang udah dinulis dee are' aya nyian: Ahe nang ina suah di mata nee', ina suah di tarenyek'ng dangar, nang ina suah timu ka daap'm ati talino: samua nang dinyadiaat'n di Jubata onto' kabat'ne nang bakaseh sayak'ng ka Ia. ¹⁰ Ka diri'lah Jubata udah matakat'nnya oleh Roh Baraseh, sabab Roh Baraseh kuihanlah nang mariksai' sagala hal, bahkan hal-hal yang tasosokat'n pun dari daap'm Jubata. ¹¹ Sae me ka antara tuah talino nang nauan, ahe nang ada ka daap'm tubuh talino, selain roh talino kuihan nang ada ka daap'n ia? Ayakuihanlah uga, ina' ada seko' urak'ng pun nang nauan, ahe nang ada ka daap'm Jubata, selain Roh Baraseh kuihan. ¹² Diri' ina' narima' roh dunia nyian, tapi roh nang atak'nge dari Jubata, supaya diri' nauan ahe nang Jubata udah mareat'n ka diri'. ¹³ Kami nafsirat'n parihal rohani ka kabat'ne nang ada ba roh, kami bakata-kata parihal karunia-karunia Jubata ba pakataat'n nang buke' dingajarat'n ka kami oleh kapintarat'n talino tapi karana Roh Baraseh. ¹⁴ Talino nang atak'ng dari dunia nyian ina' bisa narima' ahe nang atak'ng dari Roh Baraseh, barang ga' jukut koa kahe sabuah kabagaat'n, ina' bisa mahami'nya, barang jukut koa kahe bisa ditee' secara rohani. ¹⁵ Tapi talino nang basifat rohani koa mampu nee sagala hal tapi ia babaro ina ditee' di urak'ng lain. ¹⁶ "Sae me nang bisa nahui' pikiran Jubata, sampe ia mampu nasehati Ia? Tapi kami nyian miliki pikiran Kristus.